1 Ko̱ri̱nto̱ 1:26 - Tennet

²⁶ Gotonogga ki ngonogga tu̱we̱nta̱, i̱no̱ni̱t baiz bali reeni baling atahalaung Ta̱mu̱ta̱dde̱n. Iróng ol cik meelek ngatinno̱ng anyak genyiz; iróng ol cik meelek ngatinno̱ng anyak li̱ngli̱ngo̱no̱k cik a̱ddi̱ki̱re̱. Iróng bo̱do̱k ol cik meelek ngatinno̱ng a̱rri̱ta̱ ol cik riilik.

1 Ko̱ri̱nto̱ 1:26 ပူးပေါင်းရင်းမြစ်များ

Lu̱ka̱ 1:3

Kar zin ming kicina anna eliya kaal do̱o̱k kanenta, abunna ngatinanni kar keteher zo̱zzo̱k ne̱ke̱ do̱o̱k ju̱rru̱m, keheriki anna i̱nne̱ta̱, Theophilos,

Lu̱ka̱ 10:21

Imma i̱i̱te̱n neci, anyak da̱ Ye̱su̱ talninet go̱o̱le̱ ci Vongiz ci A̱li̱le̱, kar kize ne, “Kinnatin, Baba, Manyi ta̱mu̱-keng ki lo̱o̱c, eci i̱nna̱ u̱lu̱gu̱nyu̱ kaal ciko ngati ol cik igenyi ki ol wak a̱gga̱ te̱he̱ri̱ne̱t, kar zin i̱nna̱ ye̱le̱k nogo dooli wak kidik. De̱de̱, Baba een necu gool ci abunna atalnine i̱nna̱.

Buk wa To̱ni̱a̱u̱ 13:12

Baling icin ddi̱ki̱ryo̱i̱ti̱ kaal ne̱ko̱, u̱tu̱wo̱ zin enne, eci a̱ma̱li̱le̱ nonno oo de̱mzi̱nte̱ ci obod ki Manyi Ye̱su̱.

Buk wa To̱ni̱a̱u̱ 13:7

een enne gooni Sergius Paulus wa een ddi̱ki̱ryo̱i̱t ci gaala cik Romi, e̱e̱t ci egenyi oroot. Utu zin ddi̱ki̱ryo̱i̱ti̱ Barnabas ki Saul eci enne orong kizik zoz ci Ta̱mu̱ta̱dde̱no̱.

Buk wa To̱ni̱a̱u̱ 17:34

U̱tu̱we̱t ol cikidik zoz ci Pa̱u̱lo̱. Imma olle ne̱k elemtta zoz ci Ye̱su̱ ko̱, anyak e̱e̱t ci een zara Dionysius ci een ddi̱ki̱ryo̱i̱t co̱de̱ lo̱ddi̱ki̱re̱i̱ cik Areopagus ki bo̱do̱k ngaa ci een zara Damaris ki ol u̱gge̱.

Roma 11:29

Iróng Ta̱mu̱ta̱dde̱n uhu zinin cinne, kar kobodai muci ciginnek balik aanyik enne nogo ke̱.

1 Ko̱ri̱nto̱ 1:20

I̱nno̱ genyiz ci e̱e̱t ci diiri? I̱nno̱ e̱e̱t ci edemez ol waraganya? I̱nno̱ e̱e̱t ci a̱gga̱ waraganya kar gon kadang ol kaale cik lo̱o̱tu̱ ko̱? Aanyik Ta̱mu̱ta̱dde̱n genyiz ci lo̱o̱tu̱ kize tarbal.

1 Ko̱ri̱nto̱ 2:13

Okko zoz ci kozoz naga ko̱ do̱o̱k, iróng een de̱mzi̱ne̱t ci anyaha genyizi ci e̱e̱t ci diiri, abarik edemezet Vongizi ci Ta̱mu̱ta̱dde̱no̱, edemezet zoz ci Vongizo wa een de̱de̱.

1 Ko̱ri̱nto̱ 2:8

Iróng alaata cik bu̱u̱l cu lo̱o̱ta̱ ngatu ko̱ a̱gga̱ zoz neci. Ming a̱gga̱c weda, iróng weda nege ododike Manyi ci di̱ngdi̱ngo̱nto̱ ko̱ ta̱la̱ke̱c.

Vilipia 4:22

Izayung i̱ge̱t bu̱k olli Ta̱mu̱ta̱dde̱no̱ ngatu, ommogje oroot ol wak a̱li̱ngli̱ng ce̱e̱ze̱ ci alaan ci a̱ddi̱ki̱re̱ Romi.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

2 Jon 1:1

Eher ddi̱ki̱ryo̱i̱ti̱ ci ke̱le̱ci̱o̱ waraga cu. Eherik ngaa bali atahala Ta̱mu̱ta̱dde̱n ke̱ ki dooli ciginnek. Kirezung anna i̱ge̱t de̱de̱ do̱o̱k, iróng een annita do̱ ci kirezung, abarik ki ol do̱o̱k wak a̱gga̱ zoz ci een de̱de̱,