1 Ko̱ri̱nto̱ 1:13 - Tennet

¹³ Imma zin go̱o̱le̱ necu, gerza ming engeryu niga Ki̱ri̱sto̱. Iróng een annit Pa̱u̱lo̱ ci ba̱li̱ye̱ ka̱da̱i̱ keete ci een ta̱la̱ke̱c kar keelaung i̱ge̱ta̱ mu̱nye̱ne̱. Iróng ba̱li̱ye̱ niga a̱gga̱mnyu̱ ba̱ti̱ti̱mo̱ zare cik Pa̱u̱lo̱.

1 Ko̱ri̱nto̱ 1:13 ပူးပေါင်းရင်းမြစ်များ

Ma̱te̱yo̱ 28:19

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,

Ma̱te̱yo̱ 3:6

Baling uturtta nege mu̱nye̱n cigge̱k, kar enne ka̱gga̱me̱k nogo ba̱ti̱ti̱mo̱ moro ci Jordani.

Buk wa To̱ni̱a̱u̱ 10:48

U̱du̱wa̱k zin enne nogo kar ka̱gga̱mi̱t ba̱ti̱ti̱mo̱ zare cik Ye̱su̱ Ki̱ri̱sto̱. I̱jji̱nne̱t zin nege Peturu kar abunna ming aave i̱i̱nya̱ u̱gge̱ do̱yo̱i̱t ki nogo.

Buk wa To̱ni̱a̱u̱ 19:5

Baling ovvo nege aziye zoz necu niko, a̱gga̱mi̱t ba̱ti̱ti̱mo̱ zare cik Manyi Ye̱su̱.

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Buk wa To̱ni̱a̱u̱ 8:16

eci Vongizi ci A̱li̱le̱ ngen ki̱ta̱k e̱e̱t imma ngatinne̱ng; eci nege bali a̱gga̱m ba̱ti̱ti̱mo̱ zare cik Manyi Ye̱su̱.

Roma 14:9

Eci zin zo̱ze̱ necu, a̱da̱k Ki̱ri̱sto̱ kar kitinga daiza kurug, kar enne kize Manyi ci olli daizo ki ci olli rugeto.

1 Ko̱ri̱nto̱ 1:15

I̱llo̱i̱ zin e̱e̱t imma ngatinno̱ng ci azi ne a̱gga̱ma̱ enne ba̱ti̱ti̱mo̱ zare cigannik.

1 Ko̱ri̱nto̱ 10:2

E̱e̱ggi̱n nege do̱o̱k nuyak cik Musesi, a̱gga̱mto̱zi̱k zin nogo ba̱ti̱ti̱mo̱ di̱i̱za̱ ki nyatapara.

2 Ko̱ri̱nto̱ 11:4

Kuwaktteung naga i̱ge̱t zoz ci Ye̱su̱, kar niga a̱gga̱mtta̱u̱ zoz cinna̱ng ki Vongiz ci A̱li̱le̱. Ma̱i̱je̱ vu̱rrta̱, i̱vi̱ta̱ ol uggak kuwaktteung i̱ge̱t zoz ci Ki̱ri̱sto̱ aave do̱, elemttau zin niga kaviyak ne̱ke̱ ki vongiz ci aave do̱.

Ga̱la̱ti̱a̱ 1:7

Iróng kaviyaha ne̱ko̱ een de̱de̱. Abarik anyak ol cik u̱la̱llu̱ng i̱ba̱ti̱ne̱ orong abunna ming uhuyu kaviyak cik abunna obod ki Ki̱ri̱sto̱ ko̱.

Evesos 4:5

Anyakku niga Manyi co̱de̱ ṯok niko, ki tu̱we̱ne̱t co̱de̱, ki ba̱ti̱ti̱mo̱ co̱de̱.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.