1 Ko̱ri̱nto̱ 1:12 - Tennet

¹² Kazi ne, azi keng ci zozo ne: Azi e̱e̱ti̱ co̱de̱ ngatinno̱ng ne, “Kanu anna Pa̱u̱lo̱”; okko imma azi ne, “Kanu anna Apollos”; okko imma azi ne, “Kanu anna Cephas”; okko imma azi ne, “Kanu anna Ki̱ri̱sto̱.”

1 Ko̱ri̱nto̱ 1:12 ပူးပေါင်းရင်းမြစ်များ

Ma̱te̱yo̱ 23:8

“Abarik ma anyikku e̱e̱t imma kutuwung kize ne, ‘De̱me̱zo̱i̱t’ eci niga anyakku Manyi co̱de̱ ṯok, e̱e̱ggi̱nnu̱ niga do̱o̱k gotonet ki ngonogget.

Kaviyak wak Abunna Ta̱mu̱ta̱dde̱no̱ eher Joni 1:42

Kar zin Andereya kanyahak nonno rok Ye̱su̱. Icin Ye̱su̱ nonno kar zin kizek ne, “I̱nne̱t Si̱mo̱ne̱ ngerrti Joni. Anyik zar cigunnek kize Cephas, azi ungeci cik zar ne̱ko̱ ne Peturu.”

Buk wa To̱ni̱a̱u̱ 18:24

Anyak zin da̱ e̱e̱t imma ci een Ya̱u̱do̱c, een zara Apollos, a̱rri̱ta̱i̱ enne o̱rge̱ ci een Alikzandria lo̱o̱ce̱ ci Masiro, a̱kku̱nna̱k enne Ephesus. Een enne e̱e̱t ci a̱gga̱ zoz oroot kar bo̱do̱k a̱gga̱ uwai Waraga ci Ta̱mu̱ta̱dde̱no̱ oroot.

Buk wa To̱ni̱a̱u̱ 19:1

Baling ngen Apollos aave o̱rge̱ ci een Ko̱ri̱nto̱, eron Pa̱u̱lo̱ lo̱o̱co̱we̱ kuk kuzuca orog ci Ephesusi. Uk uruba nginati nuyak u̱gge̱

1 Ko̱ri̱nto̱ 1:11

Gotonogga, ka̱du̱wa̱ zoz necu ko̱ eci anyak gotonogget ce̱e̱ze̱ ci Kaleo cik a̱du̱wa̱ka̱ annit ming anyakku niga dango orgene cunno̱ng.

1 Ko̱ri̱nto̱ 15:5

I̱ye̱le̱k Ki̱ri̱sto̱ arrak ele cinne Cephas, kar zin bo̱do̱k ki̱ye̱le̱k ele nuyak wak een omoto ki ram ko̱ do̱o̱k.

1 Ko̱ri̱nto̱ 15:50

Gotonogga ki ngonogga tu̱we̱nta̱, ka̱du̱wa̱kku̱ng zoz ci e̱le̱tti̱ cik kanyak naga lo̱o̱ta̱ ngatu ko̱, iróng atin aragiz ba̱a̱li̱ne̱t ci Ta̱mu̱ta̱dde̱no̱, ovvo e̱le̱tti̱ cik lo̱o̱tu̱ a̱da̱i̱ atin ko̱, i̱llo̱i̱ nogo ngin imma rugete ci aave udut.

1 Ko̱ri̱nto̱ 16:12

I̱yo̱ko̱ zin zo̱ze̱ ci obod ki Apollos, gotonet tu̱we̱nta̱, kilalek anna nonno oroot abunna ming i̱vo̱nnu̱ng enne ki gonogget tu̱we̱nta̱. Aarnek enne we̱t i̱yo̱ko̱ niko, abarik a̱kku̱na̱kku̱ng atin enne ming orong zinin cinne.

1 Ko̱ri̱nto̱ 4:6

I̱yo̱ko̱, gotonogga ki ngonogga tu̱we̱nta̱, kozozi anna zoz ci obod ki ele cinanni ki Apollos, eci korongnyung i̱ge̱t a̱gga̱c ke̱ngti̱ cik zo̱zzo̱k cik ka̱du̱wa̱ anna ko̱ ju̱rru̱m, kar zin a̱gga̱c keng ci zoz cu, “Unuwet lo̱ti̱nno̱k cik e̱he̱rye̱ ko̱.” Kar atin iróng odongnyu e̱le̱tti̱ zo̱ze̱ ci e̱e̱t co̱de̱ kommog gooni co̱de̱ ke̱.

1 Ko̱ri̱nto̱ 7:29

Gotonogga ki ngonogga tu̱we̱nta̱, ka̱du̱wa̱kku̱ng zoz cu, eci izeto idice i̱i̱nya̱ oroot cik kar looci kuṯurei. Imma zin i̱yo̱ko̱, anyik ol wak anyak ngaai kabaito ki ci iróng nege anyak ngaai, ci iróng nege arike zi̱nze̱tti̱ cigge̱k nogo do̱ oroot.

1 Ko̱ri̱nto̱ 9:5

Een zoz ci een de̱de̱ ngatinna ming keeron ki ngaai cigga̱c a̱tu̱we̱ ko̱, ki i̱yo̱ko̱ to̱ni̱a̱ha̱ uggak ki gotonoggi Manyi ki Cephas.

2 Ko̱ri̱nto̱ 10:7

Acinnu niga kaal ta̱dde̱n, aniyyu ne ke̱e̱ni̱ anna e̱e̱t ci diiri niko. Ming i̱no̱nnu̱, i̱ge̱t do̱ cik e̱e̱ggi̱nnu̱ olli Ki̱ri̱sto̱? Abunna ming a̱gga̱yyu̱ ke̱e̱ggi̱nna̱ naga bu̱k olli Ki̱ri̱sto̱ ki i̱yo̱ko̱ niga ko̱.

2 Ko̱ri̱nto̱ 9:6

A̱a̱dda̱ zoz cu: Ming eev e̱e̱ti̱ ma̱na̱ cidici, okko etteda atin labi cikidik, ma̱i̱je̱ e̱e̱ti̱ ci eev ma̱na̱ ci a̱ddi̱ki̱re̱, etteda atin labi cik meelek.

Ga̱la̱ti̱a̱ 2:9

Elemit ciko Je̱mi̱s ki Peturu ki Jon wak abile ke̱le̱ci̱a̱ kizeto lolanya cik ke̱le̱ci̱a̱k, elemtta arizet ci kuwaheke anna ol kaviyak wak aanya Ta̱mu̱ta̱dde̱n. Kar zin nege kelemtait annit ki Barnabas kizetta ol cik ka̱li̱ngli̱ngnya̱ bu̱k. A̱nne̱kke̱t ne, “Uwakttek ol wak iróng een Ya̱u̱d kaviyak cik Ye̱su̱, ovvo nege uwahek olli Ya̱u̱do̱ kaviyak ne̱ke̱ bu̱k.”

Ga̱la̱ti̱a̱ 3:17

Icu ungec ci zoz ci ka̱du̱wa̱ ko̱: Iróng atin olomi ci u̱tu̱gu̱we̱k Ta̱mu̱ta̱dde̱n Aburaham ko̱ uukce ki i̱yo̱ko̱ ming etted ol cik een rama to̱o̱le̱c ko̱, u̱du̱wa̱ enne olom neci, i̱yo̱ko̱ edeca e̱rki̱nya̱ obet we̱c ki moten i̱i̱yo̱ (430). Iróng zin lo̱ti̱nno̱wa̱ cik Musesi uhu olom bali u̱du̱wa̱k Ta̱mu̱ta̱dde̱n Aburaham ke̱.