1 Jon 5:8 - Tennet

⁸ Vongiz ci A̱li̱le̱ ki maam ki bi̱ye̱ kar zin kaala cik e̱e̱ggi̱n i̱i̱yo̱ ko̱ anyak wowonet.

1 Jon 5:8 ပူးပေါင်းရင်းမြစ်များ

Ma̱te̱yo̱ 28:19

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,

Marko 14:56

U̱du̱kta̱ zin bbacaha cik meelek zoz ci een volong ngatinne. Ongorko zin zoz cinne̱ng do̱.

Kaviyak wak Abunna Ta̱mu̱ta̱dde̱no̱ eher Joni 15:26

“Ming i̱ki̱ya̱ De̱me̱zo̱i̱ti̱ wa atin ki̱tto̱na̱kku̱ng ngati Baba, een enne Vongiz wa een de̱de̱. Iyowa enne ngati Baba okko ibbacikung zoz ci obod ki annita.

Kaviyak wak Abunna Ta̱mu̱ta̱dde̱no̱ eher Joni 19:34

Akat zin aciiroci co̱de̱ Ye̱su̱ onyit illawa, kar zin ele cinne ketera bi̱ye̱ ki maam.

Buk wa To̱ni̱a̱u̱ 15:15

Orkor zo̱zo̱wa̱ cik a̱ri̱tto̱u̱ ki zoz cu, ki ming e̱he̱rye̱ u̱du̱wa̱ Ta̱mu̱ta̱dde̱n:

Roma 8:16

A̱du̱wa̱kke̱t Vongizi ci Ta̱mu̱ta̱dde̱no̱ de̱de̱ ke̱e̱ggi̱n naga dooli cik Ta̱mu̱ta̱dde̱no̱.

2 Ko̱ri̱nto̱ 1:22

Aarik zin enne bo̱do̱k Vongiz ci A̱li̱le̱ ka̱vvu̱ baize cinna, kize baayenit ci a̱gga̱we̱ ol ke̱e̱ggi̱n naga ol cik Ta̱mu̱ta̱dde̱no̱, kar abunna ka̱gga̱, kurubta atin zoz ci u̱du̱wa̱ enne obod ki agit do̱o̱k.

I̱bu̱ru̱ 13:12

Ogon bo̱do̱k niko ngati Ye̱su̱, apirna kar ka̱da̱k orog utuga kar bi̱ye̱ta̱ ciginnek ki̱ti̱vi̱la̱ mu̱nye̱n kar kaanyik ol kizeto caale ne paz.

I̱bu̱ru̱ 6:4

Anyak ol cik elemtta zoz ci Ta̱mu̱ta̱dde̱no̱ arrak de̱de̱, kar kurubta zoz neci, kar ki̱mi̱rte̱ ki vu̱rru̱t, i̱llo̱i̱ bo̱do̱k gool ci kar ko̱bo̱dda̱i̱ nege kar ki̱mi̱rto̱zi̱k zoz wa een de̱de̱ udut, eci bali arrak aavtte nege vooritene ci Ta̱mu̱ta̱dde̱no̱, atarit nege ma̱yu̱we̱ne̱t cinne abunna, kar Vongizi ci A̱li̱le̱ kabak ngatinne̱ng. Iziyyet nege kaviyak cik abunna Ta̱mu̱ta̱dde̱no̱ a̱du̱wa̱k nogo ko̱ do̱o̱k, eci a̱li̱ngli̱ng zi̱nze̱tti̱nne̱ cigge̱k. A̱gga̱ nege zoz ci a̱ddi̱ki̱re̱ atin a̱kku̱ ke̱. Ming a̱gga̱c nege kaal ne̱ko̱ do̱o̱k, kar ki̱mi̱rte̱ ki vu̱rru̱t, iróng ngen obodak Ta̱mu̱ta̱dde̱n, eci nege a̱ru̱we̱k Ngerrti Ta̱mu̱ta̱dde̱no̱ keet ci een ta̱la̱ke̱c, abarik anyakttak nonno a̱li̱ya̱n orgene ci ollu.

1 Peturu 3:21

Ogon zin maama ne̱k balik tawan neci ki ba̱ti̱ti̱mo̱ ci a̱gga̱me̱ke̱ ol, nonno nenen ci i̱yo̱ko̱ aruguzanung ko̱. Abarik zin ba̱ti̱ti̱mo̱ ommog maam cik arane e̱e̱ti̱ ele. I̱ye̱le̱kke̱t zoz necu gool ci kar naga kubunnta ngu̱me̱ ci Ta̱mu̱ta̱dde̱no̱ zi̱nze̱tti̱nne̱ cik abunna eci bali enne itingai Ye̱su̱ Ki̱ri̱sto̱ daiza.

1 Jon 5:9

Kelemna zin naga zoz ci ibbac ol do̱o̱k, abarik zoz ci ibbac Ta̱mu̱ta̱dde̱n ommog veelek, eci een necu zoz ci ibbace Ta̱mu̱ta̱dde̱n zoz ci Ngerinne.