1 Jon 5:14 - Tennet

¹⁴ Een necu zoz ci karikka naga zi̱nze̱tti̱ Ta̱mu̱ta̱dde̱n: Ming ka̱jji̱na̱ nonno gi̱i̱ imma go̱o̱le̱ ci okko ki zinin cinne, okko enne aanyeta.

1 Jon 5:14 ပူးပေါင်းရင်းမြစ်များ

Ma̱te̱yo̱ 21:22

Ming elemnyyu niga, a̱a̱nyu̱ng atin Ta̱mu̱ta̱dde̱n kaal cik a̱jji̱na̱nu̱ niga lawinta.”

Kaviyak wak Abunna Ta̱mu̱ta̱dde̱no̱ eher Joni 11:42

Ka̱gga̱ gon niko ming aziknan, ka̱du̱wa̱ zin zoz necu kar kiziyet ol cik abile ngatu ko̱, kar kelemtta ming een i̱nne̱t ci i̱tto̱na̱na̱n.”

Kaviyak wak Abunna Ta̱mu̱ta̱dde̱no̱ eher Joni 14:13

Ka̱a̱nyu̱ng atin kaal cik a̱jji̱nnu̱ niga zare cigannik, kar anna Ngerinne kanyik zar cik Baba ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 15:7

Ming karume ko̱do̱ye̱ kar zin niga u̱zu̱tte̱ zoz cinanni, i̱jji̱nne̱t gi̱i̱ ci ette orongnyu niga kar Ta̱mu̱ta̱dde̱n ka̱a̱nyu̱ng.

Kaviyak wak Abunna Ta̱mu̱ta̱dde̱no̱ eher Joni 16:24

Imma rok i̱yo̱ko̱ ngen niga i̱jji̱nne̱t gi̱i̱ imma zare cigannik. I̱jji̱nne̱t kar atin niga u̱mu̱dda̱, kar bo̱do̱k atin talninet cunno̱ng ke̱le̱zzo̱.

Kaviyak wak Abunna Ta̱mu̱ta̱dde̱no̱ eher Joni 9:31

Ka̱gga̱ ri̱t naga niko iróng Ta̱mu̱ta̱dde̱n aziye zoz ci e̱e̱t ci mu̱nye̱nu̱. Aziye enne zoz ci e̱e̱t ci ala nonno kar bo̱do̱k ku̱tu̱gu̱ kaal cik orong Ta̱mu̱ta̱dde̱n nonno ku̱tu̱gu̱.

Evesos 3:12

Eci enne u̱tu̱gu̱ niko, aanyet Ki̱ri̱sto̱ agit kurumte ki nonno, kanime zin naga kotoz ngu̱me̱ ci Ta̱mu̱ta̱dde̱no̱ labak ci iróng ko̱ngo̱o̱le̱ gi̱i̱ imma.

I̱bu̱ru̱ 10:35

Ma zin odotekku zoz ci arikku niga Ta̱mu̱ta̱dde̱n zi̱nze̱tti̱ ko̱ lo̱o̱c, a̱a̱nyu̱ng atin Manyi kaal cik abunna.

I̱bu̱ru̱ 3:14

Kozol naga li̱ngli̱ngo̱n ci Ki̱ri̱sto̱ nga̱to̱de̱. Abunna ka̱tu̱ naga nonno de̱de̱ udut ki baling ka̱tu̱ arrak oowa ke̱.

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.

Je̱mi̱s 4:3

Ming a̱jji̱nnu̱ niga Ta̱mu̱ta̱dde̱n, iróng niga amudannu, eci a̱jji̱nnu̱ niga zi̱nze̱tti̱nne̱ cik gerzek, icima ovvo atin niga ogonnu kaal ne̱ke̱ kaal cik amin zi̱nze̱tti̱ cuggo̱k.

Je̱mi̱s 5:16

I̱yo̱ko̱ zin, uturtta mu̱nye̱n cuggo̱k gonoggu kar alayek e̱le̱tti̱ cuggo̱k Ta̱mu̱ta̱dde̱n kar ubunntta. Okkomi lawinet ci e̱e̱t ci abunna, kar bo̱do̱k ki̱li̱ngli̱ng oroot.

1 Jon 2:28

Dooli wagannik tu̱we̱nta̱, urumet zi̱nze̱tti̱ ciggo̱k nga̱to̱de̱ ki Ki̱ri̱sto̱. Kar ming okko enne obodak lo̱o̱c, karike naga nonno zi̱nze̱tti̱ de̱de̱, iróng atin a̱li̱ya̱ni̱ adaketa.