1 Jon 5:10 - Tennet

¹⁰ I̱yo̱ko̱ zin, ming a̱tu̱ e̱e̱ti̱ zoz ci Ngerrti Ta̱mu̱ta̱dde̱no̱, anyak enne zoz ci ibbace enne ko̱ zinine cinne. Imma e̱e̱ti̱ ci iróng elemi zoz ci Ta̱mu̱ta̱dde̱no̱, angany enne Ta̱mu̱ta̱dde̱n azi ne een volongnyoit, eci iróng enne elemi zoz ci ibbace Ta̱mu̱ta̱dde̱n Ngerinne.

1 Jon 5:10 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 3:18

Ming a̱tu̱ e̱e̱ti̱ nonno, iróng enne etted lo̱ki̱ko̱ cinne gerzet, ma̱i̱je̱ ming anyak e̱e̱t ci iróng a̱tu̱ nonno, ettede lo̱ki̱ko̱ cinne la̱du̱n, ma̱rri̱t enne iróng a̱tu̱ zoz ci Ngerrti Ta̱mu̱ta̱dde̱no̱ wa o̱de̱ ṯok.

Kaviyak wak Abunna Ta̱mu̱ta̱dde̱no̱ eher Joni 3:33

Ma e̱e̱ti̱ ci elemi zoz cinne, i̱ye̱la̱ zoz ci azi ne een Ta̱mu̱ta̱dde̱n de̱de̱.

Kaviyak wak Abunna Ta̱mu̱ta̱dde̱no̱ eher Joni 5:38

Iróng bu̱k niga azunnu zoz cinne zi̱nze̱tti̱nne̱, iróng bo̱do̱k elemnyyu rok e̱e̱t wa i̱tto̱na̱ enne.

Buk wa To̱ni̱a̱u̱ 8:37

I̱jji̱n Vilipi nonno a̱nne̱k ne, “Ming elema i̱nna̱ de̱de̱ zinine cunne do̱o̱k, ka̱gga̱me̱ki̱ wo̱ye̱ anna i̱nne̱t ba̱ti̱ti̱mo̱ labak.” Iizek zin enne Vilip, “Ka̱tu̱we̱ anna, een Ye̱su̱ Ki̱ri̱sto̱ Ngerrti Ta̱mu̱ta̱dde̱no̱.”

Roma 8:16

A̱du̱wa̱kke̱t Vongizi ci Ta̱mu̱ta̱dde̱no̱ de̱de̱ ke̱e̱ggi̱n naga dooli cik Ta̱mu̱ta̱dde̱no̱.

Ga̱la̱ti̱a̱ 4:1

I̱yo̱ko̱ i̱no̱ni̱t zoz cu: Ming a̱da̱k be̱e̱ti̱ doolinnu kar kutungek kaal cik aragiz dooli ciginnek lo̱o̱c ming ngen idice, ogon zin nege ki du̱cca̱ha̱, ming nu̱nu̱n ovvo atin nege aragiz kaal cik be̱e̱ti̱nne̱ng.

Ga̱la̱ti̱a̱ 4:6

I̱yo̱ko̱ zin, eci naga ke̱e̱ggi̱n dooli cik Ta̱mu̱ta̱dde̱no̱, i̱tto̱na̱ zin enne Vongiz wa Ngerinne ka̱vvu̱ zi̱nze̱tti̱nne̱ cigga̱c. Okko Vongizi neci aanyyet kutuwet Ta̱mu̱ta̱dde̱n kize, Be̱e̱ti̱nna̱.

Kolosiya 3:3

Eci a̱da̱kttu̱ niga ba̱li̱ye̱, imma i̱yo̱ko̱ a̱lu̱gnye̱ baizi cunno̱ng ki Ki̱ri̱sto̱ ngati Ta̱mu̱ta̱dde̱no̱.

I̱bu̱ru̱ 3:12

Artta iin, gotonogga ki ngonogga, ma i̱zzo̱yu̱ mu̱nye̱n cik iróng a̱a̱nyu̱ng u̱tu̱we̱t Ta̱mu̱ta̱dde̱n bak a̱ti̱kku̱ tu̱.

2 Peturu 1:19

Ka̱gga̱yya̱ zin naga e̱e̱ggi̱n zo̱zzo̱wa̱ balik u̱du̱kta̱ a̱ri̱tto̱wa̱ cik zoz ci Ta̱mu̱ta̱dde̱no̱ ko̱ do̱o̱k de̱de̱. Abunna zin ming aziknnu niga kaviyak cigge̱k, aanycik ka̱vvu̱to̱ zi̱nze̱tti̱nne̱ cuggo̱k ku̱tu̱gu̱ ki urezi ci ataran nginti mu̱hu̱ri̱ zee kiyowa munyunyoci ci een tukul maam.

1 Jon 1:10

Ming kazi naga ne ngen naga ku̱tu̱gu̱zza̱ mu̱nye̱n udut, kanyike naga Ta̱mu̱ta̱dde̱n volong, okko zoz cinne iróng aave zi̱nze̱tti̱nne̱ cigga̱c.

1 Jon 5:1

Ming a̱tu̱ e̱e̱ti̱ imma zoz ci azi ne Ye̱su̱ ci een Ki̱ri̱sto̱, een enne do̱le̱c ci Ta̱mu̱ta̱dde̱no̱. Ming irez e̱e̱ti̱ imma Be̱e̱ti̱nna̱ wa een Ta̱mu̱ta̱dde̱n, irez enne dooli ciginnek bu̱k.

O̱no̱zzo̱k 12:17

Omoze zin u̱ggu̱li̱ ci a̱ddi̱ki̱re̱ oroot ngati ngaawo, kar zin kuk akate illa ci oore dooli cik dooli cik ngaa neci, eci nege e̱e̱ggi̱n ol cik o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱, kar zin bo̱do̱k ku̱tu̱we̱t zoz ci u̱tu̱gu̱ Ye̱su̱ ki de̱mzi̱ne̱t cinne.

O̱no̱zzo̱k 2:17

Ming anyak e̱e̱ti̱ imma iin ko̱, anyik nonno kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime no̱ngi̱tto̱n, kanyike atin anna nonno da̱i̱ne̱t cik een maana a̱lu̱gnye̱ ko̱. Kanyike atin anna nonno bu̱k biyen cik voorik, anyak zar cik e̱he̱rye̱ biyene ne̱ke̱, a̱gga̱ e̱e̱ti̱ ci a̱gga̱ma̱ ko̱ do̱.

O̱no̱zzo̱k 2:28

Kanyik atin anna bo̱do̱k nonno munyat ci nge̱rre̱ti̱nu̱.