1 Jon 4:4 - Tennet

⁴ Niga dooli cigannik tu̱we̱nta̱, a̱gga̱c e̱e̱ggi̱nnu̱ niga dooli cik Ta̱mu̱ta̱dde̱no̱, ommogtu niga vongizzok eci Vongizi ci A̱li̱le̱ aave ngatinno̱ng ko̱ ommog Sitan ci aave lo̱o̱ta̱ ngatu ko̱.

1 Jon 4:4 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 12:31

I̱yo̱ko̱ ize i̱i̱ ci ettedine lo̱ki̱ko̱ ci olli lo̱o̱tu̱, kar atin lo̱rye̱nti̱ ci abal lo̱o̱c cu ko̱ kottowe.

Kaviyak wak Abunna Ta̱mu̱ta̱dde̱no̱ eher Joni 14:30

Iróng ngen kozozi u̱u̱mu̱c, i̱ki̱ya̱ ngerrti lo̱rye̱nto̱ wa een alaan ci lo̱o̱tu̱. Iróng anyak komiz ci ommogja annita,

Kaviyak wak Abunna Ta̱mu̱ta̱dde̱no̱ eher Joni 16:11

I̱ye̱le̱k atin De̱me̱zo̱i̱ti̱ nogo zoz ci lo̱ki̱ko̱ ci etteddek Ta̱mu̱ta̱dde̱n alaan ci kuulou wa lo̱o̱c cu.

Kaviyak wak Abunna Ta̱mu̱ta̱dde̱no̱ eher Joni 17:23

Ko̱do̱wi̱na̱ anna ki nogo kar zin bo̱do̱k i̱nna̱ ki annita ko̱do̱ye̱. Anyik bai nogo kurumte ko̱do̱ye̱ ṯok kar anyik ol wak lo̱o̱tu̱ ka̱gga̱c ming een i̱nne̱t ci i̱tto̱na̱na̱n, irezzit zin nogo ki bali ming irezang annit ke̱.”

Roma 8:31

Kozoz wo̱ye̱ naga bo̱do̱k nya zo̱zzo̱we̱ ne̱k odola Manyi ko̱ do̱o̱k? Ming aave Ta̱mu̱ta̱dde̱n de̱de̱ o̱to̱ne̱ cinna, ngene wo̱ye̱ bo̱do̱k ci acinnet gerzet?

Roma 8:37

Ming kabak naga no̱ngi̱tto̱ne̱ nu̱nu̱n, kommog naga kaal do̱o̱k doize ci Ki̱ri̱sto̱ wa irezet ko̱.

1 Ko̱ri̱nto̱ 2:12

Iróng Ta̱mu̱ta̱dde̱n aanyet vongiz ci lo̱o̱tu̱, aanyet Vongiz ci a̱kku̱ Ta̱mu̱-kenga kar naga ka̱gga̱c gi̱i̱ ci aanyet Ta̱mu̱ta̱dde̱n ollin.

1 Ko̱ri̱nto̱ 6:13

Azi i̱yo̱ko̱ e̱e̱ti̱ imma ne, “Adiman Ta̱mu̱ta̱dde̱n da̱i̱ne̱t kize cik kadak naga.” Een zin zoz necu de̱de̱, abarik atin Manyi egerzan da̱i̱ne̱t ki ol cik adak da̱i̱ne̱t ko̱ do̱o̱k. Iróng Ta̱mu̱ta̱dde̱n eenyca e̱le̱tti̱ cik ol cik diirik kize ci a̱li̱ya̱kze̱ti̱nu̱, abarik kanyak e̱le̱tti̱ kar ki̱li̱ngli̱ngto̱zi̱k Manyi Ye̱su̱, kar zin enne kuzute e̱le̱tti̱ cigga̱c.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

2 Ko̱ri̱nto̱ 6:16

Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Evesos 3:17

Kar zin bu̱k Ki̱ri̱sto̱ kabak zi̱nze̱tti̱nne̱ cuggo̱k zo̱ze̱ ci a̱tu̱yyu̱ niga nonno. Inimet no̱ngi̱tto̱n kar anyait rezinet cinne.

Evesos 6:10

I̱yo̱ko̱ zin okkomit kak rumente ci arumenu niga ki Manyi doize wa a̱a̱nyu̱ng enne i̱ge̱ta̱.

1 Jon 2:1

Niga dooli cigannik tu̱we̱nta̱, keherakkung i̱ge̱t zoz cu kar abunna atin iróng ogonnu mu̱nye̱n. Ming u̱tu̱gu̱ e̱e̱ti̱ imma mu̱nye̱n, kanyak naga Ye̱su̱ Ki̱ri̱sto̱ E̱e̱t wa Abunna O̱de̱ een zoc cinna ozozek Baatinne zoz cinna.

1 Jon 2:13

Niga be̱e̱ti̱ga̱ni̱k, keherakkung anna i̱ge̱t zoz cu, eci niga a̱gga̱yyu̱ nonno ci bali aave kanante ci lo̱o̱tu̱ ki ci ta̱mu̱-kengo. Niga logoz, keherakkung anna i̱ge̱t zoz cu, eci ommogtu niga lo̱rye̱ni̱t. Niga dooli, keherakkung anna i̱ge̱t zoz cu, eci niga a̱gga̱yyu̱ Ta̱mu̱ta̱dde̱n Baba.

1 Jon 3:20

ma̱i̱je̱ ming anganyet gi̱i̱ co̱de̱ zinina. A̱ddi̱ki̱re̱ Ta̱mu̱ta̱dde̱n kommog zi̱nze̱tti̱ cigga̱c, a̱gga̱ enne kaal do̱o̱k cik ki̱no̱n naga.

1 Jon 3:24

Ming ko̱ngo̱o̱le̱ naga lo̱ti̱nno̱k cik Ta̱mu̱ta̱dde̱no̱, kaavtte naga ki nonno zi̱nze̱tti̱nne̱, okko enne aave ki agit bu̱k. Kovvo naga ka̱gga̱ aave enne ngatinna Vongize bali aanyet enne agit ke̱.

1 Jon 4:13

Ka̱gga̱ kabak naga zo̱ze̱ ci Ta̱mu̱ta̱dde̱no̱, kar bo̱do̱k enne ka̱vvu̱ ngatinna, eci enne aanyet Vongiz cinne a̱li̱le̱.

1 Jon 4:16

Ka̱gga̱yya̱ naga e̱le̱tti̱ne̱, irezet agit Ta̱mu̱ta̱dde̱n, ka̱tu̱yya̱ zin zoz neci. Een Ta̱mu̱ta̱dde̱n rezinet, ming aruge e̱e̱ti̱ ngati Ta̱mu̱ta̱dde̱no̱, aave Ta̱mu̱ta̱dde̱n bu̱k ngatinne. Een Ta̱mu̱ta̱dde̱n rezinet. Ming kabak naga rezinta, kabak naga ki Ta̱mu̱ta̱dde̱n, kar enne ka̱vvu̱ baize cinna.

1 Jon 4:6

Imma naga ke̱e̱ggi̱n ol cik Ta̱mu̱ta̱dde̱no̱. Ming a̱gga̱ e̱e̱ti̱ imma Ta̱mu̱ta̱dde̱n, aziye zoz cinna̱ng, imma e̱e̱ti̱ ci iróng a̱gga̱ Ta̱mu̱ta̱dde̱n, iróng aziye zoz cinna̱ng. Een necu gool ci ka̱gga̱we̱ Vongiz ci een de̱de̱ ki vongiz ci volongo.

1 Jon 5:19

Ka̱gga̱ naga niko ming ke̱e̱ggi̱n naga dooli cik Ta̱mu̱ta̱dde̱no̱, imma lo̱rye̱nti̱ abal ol wak lo̱o̱tu̱ iróng a̱gga̱ Ta̱mu̱ta̱dde̱n ko̱ do̱o̱k.

1 Jon 5:4

eci dooli cik Ta̱mu̱ta̱dde̱no̱ ommog kaal cik lo̱o̱c cu. Kar tu̱we̱ne̱t cinna ci aanyet doiz ci kommoge kaal ne̱ko̱ do̱o̱k.

O̱no̱zzo̱k 12:11

Ommogit nege lo̱rye̱ni̱t bi̱ye̱te̱ cik Nyoono ki zo̱ze̱ ci a̱du̱wa̱ nege; iróng nege irez e̱le̱tti̱ cigge̱k oroot abarik iróng ngen o̱ngo̱o̱le̱ daiz.