1 Jon 4:20 - Tennet

²⁰ Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?

1 Jon 4:20 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 13:35

Ming irezonnu niga do̱o̱k e̱le̱tti̱, ovvo atin ol a̱gga̱ ming e̱e̱ggi̱nnu̱ niga nuyak cigannik.”

1 Peturu 1:8

Ming ngen niga icinnet nonno nu̱nu̱n, irezzu niga nonno; ming iróng niga nu̱nu̱n acinnu nonno i̱yo̱ko̱, a̱tu̱yyu̱ niga nonno kar ngatu anyakku talninet ci a̱ppwe̱ ngatinne,

1 Jon 1:6

Ming kazi naga ne o̱do̱ye̱ naga ki nonno, imma ngatu kabak baiz ci mu̱hu̱ri̱, kovolong naga, iróng kabak zo̱ze̱ ci een de̱de̱.

1 Jon 1:8

Ming kazi naga ne i̱llo̱i̱ agit mu̱nye̱n, ka̱lu̱t naga e̱le̱tti̱ cigga̱c, i̱llo̱i̱ zoz ci een de̱de̱ ngatinna.

1 Jon 2:11

Imma e̱e̱ti̱ ci amarine gotoni, aave enne mu̱hu̱ra̱to̱ kar koto ngati mu̱hu̱ri̱. Iróng enne a̱gga̱ nginti okkoye enne, eci mu̱hu̱ri̱ u̱bu̱ng ebere ciginnek.

1 Jon 2:4

Ming azi e̱e̱ti̱ ne, “Ka̱gga̱ enne nonno,” ma̱i̱je̱ ngatu iróng a̱li̱ngli̱nge̱ lo̱ti̱nno̱k ciginnek, een enne volongnyoit, i̱llo̱i̱ zoz ci een de̱de̱ ngatinne.

1 Jon 2:9

Imma e̱e̱ti̱ ci azi ne, kaave enne vooritena ma̱i̱je̱ ngatu amarine gotoni, ngen enne ogon ki e̱e̱ti̱ wa aave mu̱hu̱ra̱ niko.

1 Jon 3:17

Ming anyak e̱e̱ti̱ kaal cik meelek, kar kicin gooni imma ci amati, kar iróng enne eela nonno, aave wo̱ye̱ rezinet ci Ta̱mu̱ta̱dde̱no̱ ngatinne ku̱?

1 Jon 4:12

Ngen e̱e̱ti̱ imma kicin Ta̱mu̱ta̱dde̱n udut, abarik zin ming kirezo naga e̱le̱tti̱ne̱, abak enne ngatinna kar rezinet cinne kidimanet agit ju̱rru̱m baize cinna.