1 Jon 4:12 - Tennet

¹² Ngen e̱e̱ti̱ imma kicin Ta̱mu̱ta̱dde̱n udut, abarik zin ming kirezo naga e̱le̱tti̱ne̱, abak enne ngatinna kar rezinet cinne kidimanet agit ju̱rru̱m baize cinna.

1 Jon 4:12 ပူးပေါင်းရင်းမြစ်များ

Kananet 32:30

Akatek zin Ya̱ko̱bo̱ zar cik ngin neci kize ne, Peniel kar kize ne, “Eci anna kicinna ngu̱m ci Ta̱mu̱ta̱dde̱no̱, kar i̱yo̱ko̱ ngen anna karugi.”

Kaviyak wak Abunna Ta̱mu̱ta̱dde̱no̱ eher Joni 1:18

Ngen e̱e̱ti̱ imma kicin Ta̱mu̱ta̱dde̱n udut, Ngerinne wa zinino o̱de̱ ṯok een Ta̱mu̱ta̱dde̱n bu̱k ci aanyyet ka̱gga̱c Ta̱mu̱ta̱dde̱n Baatinne.

1 Ko̱ri̱nto̱ 13:13

I̱yo̱ko̱ anyak zin tu̱we̱ne̱t, ki zinin ci erewe gi̱i̱ imma ngati Ta̱mu̱ta̱dde̱no̱ ki rezinet zinine cunne. Ma̱i̱je̱ kaale ne̱k e̱e̱ggi̱n i̱i̱yo̱ ko̱, rezinet ci a̱ddi̱ki̱re̱ kommog veelek.

1 Ti̱mo̱te̱yo̱ 1:17

Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.

1 Ti̱mo̱te̱yo̱ 6:16

Ta̱mu̱ta̱dde̱n do̱ niko ci iróng a̱da̱i̱ udut. Abak enne vooritene ci ataltali, i̱llo̱i̱ rok e̱e̱t ci anime kuk ojonun, ngen e̱e̱ti̱ imma kicin nonno udut, i̱llo̱i̱ bo̱do̱k atin ol cik acin nonno. Anyak enne komiz, ki̱di̱ngdi̱nga̱ni̱t nonno udut. Anyik ku̱tu̱gu̱ niko (Amin).

I̱bu̱ru̱ 11:27

Okko tu̱we̱nta̱ utungek Musesi lo̱o̱c ci Masiro lo̱o̱c, iróng o̱ngo̱o̱le̱ alaan, anime enne eci icin Ta̱mu̱ta̱dde̱n ci iróng naga kacin eberene.

1 Jon 2:5

Ma̱i̱je̱ e̱e̱ti̱ ci azunne zoz ci Ta̱mu̱ta̱dde̱no̱, okko rezinet ci Ta̱mu̱ta̱dde̱no̱ aave baize cinne do̱o̱k de̱de̱. Kar zin go̱o̱le̱ necu ka̱gga̱ ke̱e̱ggi̱n naga olli Ta̱mu̱ta̱dde̱no̱.

1 Jon 3:24

Ming ko̱ngo̱o̱le̱ naga lo̱ti̱nno̱k cik Ta̱mu̱ta̱dde̱no̱, kaavtte naga ki nonno zi̱nze̱tti̱nne̱, okko enne aave ki agit bu̱k. Kovvo naga ka̱gga̱ aave enne ngatinna Vongize bali aanyet enne agit ke̱.

1 Jon 4:16

Ka̱gga̱yya̱ naga e̱le̱tti̱ne̱, irezet agit Ta̱mu̱ta̱dde̱n, ka̱tu̱yya̱ zin zoz neci. Een Ta̱mu̱ta̱dde̱n rezinet, ming aruge e̱e̱ti̱ ngati Ta̱mu̱ta̱dde̱no̱, aave Ta̱mu̱ta̱dde̱n bu̱k ngatinne. Een Ta̱mu̱ta̱dde̱n rezinet. Ming kabak naga rezinta, kabak naga ki Ta̱mu̱ta̱dde̱n, kar enne ka̱vvu̱ baize cinna.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?

1 Jon 4:6

Imma naga ke̱e̱ggi̱n ol cik Ta̱mu̱ta̱dde̱no̱. Ming a̱gga̱ e̱e̱ti̱ imma Ta̱mu̱ta̱dde̱n, aziye zoz cinna̱ng, imma e̱e̱ti̱ ci iróng a̱gga̱ Ta̱mu̱ta̱dde̱n, iróng aziye zoz cinna̱ng. Een necu gool ci ka̱gga̱we̱ Vongiz ci een de̱de̱ ki vongiz ci volongo.