1 Jon 4:11 - Tennet

¹¹ Gonogga wak zinino, eci Ta̱mu̱ta̱dde̱n irezet oroot, abunna naga bu̱k ming kirezo e̱le̱tti̱.

1 Jon 4:11 ပူးပေါင်းရင်းမြစ်များ

Lu̱ka̱ 10:37

O̱bo̱de̱k zin de̱me̱zo̱i̱ti̱ ci lo̱ti̱nno̱u̱ Ye̱su̱, “E̱e̱t bali amanik nonno ke̱.” U̱du̱wa̱k zin Ye̱su̱ nonno, “Bito kar tu̱gu̱ i̱nna̱ bu̱k niko.”

Kaviyak wak Abunna Ta̱mu̱ta̱dde̱no̱ eher Joni 13:34

Kar bo̱do̱k Ye̱su̱ kize ne, “Ka̱a̱nyu̱ng i̱yo̱ko̱ ti̱lo̱wi̱ne̱t ci een jor ci azi ne, irezto e̱le̱tti̱ niga do̱o̱k, ki baling kirezzung anna i̱ge̱t ke̱.

Evesos 4:31

Utungtek zoz ci avarace e̱e̱ti̱ kutubur nong oroot ko̱ lo̱o̱c. Utungtek gernyi ki burnenet nong ki dominet lo̱o̱c.

Kolosiya 3:13

Abait ki ol do̱o̱k yahe. Alaltek e̱le̱tti̱ cuggo̱k, ming abac e̱e̱ti̱ zoz imma, ming omozinnu niga nu̱nu̱n zo̱ze̱ cinne, alaltek. Alaltek ol ki baling alaleung Manyi i̱ge̱ta̱ ke̱.

1 Jon 2:7

Gonogga wak zinino, iróng anna keherakkung ti̱lo̱wi̱ne̱t ci een jor, een ci reeni, iziktu niga ti̱lo̱wi̱ne̱t necu ba̱li̱ye̱.

1 Jon 3:11

Een necu kaviyak cik iziktu niga arrak ba̱li̱ye̱ oowa. Azi ne, abunna kirezo naga do̱o̱k e̱le̱tti̱.

1 Jon 3:23

Een zin necu ti̱lo̱wi̱ne̱t cinne: Abunna ka̱tu̱we̱ zare cik Ngerinne Ye̱su̱ Ki̱ri̱sto̱, kar kirezit e̱le̱tti̱ cigga̱c do̱o̱k ki bali u̱du̱wa̱e̱t enne agit ke̱.

1 Jon 4:7

Gotonogga wak zinino, abunna ming kirez e̱le̱tti̱ cigga̱c naga do̱o̱k eci rezinet a̱kku̱ ngati Ta̱mu̱ta̱dde̱no̱. Okko e̱e̱ti̱ ci irez ol, een enne do̱le̱c ci Ta̱mu̱ta̱dde̱no̱ kar enne ka̱gga̱ Ta̱mu̱ta̱dde̱n de̱de̱.

2 Jon 1:5

I̱yo̱ko̱ zin, ngaa ci kirezi ko̱, ka̱jji̱nni̱ abunna ming kirezo naga e̱le̱tti̱ne̱ do̱o̱k. Iróng neci een ti̱lo̱wi̱ne̱t ci een jor ci keheriki ko̱, abarik een ti̱lo̱wi̱ne̱t ci kanyak naga ba̱li̱ye̱ arrak oowa.