1 Jon 3:8 - Tennet

⁸ Imma e̱e̱ti̱ ci ogon mu̱nye̱n ko̱, een enne e̱e̱t ci lo̱rye̱nto̱, eci lo̱rye̱nti̱ u̱tu̱gu̱ mu̱nye̱n arrak oowa kanante ci lo̱o̱tu̱. A̱kku̱ zin Ngerrti Ta̱mu̱ta̱dde̱no̱ kar ki̱ki̱ya̱ kidita li̱ngli̱ngo̱n ci lo̱rye̱nto̱.

1 Jon 3:8 ပူးပေါင်းရင်းမြစ်များ

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Ma̱te̱yo̱ 12:28

Imma, ming kottoi anna kuulo cik lo̱rye̱nta̱k Vongize ci Ta̱mu̱ta̱dde̱no̱, i̱ki̱ya̱u̱ng zin ba̱a̱li̱ne̱t ci Ta̱mu̱ta̱dde̱no̱ i̱ge̱ta̱.

Ma̱te̱yo̱ 13:38

Okko ma̱na̱ een lo̱o̱c ci kaavtte ko̱, ovvo i̱nyo̱mo̱na̱ cik abunna ko̱, e̱e̱ggi̱n dooli cik ba̱a̱li̱ne̱t ci ta̱mu̱-kengo. Ovvo lobali e̱e̱ggi̱n dooli cik lo̱rye̱nta̱k.

Ma̱te̱yo̱ 4:3

I̱ki̱ya̱k zin lo̱rye̱nti̱ nonno izek ne, “Ming e̱e̱ni̱ i̱nna̱ Ngerrti Ta̱mu̱ta̱dde̱no̱, tuhu biyen ne̱ko̱ kizeto da̱i̱ne̱t.”

Marko 1:24

“Orongi i̱nna̱ nya ngatinna̱ng, Ye̱su̱ wa Nazereti? A̱kku̱nni̱ i̱nna̱ kar i̱jja̱ ditaweta? Ka̱gga̱yi̱n, e̱e̱ni̱ ngene. E̱e̱ni̱ i̱nna̱ Ye̱su̱ wa A̱li̱le̱ O̱de̱ Ṯok, wa Ta̱mu̱ta̱dde̱n wa a̱li̱le̱.”

Lu̱ka̱ 10:18

O̱bo̱de̱k zin Ye̱su̱ nogo, “Kicina anna Sitan ming a̱yu̱we̱ ta̱mu̱-kenga kar zin kabad kiwagon borowoci!

Kaviyak wak Abunna Ta̱mu̱ta̱dde̱no̱ eher Joni 12:31

I̱yo̱ko̱ ize i̱i̱ ci ettedine lo̱ki̱ko̱ ci olli lo̱o̱tu̱, kar atin lo̱rye̱nti̱ ci abal lo̱o̱c cu ko̱ kottowe.

Kaviyak wak Abunna Ta̱mu̱ta̱dde̱no̱ eher Joni 16:11

I̱ye̱le̱k atin De̱me̱zo̱i̱ti̱ nogo zoz ci lo̱ki̱ko̱ ci etteddek Ta̱mu̱ta̱dde̱n alaan ci kuulou wa lo̱o̱c cu.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Roma 16:20

A̱du̱l atin Ta̱mu̱ta̱dde̱n wa anyak gano ko̱ Sitan kar korocek nonno lo̱o̱c zone cigunnek. Anyik deten ci Manyitinna Ye̱su̱ ka̱vvu̱ ngatinno̱ng.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Kolosiya 2:15

Ommog zin Ye̱su̱ ddi̱ki̱ryyo̱k ki alaat cik lo̱o̱tu̱, kar kaara ngatinne̱ng doiz ki di̱ngdi̱ngo̱n go̱o̱le̱ ci a̱da̱kne̱ enne ta̱la̱ke̱ca̱. Adak zin a̱li̱ya̱ni̱ nogo orgene ci ollu.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 2:14

Ke̱e̱ggi̱n naga ol cik diirik, een Ye̱su̱ bu̱k e̱e̱t ci diiri. Gool zin ci a̱kku̱na̱ke̱t Ye̱su̱ agit ko̱ necu, kar ki̱ki̱ya̱ ka̱da̱k kommog lo̱rye̱ni̱t ci anyak komiz ci daizo.

I̱bu̱ru̱ 9:26

Ming riil zoz ci apahek tuwayowa Ta̱mu̱ta̱dde̱n kaal odohize, aanyik weda Ye̱su̱ Ki̱ri̱sto̱ ele cinne Ta̱mu̱ta̱dde̱n kize wawac odohize odohize kanante ci lo̱o̱tu̱. Abarik aanyik enne ele cinne kize wawac lak co̱de̱, kar kaara mu̱nye̱n bu̱u̱llo̱k ki bu̱u̱llo̱k.

2 Peturu 2:4

Iróng Ta̱mu̱ta̱dde̱n alalnek anjilonya balik ogon mu̱nye̱n ke̱, abarik a̱ju̱ke̱k nogo koot ngati mu̱u̱hu̱ri̱ gwo̱o̱ya̱ ki̱ki̱ya̱ i̱i̱te̱ni̱ ci lo̱ki̱ko̱.

1 Jon 1:2

I̱ye̱la̱i̱ bali rugeti neci, kicinnta bo̱do̱k naga nonno e̱le̱tti̱ne̱. Kozoza abarik gi̱i̱ ci ka̱gga̱yya̱, kuwahekkung zoz ci baiz ci aave udut ngati Baatinne, kar zin ki̱ye̱la̱i̱ ngatinna bu̱k.

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.

1 Jon 3:5

A̱gga̱yyu̱ niga a̱kku̱ Ki̱ri̱sto̱ kar ki̱ki̱ya̱ kaara mu̱nye̱n cigga̱c, iróng enne eliya anyak mu̱nye̱n udut.

1 Jon 5:19

Ka̱gga̱ naga niko ming ke̱e̱ggi̱n naga dooli cik Ta̱mu̱ta̱dde̱no̱, imma lo̱rye̱nti̱ abal ol wak lo̱o̱tu̱ iróng a̱gga̱ Ta̱mu̱ta̱dde̱n ko̱ do̱o̱k.

Ju̱da̱ 1:6

Imma anjilonya wak iróng azunne alaanzet cinne̱ng, abarik utungtek ce̱e̱zi̱ cigge̱k lo̱o̱c ta̱mu̱-kenga ngin bali abahe ke̱. I̱yo̱ko̱ zin e̱ce̱bje̱ nege ziiye cik aavtte udut, ere i̱i̱te̱n ci a̱ddi̱ki̱re̱ lo̱ki̱ko̱.

O̱no̱zzo̱k 20:10

Imma lo̱rye̱nti̱ bali a̱lu̱t nogo ke̱, u̱ju̱ko̱zi̱k gwo̱o̱ ci apadpadi oroot, nginti a̱ju̱ko̱ni̱k e̱le̱gi̱ti̱ ki a̱ri̱to̱i̱t ci volongo. Apirna atin nege nginati tu̱p kaal udut.

O̱no̱zzo̱k 20:15

Ming iróng zara cik e̱e̱t imma e̱he̱rye̱ buwe ci rugeto, u̱ju̱ko̱zi̱k enne kuk gwo̱o̱ye̱ ci apadpadi oroot ke̱.