1 Jon 3:22 - Tennet

²² kar kurubta kaal do̱o̱k cik ka̱jji̱n naga ngatinne, eci naga kazunne lo̱ti̱nno̱k ciginnek kar ku̱tu̱gu̱z kaal cik orong enne.

1 Jon 3:22 ပူးပေါင်းရင်းမြစ်များ

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 21:22

Ming elemnyyu niga, a̱a̱nyu̱ng atin Ta̱mu̱ta̱dde̱n kaal cik a̱jji̱na̱nu̱ niga lawinta.”

Marko 11:24

I̱yo̱ko̱ zin, ka̱du̱wa̱kku̱ng, ming a̱jji̱nni̱ Ta̱mu̱ta̱dde̱n gi̱i̱ lawinta, abunna ming elemna, umuda i̱nna̱ gi̱i̱ neci, een atin gi̱i̱ neci cunne.

Kaviyak wak Abunna Ta̱mu̱ta̱dde̱no̱ eher Joni 14:13

Ka̱a̱nyu̱ng atin kaal cik a̱jji̱nnu̱ niga zare cigannik, kar anna Ngerinne kanyik zar cik Baba ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 15:10

Ming azunnu niga lo̱ti̱nno̱k cigannik, odokta niga bu̱k rezinte cinanni, ki i̱yo̱ko̱ ming kazunne anna lo̱ti̱nno̱k wak Baba kar zin kodowa rezinte wainne ko̱.

Kaviyak wak Abunna Ta̱mu̱ta̱dde̱no̱ eher Joni 15:7

Ming karume ko̱do̱ye̱ kar zin niga u̱zu̱tte̱ zoz cinanni, i̱jji̱nne̱t gi̱i̱ ci ette orongnyu niga kar Ta̱mu̱ta̱dde̱n ka̱a̱nyu̱ng.

Kaviyak wak Abunna Ta̱mu̱ta̱dde̱no̱ eher Joni 6:29

O̱bo̱de̱k Ye̱su̱ nogo, a̱nne̱k ne, “Li̱ngli̱ngo̱n ci Ta̱mu̱ta̱dde̱no̱ icu: Abunna ming a̱tu̱we̱nu̱ ngati e̱e̱t bali o̱de̱ i̱tto̱na̱i̱ ke̱.”

Kaviyak wak Abunna Ta̱mu̱ta̱dde̱no̱ eher Joni 8:29

Kaavtiya ki e̱e̱t bali i̱tto̱na̱na̱n, iróng enne ungneka annit lo̱o̱c, kogonni kaal cik anyike nonno katalo.”

Kaviyak wak Abunna Ta̱mu̱ta̱dde̱no̱ eher Joni 9:31

Ka̱gga̱ ri̱t naga niko iróng Ta̱mu̱ta̱dde̱n aziye zoz ci e̱e̱t ci mu̱nye̱nu̱. Aziye enne zoz ci e̱e̱t ci ala nonno kar bo̱do̱k ku̱tu̱gu̱ kaal cik orong Ta̱mu̱ta̱dde̱n nonno ku̱tu̱gu̱.

Buk wa To̱ni̱a̱u̱ 17:30

Eci ba̱li̱ye̱ Ta̱mu̱ta̱dde̱n ibbez ol kaale cik iróng nege a̱gga̱, abarik zin i̱yo̱ko̱ enne orongnyet agit lo̱o̱co̱we̱ do̱o̱k kuturta mu̱nye̱n cigga̱c do̱o̱k.

Buk wa To̱ni̱a̱u̱ 20:21

Ku̱du̱wa̱ha̱ olli Ya̱u̱do̱ ki Gi̱ri̱k kar kuturtak mu̱nye̱n cigge̱k Ta̱mu̱ta̱dde̱n kar bo̱do̱k ku̱tu̱we̱t Manyitinna Ye̱su̱.

Vilipia 4:18

I̱yo̱ko̱ zin, kuruba kaal cik korongi anna do̱o̱k, otorte abarik, aanya e̱e̱ti̱ ci een Epaphroditus muci balik i̱tto̱na̱kka̱ng niga ke̱. Ongooli muci ne̱ke̱ mediz ci aanyik Ta̱mu̱ta̱dde̱n katalo.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

Je̱mi̱s 1:5

Ming anyak e̱e̱t imma ngatinno̱ng ci iróng anyak genyiz, anyik nonno ki̱jji̱n Ta̱mu̱ta̱dde̱n wa i̱i̱rke̱, aanyik enne ol do̱o̱k genyiz ci iróng enne bu̱k a̱jji̱nni̱ i̱nne̱t ming a̱jji̱nni̱ i̱nna̱ nonno.

Je̱mi̱s 4:3

Ming a̱jji̱nnu̱ niga Ta̱mu̱ta̱dde̱n, iróng niga amudannu, eci a̱jji̱nnu̱ niga zi̱nze̱tti̱nne̱ cik gerzek, icima ovvo atin niga ogonnu kaal ne̱ke̱ kaal cik amin zi̱nze̱tti̱ cuggo̱k.

Je̱mi̱s 5:16

I̱yo̱ko̱ zin, uturtta mu̱nye̱n cuggo̱k gonoggu kar alayek e̱le̱tti̱ cuggo̱k Ta̱mu̱ta̱dde̱n kar ubunntta. Okkomi lawinet ci e̱e̱t ci abunna, kar bo̱do̱k ki̱li̱ngli̱ng oroot.

1 Jon 2:3

Ming kazunne naga lo̱ti̱nno̱k ciginnek, i̱ye̱la̱ zoz necu azi ne, ka̱gga̱ naga nonno de̱de̱.

1 Jon 5:14

Een necu zoz ci karikka naga zi̱nze̱tti̱ Ta̱mu̱ta̱dde̱n: Ming ka̱jji̱na̱ nonno gi̱i̱ imma go̱o̱le̱ ci okko ki zinin cinne, okko enne aanyeta.