1 Jon 3:21 - Tennet

²¹ Gonogga wak zinino, ming iróng zi̱nze̱tti̱ cigga̱c anganyet mu̱nye̱ne̱, kanyak naga doiz ci kojongoze Ta̱mu̱ta̱dde̱n,

1 Jon 3:21 ပူးပေါင်းရင်းမြစ်များ

Roma 14:22

Ming anyai i̱nna̱ kaal cik a̱tu̱ i̱nna̱, anyike kaal cigunnek ki Ta̱mu̱ta̱dde̱n. U̱mu̱yu̱k Ta̱mu̱ta̱dde̱n e̱e̱t ci ogon gi̱i̱ ci a̱gga̱ enne een gi̱i̱ ci abunna.

1 Ko̱ri̱nto̱ 4:4

I̱llo̱i̱ gi̱i̱ ci gerze kanyai anna zinina. Iróng zin anna kazi ne kabunna. Manyi do̱ niko ci apaheka lo̱ki̱ko̱.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

Evesos 3:12

Eci enne u̱tu̱gu̱ niko, aanyet Ki̱ri̱sto̱ agit kurumte ki nonno, kanime zin naga kotoz ngu̱me̱ ci Ta̱mu̱ta̱dde̱no̱ labak ci iróng ko̱ngo̱o̱le̱ gi̱i̱ imma.

1 Ti̱mo̱te̱yo̱ 2:8

Korongi ol do̱o̱k wak a̱tu̱we̱ kabanycek azzin cik a̱li̱le̱ Ta̱mu̱ta̱dde̱n ngati alawine, ci iróng nege abure nong icima adango.

I̱bu̱ru̱ 10:22

abunna zin naga ka̱vvu̱nna̱k Ta̱mu̱ta̱dde̱n zi̱nze̱tti̱nne̱ cik abunna kar kartik nonno zi̱nze̱tti̱ ki tu̱we̱ne̱t ci okkomi kak. Utunyca bi̱ye̱ta̱ cik Ye̱su̱ ngati a̱da̱kne̱ keete ci een ta̱la̱ke̱c ko̱ mu̱nye̱n, iróng ngen ko̱ngo̱o̱le̱ gi̱i̱ imma. Utunyyce e̱le̱tti̱ cigga̱c ko̱ maame cik caalek ne paz ngati ka̱gga̱me̱ ba̱ti̱ti̱mo̱.

I̱bu̱ru̱ 4:16

Koot zin naga do̱o̱k rok Manyi Ta̱mu̱ta̱dde̱n ngati iróng ko̱ngo̱o̱li̱ne̱ gi̱i̱ imma kar kaanyyet deten, kar kurubta bunnat kar keelawet agit do̱o̱k i̱i̱te̱ne̱ ci koronge naga kaal.

1 Jon 2:28

Dooli wagannik tu̱we̱nta̱, urumet zi̱nze̱tti̱ ciggo̱k nga̱to̱de̱ ki Ki̱ri̱sto̱. Kar ming okko enne obodak lo̱o̱c, karike naga nonno zi̱nze̱tti̱ de̱de̱, iróng atin a̱li̱ya̱ni̱ adaketa.

1 Jon 2:7

Gonogga wak zinino, iróng anna keherakkung ti̱lo̱wi̱ne̱t ci een jor, een ci reeni, iziktu niga ti̱lo̱wi̱ne̱t necu ba̱li̱ye̱.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

1 Jon 3:20

ma̱i̱je̱ ming anganyet gi̱i̱ co̱de̱ zinina. A̱ddi̱ki̱re̱ Ta̱mu̱ta̱dde̱n kommog zi̱nze̱tti̱ cigga̱c, a̱gga̱ enne kaal do̱o̱k cik ki̱no̱n naga.

1 Jon 4:17

Imma zin go̱o̱le̱ necu, iddera rezinet orgen cinna do̱o̱k, kere zin naga i̱i̱te̱n ci lo̱ki̱ko̱ ngati okkomi zi̱nze̱tti̱ eci naga kogon ki enne rezinta lo̱o̱ta̱ ngatu.

1 Jon 5:14

Een necu zoz ci karikka naga zi̱nze̱tti̱ Ta̱mu̱ta̱dde̱n: Ming ka̱jji̱na̱ nonno gi̱i̱ imma go̱o̱le̱ ci okko ki zinin cinne, okko enne aanyeta.