1 Jon 3:11 - Tennet

¹¹ Een necu kaviyak cik iziktu niga arrak ba̱li̱ye̱ oowa. Azi ne, abunna kirezo naga do̱o̱k e̱le̱tti̱.

1 Jon 3:11 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 13:4

Itinga zin enne je̱e̱na̱ ngati adaine, kar zin kaara ru̱u̱m wa atadizek gooni eliye cinne ko̱, kar zin ku̱lu̱ce̱k ru̱u̱m wa ka̱vu̱cvu̱ca̱ne̱ maam eliya ko̱ arut.

Kaviyak wak Abunna Ta̱mu̱ta̱dde̱no̱ eher Joni 15:12

Zoz zin cinanni ki̱lo̱tu̱ng icu: Irezto e̱le̱tti̱ ki baling kirezzung anna i̱ge̱t ke̱.

Ga̱la̱ti̱a̱ 6:2

Eelta ol cik anyak no̱ngi̱tto̱n orgene cunno̱ng, ming u̱tu̱gu̱zzu̱ niko, u̱zu̱ttu̱ zin niga lo̱ti̱nno̱k cik Ki̱ri̱sto̱.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

1 Te̱se̱lo̱ni̱ka̱ 4:9

Ma̱i̱je̱ ming een lemanet wa irezzu gotonogget wak a̱tu̱we̱, iróng keherikung zoz ci obod ki o̱to̱n neci, ma̱rri̱t ba̱li̱ye̱ ming een Ta̱mu̱ta̱dde̱n eliya ci edemezung gool ci irezzu e̱le̱tti̱.

1 Ti̱mo̱te̱yo̱ 1:5

Keheraki zin waraga cu kar ti̱lo̱ ol wak a̱tu̱ Ye̱su̱ kirezto zi̱nze̱tti̱nne̱ cik voorik per, kar nege ki̱no̱ni̱t kaal cik abunna go̱o̱le̱ ci ki̱no̱ne̱ ol wak a̱tu̱ Ta̱mu̱ta̱dde̱n de̱de̱.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.

1 Peturu 4:8

Ma gi̱i̱ye̱ ci riili oroot, abunna zin niga ming irezonnu, eci rezinet ngati aave, amadan mu̱nye̱n.

1 Jon 1:5

Een necu zoz ci kazikna naga ngatinne kar naga ku̱du̱kta̱ zoz neci: “Een Ta̱mu̱ta̱dde̱n vooriten, i̱llo̱i̱ mu̱hu̱ri̱te̱n ngatinne udut.”

1 Jon 4:11

Gonogga wak zinino, eci Ta̱mu̱ta̱dde̱n irezet oroot, abunna naga bu̱k ming kirezo e̱le̱tti̱.

1 Jon 4:21

Een necu ti̱lo̱wi̱ne̱t ci aanyet enne agita: Ming irez e̱e̱ti̱ imma Ta̱mu̱ta̱dde̱n anyik nonno la̱du̱n kirez ol bu̱k.

1 Jon 4:7

Gotonogga wak zinino, abunna ming kirez e̱le̱tti̱ cigga̱c naga do̱o̱k eci rezinet a̱kku̱ ngati Ta̱mu̱ta̱dde̱no̱. Okko e̱e̱ti̱ ci irez ol, een enne do̱le̱c ci Ta̱mu̱ta̱dde̱no̱ kar enne ka̱gga̱ Ta̱mu̱ta̱dde̱n de̱de̱.

2 Jon 1:5

I̱yo̱ko̱ zin, ngaa ci kirezi ko̱, ka̱jji̱nni̱ abunna ming kirezo naga e̱le̱tti̱ne̱ do̱o̱k. Iróng neci een ti̱lo̱wi̱ne̱t ci een jor ci keheriki ko̱, abarik een ti̱lo̱wi̱ne̱t ci kanyak naga ba̱li̱ye̱ arrak oowa.