1 Jon 3:1 - Tennet

¹ A̱ppwa̱ rezinet ci irezet Baba oroot, awuyet zin ol agit kizetta dooli cik Ta̱mu̱ta̱dde̱no̱, ke̱e̱ggi̱n naga dooli cik Ta̱mu̱ta̱dde̱no̱ de̱de̱. Kar zin zoz ci iróng olli lo̱o̱tu̱ a̱gga̱yye̱t ko̱ icu, iróng nege a̱gga̱ nonno.

1 Jon 3:1 ပူးပေါင်းရင်းမြစ်များ

Lu̱ka̱ 20:36

iróng zin atin nege ngen a̱da̱i̱; u̱tu̱gu̱zzo̱ nege kiwagon anjilonya. E̱e̱ggi̱n nege dooli cik Ta̱mu̱ta̱dde̱no̱, ming e̱e̱ggi̱n nege dooli cik ingazi daiza.

Kaviyak wak Abunna Ta̱mu̱ta̱dde̱no̱ eher Joni 1:12

Ma̱i̱je̱ ol do̱o̱k wak elemtta nonno, ki wak a̱tu̱ zoz cinne, aanyik enne nogo do̱o̱k gool ci ovvo nege e̱e̱ggi̱nne̱ dooli cik Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 11:52

Iróng een zu̱we̱ ci Ya̱u̱do̱ do̱, abarik ki dooli cik Ta̱mu̱ta̱dde̱no̱ azanonnik lo̱o̱cco̱k do̱o̱k, kar kanyahak nogo nginto̱de̱ kize orog co̱de̱.

Kaviyak wak Abunna Ta̱mu̱ta̱dde̱no̱ eher Joni 15:21

Ogonekku̱ng atin i̱ge̱t kaal cik gerzek eci a̱tu̱yyu̱ niga zar cigannik, iróng bo̱do̱k nege a̱gga̱ e̱e̱t wa i̱tto̱na̱na̱ annita.

Kaviyak wak Abunna Ta̱mu̱ta̱dde̱no̱ eher Joni 16:3

Ogonekku̱ng atin kaal ne̱ko̱ eci nege iróng a̱gga̱ Baba, iróng a̱gga̱ya̱ annit bu̱k.

Kaviyak wak Abunna Ta̱mu̱ta̱dde̱no̱ eher Joni 17:25

“Baba wa abunna, ming iróng ol cik lo̱o̱tu̱ a̱gga̱yi̱ i̱nne̱t nu̱nu̱n, ka̱gga̱yi̱ anna, a̱gga̱ zin demezyaha cigannik niko ming i̱tto̱na̱na̱ i̱nna̱.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

Roma 8:19

Ma kaala cik eenyca Ta̱mu̱ta̱dde̱n lo̱o̱ta̱ ngatu ko̱ do̱o̱k, e̱re̱ye̱ talninta, orong nege i̱i̱te̱n ci atin okko Ta̱mu̱ta̱dde̱n i̱ye̱le̱k ciko ngene cik e̱e̱ggi̱n nege dooli ciginnek.

Roma 8:21

ovvo atin kaala ne̱k idimana Manyi ko̱ angaryai baize ci e̱e̱ggi̱nne̱ nege du̱cca̱k, kar kozolit nege di̱ngdi̱ngo̱n ci abahe dooli cik Ta̱mu̱ta̱dde̱no̱ labak.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

2 Ko̱ri̱nto̱ 6:18

Kiize anna be̱e̱ti̱nno̱ng, kar zin niga e̱e̱ggi̱nnu̱ atin dooli cigannik, ka̱du̱wa̱ anna Manyi Ta̱mu̱ta̱dde̱n wa anyak Komiz do̱o̱k.”

Ga̱la̱ti̱a̱ 3:26

Ke̱e̱ggi̱n naga do̱o̱k doolik Ta̱mu̱ta̱dde̱no̱ ngati ka̱tu̱we̱ Ye̱su̱ Ki̱ri̱sto̱.

Ga̱la̱ti̱a̱ 3:29

Ming izetu ol cik Ki̱ri̱sto̱ niko ko̱, izetu zin niga bu̱k doolik Aburahami, een zin zoz bali u̱du̱wa̱k Ta̱mu̱ta̱dde̱n Aburaham ke̱ cunno̱ng bu̱k.

Kolosiya 3:3

Eci a̱da̱kttu̱ niga ba̱li̱ye̱, imma i̱yo̱ko̱ a̱lu̱gnye̱ baizi cunno̱ng ki Ki̱ri̱sto̱ ngati Ta̱mu̱ta̱dde̱no̱.

1 Jon 3:10

Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

1 Jon 4:17

Imma zin go̱o̱le̱ necu, iddera rezinet orgen cinna do̱o̱k, kere zin naga i̱i̱te̱n ci lo̱ki̱ko̱ ngati okkomi zi̱nze̱tti̱ eci naga kogon ki enne rezinta lo̱o̱ta̱ ngatu.

O̱no̱zzo̱k 21:7

Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.