Ma̱i̱je̱ ming iróng e̱e̱ti̱ imma anyak kaal ne̱ko̱ do̱o̱k, u̱tu̱gu̱ enne ki e̱e̱ti̱ ci ru̱be̱ni̱, erek nonno ming utunycai mu̱nye̱na̱ balik anyak enne ke̱.
Imma e̱e̱ti̱ ci amarine gotoni, aave enne mu̱hu̱ra̱to̱ kar koto ngati mu̱hu̱ri̱. Iróng enne a̱gga̱ nginti okkoye enne, eci mu̱hu̱ri̱ u̱bu̱ng ebere ciginnek.
Ming azi e̱e̱ti̱ ne, “Ka̱gga̱ enne nonno,” ma̱i̱je̱ ngatu iróng a̱li̱ngli̱nge̱ lo̱ti̱nno̱k ciginnek, een enne volongnyoit, i̱llo̱i̱ zoz ci een de̱de̱ ngatinne.
Een zin necu gool ci ka̱gga̱we̱ naga dooli cik Ta̱mu̱ta̱dde̱no̱ ki dooli cik lo̱rye̱nta̱k. Ming ogon e̱e̱ti̱ imma gi̱i̱ ci gerze, icima iróng irez gotoni, iróng enne een do̱le̱c ci Ta̱mu̱ta̱dde̱no̱.
Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?