1 Jon 2:4 - Tennet

⁴ Ming azi e̱e̱ti̱ ne, “Ka̱gga̱ enne nonno,” ma̱i̱je̱ ngatu iróng a̱li̱ngli̱nge̱ lo̱ti̱nno̱k ciginnek, een enne volongnyoit, i̱llo̱i̱ zoz ci een de̱de̱ ngatinne.

1 Jon 2:4 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Ti̱to̱ 1:10

Anyak ol cik meelek ibbez de̱mzi̱ne̱t wa een de̱de̱, edemez nege ol de̱mzi̱ne̱t ci een darace kar ku̱lu̱te̱t ol. Een zoz necu de̱de̱ ngati ollik Ya̱u̱do̱ wak orong ol kettedit wucic vi̱ca̱vi̱cce̱t kar kurubta ti̱ri̱ze̱ne̱t.

Ti̱to̱ 1:16

A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.

1 Jon 1:10

Ming kazi naga ne ngen naga ku̱tu̱gu̱zza̱ mu̱nye̱n udut, kanyike naga Ta̱mu̱ta̱dde̱n volong, okko zoz cinne iróng aave zi̱nze̱tti̱nne̱ cigga̱c.

1 Jon 1:6

Ming kazi naga ne o̱do̱ye̱ naga ki nonno, imma ngatu kabak baiz ci mu̱hu̱ri̱, kovolong naga, iróng kabak zo̱ze̱ ci een de̱de̱.

1 Jon 1:8

Ming kazi naga ne i̱llo̱i̱ agit mu̱nye̱n, ka̱lu̱t naga e̱le̱tti̱ cigga̱c, i̱llo̱i̱ zoz ci een de̱de̱ ngatinna.

1 Jon 2:3

Ming kazunne naga lo̱ti̱nno̱k ciginnek, i̱ye̱la̱ zoz necu azi ne, ka̱gga̱ naga nonno de̱de̱.

1 Jon 2:9

Imma e̱e̱ti̱ ci azi ne, kaave enne vooritena ma̱i̱je̱ ngatu amarine gotoni, ngen enne ogon ki e̱e̱ti̱ wa aave mu̱hu̱ra̱ niko.

1 Jon 3:6

Imma e̱e̱ti̱ ci annu nonno, iróng ogon mu̱nye̱n. Imma e̱e̱ti̱ ci ogon mu̱nye̱n ko̱, iróng acin nonno icima iróng a̱gga̱ nonno udut.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?

1 Jon 4:7

Gotonogga wak zinino, abunna ming kirez e̱le̱tti̱ cigga̱c naga do̱o̱k eci rezinet a̱kku̱ ngati Ta̱mu̱ta̱dde̱no̱. Okko e̱e̱ti̱ ci irez ol, een enne do̱le̱c ci Ta̱mu̱ta̱dde̱no̱ kar enne ka̱gga̱ Ta̱mu̱ta̱dde̱n de̱de̱.