1 Jon 2:27 - Tennet

²⁷ Imma ngatinno̱ng, erahek Vongizi ci A̱li̱le̱ bali amudannu niga ngati Ki̱ri̱sto̱ ke̱ ki i̱ge̱ta̱. Iróng niga ngen orongnyu e̱e̱t imma kedemezung eci edemezung atin Vongizi ci A̱li̱le̱ kaal do̱o̱k. Eci enne een zoz ci een de̱de̱, i̱llo̱i̱ volong ngatinne, ki baling edemezung Vongizi ko̱, a̱vvu̱t zin nga̱to̱de̱ ki Ki̱ri̱sto̱.

1 Jon 2:27 ပူးပေါင်းရင်းမြစ်များ

Ma̱te̱yo̱ 13:11

O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Kaviyak wak Abunna Ta̱mu̱ta̱dde̱no̱ eher Joni 14:16

Ka̱jji̱nni̱ atin anna Baba kar ka̱a̱nyu̱ng De̱me̱zo̱i̱t kar ka̱vvu̱ ki i̱ge̱t udut.

Kaviyak wak Abunna Ta̱mu̱ta̱dde̱no̱ eher Joni 14:17

Een zin neci Vongiz wa een de̱de̱. Iróng zin ol cik lo̱o̱tu̱ elemi nonno eci nege iróng acin icima a̱gga̱ nonno. A̱gga̱yyu̱ zin abarik niga nonno ma̱rri̱t ming abakku bu̱k, kar zin atin ka̱vvu̱ zi̱nze̱tti̱nne̱ cuggo̱k.”

Kaviyak wak Abunna Ta̱mu̱ta̱dde̱no̱ eher Joni 14:26

Okko abarik atin De̱me̱zo̱i̱ti̱ wa een Vongiz ci A̱li̱le̱, wa atin i̱tto̱na̱ Baba zare cigannik, edemezung kaal do̱o̱k kar zin ki̱no̱na̱u̱ng kaal balik ku̱du̱wa̱u̱ng anna ke̱.

Kaviyak wak Abunna Ta̱mu̱ta̱dde̱no̱ eher Joni 16:13

Ming i̱ki̱ya̱ De̱me̱zo̱i̱ti̱ ci een Vongiz wa een de̱de̱, okko atin i̱ye̱le̱kku̱ng de̱mzi̱ne̱t wak e̱e̱ggi̱n de̱de̱. Iróng atin zoz ci okko enne a̱du̱wa̱ ko̱ een zoz cinne, a̱du̱wa̱kku̱ng atin zoz ci izik enne, kar zin atin ku̱du̱wa̱u̱ng gi̱i̱ ci atin okko a̱kku̱.

Kaviyak wak Abunna Ta̱mu̱ta̱dde̱no̱ eher Joni 4:14

Ma̱i̱je̱ e̱e̱ti̱ ci aud maam cik kanyike anna, iróng atin a̱ru̱k koor udut, abarik ovvo maama ne̱ke̱ ogon ki maama cik a̱ri̱ya̱ anyaha ruget ci aave udut.”

Kaviyak wak Abunna Ta̱mu̱ta̱dde̱no̱ eher Joni 6:45

Eher a̱ri̱tto̱wa̱ zoz ci azi ne, ‘Edemez atin Ta̱mu̱ta̱dde̱n nogo do̱o̱k.’ Imma ol do̱o̱k wak aziye zoz ci Baba kar bo̱do̱k kelemtta de̱mzi̱ne̱t cinne, a̱vvu̱na̱ka̱ atin annita.

1 Ko̱ri̱nto̱ 2:12

Iróng Ta̱mu̱ta̱dde̱n aanyet vongiz ci lo̱o̱tu̱, aanyet Vongiz ci a̱kku̱ Ta̱mu̱-kenga kar naga ka̱gga̱c gi̱i̱ ci aanyet Ta̱mu̱ta̱dde̱n ollin.

1 Ko̱ri̱nto̱ 2:13

Okko zoz ci kozoz naga ko̱ do̱o̱k, iróng een de̱mzi̱ne̱t ci anyaha genyizi ci e̱e̱t ci diiri, abarik edemezet Vongizi ci Ta̱mu̱ta̱dde̱no̱, edemezet zoz ci Vongizo wa een de̱de̱.

2 Ko̱ri̱nto̱ 1:21

Abarik, i̱yo̱ko̱, aanyyet Ta̱mu̱ta̱dde̱n enne eliya agit ki i̱ge̱t do̱o̱k kibilet kokkomit kak ngati Ki̱ri̱sto̱. Ta̱mu̱ta̱dde̱n ele ci ahalaneta.

Evesos 4:21

Iziktu niga zoz ci obod ki Ye̱su̱ ju̱rru̱m, edemeztu gool wainne de̱de̱.

Kolosiya 2:6

I̱yo̱ko̱ zin, ming elemttau niga Ye̱su̱ Ki̱ri̱sto̱ kize Manyi cunno̱ng, abunna zin ming abakku baize cinne.

1 Te̱se̱lo̱ni̱ka̱ 2:13

Kanyikka Ta̱mu̱ta̱dde̱n zany, baling kuwaktteung zoz cinne, iróng niga i̱no̱nnu̱ ming een zoz cinna̱ng. Elemttu zoz neci kize ci Ta̱mu̱ta̱dde̱no̱ de̱de̱, abaktte zin ol ne̱ke̱ zoz neci a̱tu̱ nege ke̱.

1 Te̱se̱lo̱ni̱ka̱ 4:9

Ma̱i̱je̱ ming een lemanet wa irezzu gotonogget wak a̱tu̱we̱, iróng keherikung zoz ci obod ki o̱to̱n neci, ma̱rri̱t ba̱li̱ye̱ ming een Ta̱mu̱ta̱dde̱n eliya ci edemezung gool ci irezzu e̱le̱tti̱.

1 Ti̱mo̱te̱yo̱ 2:7

Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.

1 Peturu 1:23

Eci Ta̱mu̱ta̱dde̱n a̱a̱nyu̱ng i̱ti̱rrtta̱i̱ bo̱do̱k, iróng een kaale cik aditai, abarik iróng aditai udut, go̱o̱le̱ ci kabahe kar kinimet zoz ci Ta̱mu̱ta̱dde̱no̱.

1 Jon 2:28

Dooli wagannik tu̱we̱nta̱, urumet zi̱nze̱tti̱ ciggo̱k nga̱to̱de̱ ki Ki̱ri̱sto̱. Kar ming okko enne obodak lo̱o̱c, karike naga nonno zi̱nze̱tti̱ de̱de̱, iróng atin a̱li̱ya̱ni̱ adaketa.

1 Jon 3:24

Ming ko̱ngo̱o̱le̱ naga lo̱ti̱nno̱k cik Ta̱mu̱ta̱dde̱no̱, kaavtte naga ki nonno zi̱nze̱tti̱nne̱, okko enne aave ki agit bu̱k. Kovvo naga ka̱gga̱ aave enne ngatinna Vongize bali aanyet enne agit ke̱.

2 Jon 1:2

eci zoz ci een de̱de̱ ko̱, aave ngatinna, kar atin ka̱vvu̱ ngatinna udut.