1 Jon 2:24 - Tennet

²⁴ Imma niga, anyik zoz bali iziktu niga oowa ke̱ ka̱vvu̱ ngatinno̱ng. Ming a̱vvu̱ zoz bali iziktu niga arrak oowa ke̱ ngatinno̱ng, aavtiyyu zin niga bu̱k ngati Ngerinne ki Baatinne.

1 Jon 2:24 ပူးပေါင်းရင်းမြစ်များ

Lu̱ka̱ 1:2

ki baling ka̱gga̱ma̱ naga ngati ol balik een bbacak ki du̱cca̱k cik zozak ke̱.

Lu̱ka̱ 9:44

“Izikto ju̱rru̱m zo̱ze̱ ci okko anna ka̱du̱wa̱kku̱ng ko̱: Okko atin e̱e̱ti̱ imma adawa Ngerrti E̱e̱to̱ ngati anyike nonno azzin cik ol cik meelek giir.”

Kaviyak wak Abunna Ta̱mu̱ta̱dde̱no̱ eher Joni 14:23

O̱bo̱de̱k Ye̱su̱ nogo a̱nne̱k ne, “Ming ireza e̱e̱ti̱ imma annita, elemi wo̱ye̱ enne de̱mzi̱ne̱t cinanni. Okko atin Baba irez nonno, kar zin naga ki̱vi̱ta̱ha̱ nonno, kar koot kidimanta ce̱e̱z wanna̱ng, kar kabakta ki e̱e̱t neci.

Kaviyak wak Abunna Ta̱mu̱ta̱dde̱no̱ eher Joni 15:7

Ming karume ko̱do̱ye̱ kar zin niga u̱zu̱tte̱ zoz cinanni, i̱jji̱nne̱t gi̱i̱ ci ette orongnyu niga kar Ta̱mu̱ta̱dde̱n ka̱a̱nyu̱ng.

Kaviyak wak Abunna Ta̱mu̱ta̱dde̱no̱ eher Joni 6:56

Ming adak e̱e̱ti̱ ele cinanni kar bo̱do̱k kuud bi̱ye̱ cigannik, karumena ki nonno.

Kaviyak wak Abunna Ta̱mu̱ta̱dde̱no̱ eher Joni 8:25

I̱jji̱nne̱t zin nege Ye̱su̱, a̱nne̱k ne, “E̱e̱ni̱ i̱nna̱ ngene?” O̱bo̱de̱k zin enne nogo, a̱nne̱k ne, “Zoz ci bali ku̱du̱wa̱u̱ng ko̱ necu.”

Vilipia 4:15

Imma niga olli lo̱o̱c ci Vilipi a̱gga̱yyu̱ ri̱t niga ba̱li̱ye̱ zoz ci kaviyak cik abunna, baling kokko anna kungnek lo̱o̱c ci een zara Macedonia lo̱o̱c, i̱llo̱i̱ ke̱le̱ci̱a̱ co̱de̱ ci amucan, i̱ge̱t do̱ niko cik eelannang kaale.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

I̱bu̱ru̱ 2:1

Eci kiziyet naga zoz ba̱li̱ye̱, abunna ming kazunne, gerza ming ka̱ti̱k tu̱.

I̱bu̱ru̱ 3:14

Kozol naga li̱ngli̱ngo̱n ci Ki̱ri̱sto̱ nga̱to̱de̱. Abunna ka̱tu̱ naga nonno de̱de̱ udut ki baling ka̱tu̱ arrak oowa ke̱.

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.

1 Jon 2:7

Gonogga wak zinino, iróng anna keherakkung ti̱lo̱wi̱ne̱t ci een jor, een ci reeni, iziktu niga ti̱lo̱wi̱ne̱t necu ba̱li̱ye̱.

1 Jon 3:24

Ming ko̱ngo̱o̱le̱ naga lo̱ti̱nno̱k cik Ta̱mu̱ta̱dde̱no̱, kaavtte naga ki nonno zi̱nze̱tti̱nne̱, okko enne aave ki agit bu̱k. Kovvo naga ka̱gga̱ aave enne ngatinna Vongize bali aanyet enne agit ke̱.

1 Jon 4:13

Ka̱gga̱ kabak naga zo̱ze̱ ci Ta̱mu̱ta̱dde̱no̱, kar bo̱do̱k enne ka̱vvu̱ ngatinna, eci enne aanyet Vongiz cinne a̱li̱le̱.

1 Jon 4:15

Ming elemi e̱e̱ti̱ imma azi ne, een Ye̱su̱ Ngerrti Ta̱mu̱ta̱dde̱no̱, aave zoz ci Ta̱mu̱ta̱dde̱no̱ ngatinne, okko enne bu̱k aave zo̱ze̱ ci Ta̱mu̱ta̱dde̱no̱.

1 Jon 4:16

Ka̱gga̱yya̱ naga e̱le̱tti̱ne̱, irezet agit Ta̱mu̱ta̱dde̱n, ka̱tu̱yya̱ zin zoz neci. Een Ta̱mu̱ta̱dde̱n rezinet, ming aruge e̱e̱ti̱ ngati Ta̱mu̱ta̱dde̱no̱, aave Ta̱mu̱ta̱dde̱n bu̱k ngatinne. Een Ta̱mu̱ta̱dde̱n rezinet. Ming kabak naga rezinta, kabak naga ki Ta̱mu̱ta̱dde̱n, kar enne ka̱vvu̱ baize cinna.

2 Jon 1:2

eci zoz ci een de̱de̱ ko̱, aave ngatinna, kar atin ka̱vvu̱ ngatinna udut.

2 Jon 1:9

Ma ukce kar bo̱do̱k tungek lo̱o̱c zoz bali edemezi ol i̱nne̱t obod ki Ki̱ri̱sto̱ ke̱, icima atin Ta̱mu̱ta̱dde̱n iróng ngen aave ngatunne. Imma e̱e̱ti̱ ci azunne de̱mzi̱ne̱t bali edemze ol nonno ke̱, aave Baba ki Ngerinne ngatinne.

3 Jon 1:3

Katalne anna oroot baling i̱vi̱ta̱ gotonoggeti uggak rok annita kar kozozit tu̱we̱ne̱t cunno̱ng zo̱ze̱ wa een de̱de̱ ki bo̱do̱k gool ci aavtiyyu niga baize wa een de̱de̱ udut.

O̱no̱zzo̱k 3:11

Ka̱kku̱ni̱ anna ataman. U̱zu̱tte̱ zoz ci anyakku niga ko̱, kar atin iróng e̱e̱ti̱ imma okkoye lulukwa cuggo̱k alaanzetinu.

O̱no̱zzo̱k 3:3

Abunna ming a̱a̱da̱nnu̱ gool ci iziktu niga ko̱ ki ci a̱gga̱ma̱nnu̱ niga zoz ci Ta̱mu̱ta̱dde̱no̱; o̱to̱ngo̱o̱ltte̱ zin zoz neci, kar uturtta mu̱nye̱n cuggo̱k. Ma̱i̱je̱ ming iróng niga ooyyu ebere cuggo̱k, ka̱kku̱ni̱ atin anna kiwagon ogoryaiti, iróng atin niga a̱gga̱yyu̱ i̱i̱te̱n ci ka̱kku̱na̱ku̱ng anna i̱ge̱ta̱.