1 Jon 2:22 - Tennet

²² Ming aave e̱e̱ti̱ ci een volongnyoit, een e̱e̱t ci azi ne iróng Ye̱su̱ een Ki̱ri̱sto̱. Een e̱e̱ti̱ necu mo̱dde̱ni̱t ci Ki̱ri̱sto̱ ci abure Baatinne ki Ngerinne.

1 Jon 2:22 ပူးပေါင်းရင်းမြစ်များ

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 24:5

Eci a̱vvu̱ atin ol cik meelek zare cigannik, azi ne, ‘Ke̱e̱ni̱ anna Ki̱ri̱sto̱.’ A̱ddu̱t atin nege ol cik meelek.

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

1 Jon 1:6

Ming kazi naga ne o̱do̱ye̱ naga ki nonno, imma ngatu kabak baiz ci mu̱hu̱ri̱, kovolong naga, iróng kabak zo̱ze̱ ci een de̱de̱.

1 Jon 2:18

Izikto niga dooli wagannik tu̱we̱nta̱, i̱ki̱ya̱ ṯurnenet ci lo̱o̱tu̱. Iziktu niga ba̱li̱ye̱ zoz ci azi ne, a̱kku̱ atin mo̱dde̱nti̱ ci amarine Ki̱ri̱sto̱. I̱yo̱ko̱ zin i̱ye̱ltta̱i̱ mo̱ddo̱ cik Ki̱ri̱sto̱ cik meelek. Imma zin zo̱ze̱ neci ka̱gga̱ i̱ki̱ya̱ ṯurnenet ci lo̱o̱tu̱.

1 Jon 2:23

Ming abure e̱e̱ti̱ Ngerinne, abure enne Baatinne bu̱k. Ming elemi e̱e̱ti̱ Ngerinne, elemi enne Baatinne bu̱k.

1 Jon 2:4

Ming azi e̱e̱ti̱ ne, “Ka̱gga̱ enne nonno,” ma̱i̱je̱ ngatu iróng a̱li̱ngli̱nge̱ lo̱ti̱nno̱k ciginnek, een enne volongnyoit, i̱llo̱i̱ zoz ci een de̱de̱ ngatinne.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?

1 Jon 4:3

Ma̱i̱je̱ vongizi ci iróng elemi ming a̱kku̱ Ye̱su̱ ngati Ta̱mu̱ta̱dde̱no̱, iróng vongizi neci een ci Ta̱mu̱ta̱dde̱no̱. Abarik vongizi neci een mo̱dde̱ni̱t ci Ki̱ri̱sto̱ bali iziktu niga okko atin a̱kku̱. A̱vvu̱ zin enne lo̱o̱ta̱ ngatu la̱du̱n.

1 Jon 5:1

Ming a̱tu̱ e̱e̱ti̱ imma zoz ci azi ne Ye̱su̱ ci een Ki̱ri̱sto̱, een enne do̱le̱c ci Ta̱mu̱ta̱dde̱no̱. Ming irez e̱e̱ti̱ imma Be̱e̱ti̱nna̱ wa een Ta̱mu̱ta̱dde̱n, irez enne dooli ciginnek bu̱k.

2 Jon 1:7

Anyak volongnyok cik meelek azantozik lo̱o̱c, iróng nege elemi ming een Ye̱su̱ Ki̱ri̱sto̱ e̱e̱t ci diiri. A̱ti̱ye̱ nege ol tu̱, e̱e̱ggi̱n nege mo̱ddo̱ cik Ki̱ri̱sto̱.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

O̱no̱zzo̱k 3:9

Imma ol wak annu zoz ci Sitano, ol wak azi ne ke̱e̱ggi̱nna̱ Ya̱u̱d, imma ngatu amire, abarik e̱e̱ggi̱n volongnyok, kanyike atin anna nogo ku̱yu̱kte̱ zoone cigunnek kar ka̱gga̱c de̱de̱ ming kirezung anna i̱ge̱ta̱.