1 Jon 2:21 - Tennet

²¹ Keherakkung zin anna zoz cu, iróng een zo̱ze̱ ci ibbezzu niga zoz ci een de̱de̱, abarik eci niga a̱gga̱yyu̱ zoz ci een volong, i̱llo̱i̱ zoz ci een de̱de̱ ci a̱kku̱ nginati.

1 Jon 2:21 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 18:37

Izek Pilato nonno ne, “E̱e̱ni̱ zin ette i̱nna̱ alaan?” Obodehe zin Ye̱su̱ nonno izek ne, “Ilemi i̱nna̱ ming azi ne ke̱e̱ni̱ anna alaan ko̱. De̱de̱ ka̱ri̱ta̱i̱ zin ba̱li̱ye̱ anna zo̱ze̱ neci, kar zin zo̱ze̱ necu ki̱ki̱ya̱k lo̱o̱c kar abunna ming kokko ki̱ye̱le̱i̱ ol zoz wa een de̱de̱. Azikna zin ol do̱o̱k wak a̱gga̱ zoz wa een de̱de̱.”

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,

2 Peturu 1:12

I̱yo̱ko̱ zin zo̱ze̱ necu, a̱gga̱mta̱u̱ niga kaal ne̱ko̱ la̱du̱n, akateu zin zo̱o̱ lo̱o̱c tu̱we̱nta̱ zo̱ze̱ ci een de̱de̱, ngen anna kemenna ka̱du̱wa̱kku̱ng ka̱a̱da̱ku̱ng kaal ne̱ko̱ dee.

1 Jon 3:19

Ming kirez naga ol u̱gge̱, ka̱gga̱ naga niko kaavtte naga zo̱ze̱ ci een de̱de̱, kar zi̱nze̱tti̱ cigga̱c ka̱vvu̱to̱ lo̱o̱ta̱ ki nonno,

Ju̱da̱ 1:5

Ma wo̱ye̱ nu̱nu̱n ming a̱gga̱yyu̱ niga gi̱i̱ bali eelanne Manyi Ta̱mu̱ta̱dde̱n olli Israilo lo̱o̱ce̱ ci Masiro ke̱, korongi ku̱du̱wa̱u̱ng bo̱do̱k gi̱i̱ neci dee. Eela bali nogo Ta̱mu̱ta̱dde̱n Masira, imma bali vu̱rrta̱, idita ol wak iróng a̱tu̱we̱.