Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Jon 2:16 - Tennet

16 A̱kku̱ zoz ci kodonge naga e̱le̱tti̱ ko̱ lo̱o̱ta̱ ngatu, ki zoz ci kamanik naga kaal ki zoz ci koronge naga kaal do̱o̱k cik kacin naga eberene. Iróng baizi ci ogon niko ko̱ a̱kku̱ ngati Baba.

အခန်းကိုကြည့်ပါ။ ကော်ပီ




1 Jon 2:16
34 ပူးပေါင်းရင်းမြစ်များ  

Baling icin ngaa o̱ya̱u̱ cik keet neci ming agano ki da̱i̱ne̱t, kar bo̱do̱k kaanyik ol genyiz, uduca u̱gge̱ adaha, idima u̱gge̱ uk aanyik e̱e̱t cinne, adak zin enne bu̱k.


Ma̱i̱je̱ logoz cik Ta̱mu̱ta̱dde̱no̱, edenyca buuwecci ne̱k lo̱o̱ta̱ ke̱ ming a̱zi̱ze̱, i̱vi̱ta̱ zin nege i̱ti̱yye̱t buuwecci wak orong nege.


Uwe lo̱rye̱nti̱ bo̱do̱k Ye̱su̱ biye ci u̱u̱ni̱ kaal kar ki̱ye̱le̱k ba̱a̱li̱ne̱t ci lo̱o̱tu̱ do̱o̱k.


Ka̱nne̱kku̱ng ne, ming acin e̱e̱ti̱ ngaa eberene cik oronge ele cinne, u̱tu̱gu̱ e̱e̱ti̱ neci mu̱nye̱n.


Uwe zin bo̱do̱k lo̱rye̱nti̱ nonno ngati aave ta̱dde̱na̱ kar kuk ki̱ye̱le̱k nonno lo̱o̱cco̱k cik lo̱o̱tu̱ do̱o̱k.


Abarik abunna ming arikku baiz ci Manyi Ye̱su̱ Ki̱ri̱sto̱ zi̱nze̱tti̱ cuggo̱k, kar abait baiz ci abunna, ma i̱no̱nnu̱ kaal cik lo̱o̱tu̱ gerzek orong e̱le̱tti̱ cuggo̱k wak anyaha mu̱nye̱n.


Ma kaala ne̱ko̱ ogone ko̱ kar kize de̱mzi̱ne̱t ci aanyet agit kegenyit, kar iróng naga kogon kaal cik gerzek ki bali ji̱ji̱ti̱gga̱c ke̱.


Ka̱du̱wa̱ zoz necu niko eci baizi ci kabahe Vongize ci Ta̱mu̱ta̱dde̱no̱ ongorko ki baiz ci gerze amin zi̱nze̱tti̱ cigga̱c. Iróng zin niga amudannu gool ci ogonnu kaal cik abunna orongnyu u̱tu̱gu̱zzo̱.


Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.


Kabak ba̱li̱ye̱ naga bu̱k ki i̱yo̱ko̱, kabal e̱le̱tti̱ kaale cik kireze e̱le̱tti̱. Kaanycik zin naga Ta̱mu̱ta̱dde̱n komoze zo̱ze̱ ci kogon naga ko̱, okko atin enne ettedekket lo̱ki̱ko̱ ki ol do̱o̱k.


Edemezet de̱ti̱ne̱t kar kutungget baiz ci gerze ci iróng Ta̱mu̱ta̱dde̱n elemi. Abunna kabak lo̱o̱ce̱ cu ngati kanyahe uruttok baizowe, kogon kaal cik abunna, kar bo̱do̱k kaarttek zi̱nze̱tti̱ Ta̱mu̱ta̱dde̱n,


Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.


Iróng zin genyizi ci ogon niko a̱kku̱ ta̱mu̱-kenga, een genyiz ci lo̱o̱tu̱, iróng anyak zoz ci vongizo, anyak zoz ci lo̱rye̱nto̱.


Ki i̱yo̱ko̱ odongnyu niga e̱le̱tti̱ ko̱, een donginet e̱le̱tti̱ zoz ci lo̱rye̱nto̱.


Ki i̱yo̱ko̱ dooli cik aziye zoz ko̱, ma ngen ogonnu bo̱do̱k kaal cik gerzek balik ogonnu niga baling ngen a̱gga̱c zoz ci een de̱de̱.


Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.


Edez atin Ta̱mu̱ta̱dde̱n oroot ol wak i̱no̱n kaal cik gerzek ki wak ibbeze nege alaanzet ci alaatu. Odong ol ne̱ko̱ e̱le̱tti̱ kar kozozit mootiza, iróng nege o̱ngo̱o̱le̱ ngati otore kaal cik aavtte ta̱mu̱-kenga.


Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ