1 Jon 2:15 - Tennet

¹⁵ Ma irezzu zoz ci lo̱o̱tu̱ ki kaal ciginnek veelek. Imma e̱e̱ti̱ ci irez kaal cik lo̱o̱tu̱, iróng enne irez Be̱e̱ti̱nna̱ wa een Ta̱mu̱ta̱dde̱n.

1 Jon 2:15 ပူးပေါင်းရင်းမြစ်များ

Ma̱te̱yo̱ 4:8

Uwe lo̱rye̱nti̱ bo̱do̱k Ye̱su̱ biye ci u̱u̱ni̱ kaal kar ki̱ye̱le̱k ba̱a̱li̱ne̱t ci lo̱o̱tu̱ do̱o̱k.

Ma̱te̱yo̱ 6:24

“Iróng zin e̱e̱ti̱ co̱de̱ a̱li̱ngli̱nge̱k ol rama lak co̱de̱. Ogon ki i̱yo̱ko̱, icima abure co̱de̱ kar kirez co̱de̱. Arike wo̱ye̱ enne co̱de̱ zinin, kar kebezbezan co̱de̱. Iróng wo̱ye̱ niga a̱li̱ngli̱ngnyu̱ kaal rama, Ta̱mu̱ta̱dde̱n ki zoz ci o̱ro̱bi̱ya̱u̱.

Lu̱ka̱ 16:13

“I̱llo̱i̱ du̱ca̱i̱t imma ci a̱li̱ngli̱nge̱k ddi̱ki̱ryyo̱k rama. A̱li̱ngli̱ng atin enne ngati ddi̱ki̱ryo̱i̱t co̱de̱ kar kamaroi co̱de̱, icima a̱li̱ngli̱nge̱k enne co̱de̱ kar kutubur co̱de̱. Iróng wo̱ye̱ niga a̱li̱ngli̱nge̱kku̱ Ta̱mu̱ta̱dde̱n ki o̱ro̱bi̱ya̱.”

Kaviyak wak Abunna Ta̱mu̱ta̱dde̱no̱ eher Joni 15:19

Ming e̱e̱ggi̱nnu̱ niga ol cik lo̱o̱tu̱, irezung ol cik lo̱o̱tu̱ kiwagon ming irez ol wagge̱k lo̱o̱tu̱ ogon kaal cik gerzek. Iróng niga e̱e̱ggi̱nnu̱ olli lo̱o̱tu̱, katahalaung zin anna i̱ge̱t kar u̱tu̱gu̱z kaal cik ogon ol cik Ta̱mu̱ta̱dde̱no̱ iróng bo̱do̱k ngen ogonnu kaal cik gerzek ogon ol wak lo̱o̱tu̱. Zoz zin ci amarinnung ol cik lo̱o̱tu̱ ko̱ nenen necu.

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

Ga̱la̱ti̱a̱ 1:10

Iróng anna ke̱e̱ni̱ e̱e̱t ci ka̱ru̱we̱k ol do̱ldo̱l. Korongi ki̱li̱ngli̱nge̱k Ta̱mu̱ta̱dde̱n do̱ niko. Ming kuwahek ol kaviyak cik orong nege do̱ niko, iróng wo̱ye̱ anna ke̱e̱ni̱ du̱ca̱i̱t ci Ki̱ri̱sto̱.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

1 Ti̱mo̱te̱yo̱ 6:10

Eci ming irez e̱e̱ti̱ kaal oroot, anyak no̱ngi̱tto̱n cik gerzek do̱o̱k. Abarik ol uggak utuburet tu̱we̱ne̱t zoz ci Ta̱mu̱ta̱dde̱no̱ aartik zi̱nze̱tti̱ kaal, kar kanyaktak e̱le̱tti̱ u̱u̱ce̱z.

Je̱mi̱s 1:27

Imma e̱e̱ti̱ wa a̱di̱ngdi̱nga̱n Ta̱mu̱ta̱dde̱n wa een Be̱e̱ti̱nna̱ ko̱, aave enne kize caala ne paz, i̱llo̱i̱ rok mu̱nye̱n, ogon enne kaal ciko: Azunne bo̱yyo̱k ki ngaai cik boyek ngati apirnane, kar kuzute ele cinne kaale cik lo̱o̱tu̱.

Je̱mi̱s 4:4

Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.

1 Jon 3:17

Ming anyak e̱e̱ti̱ kaal cik meelek, kar kicin gooni imma ci amati, kar iróng enne eela nonno, aave wo̱ye̱ rezinet ci Ta̱mu̱ta̱dde̱no̱ ngatinne ku̱?

1 Jon 4:5

A̱vvu̱to̱ nege lo̱o̱ta̱ ngatu, ozoz nege kaal cik obod ki lo̱o̱c cu, imma ol cik lo̱o̱tu̱ aziye zoz cinne̱ng.

1 Jon 5:10

I̱yo̱ko̱ zin, ming a̱tu̱ e̱e̱ti̱ zoz ci Ngerrti Ta̱mu̱ta̱dde̱no̱, anyak enne zoz ci ibbace enne ko̱ zinine cinne. Imma e̱e̱ti̱ ci iróng elemi zoz ci Ta̱mu̱ta̱dde̱no̱, angany enne Ta̱mu̱ta̱dde̱n azi ne een volongnyoit, eci iróng enne elemi zoz ci ibbace Ta̱mu̱ta̱dde̱n Ngerinne.