1 Jon 2:11 - Tennet

¹¹ Imma e̱e̱ti̱ ci amarine gotoni, aave enne mu̱hu̱ra̱to̱ kar koto ngati mu̱hu̱ri̱. Iróng enne a̱gga̱ nginti okkoye enne, eci mu̱hu̱ri̱ u̱bu̱ng ebere ciginnek.

1 Jon 2:11 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 12:35

Izek zin Ye̱su̱ nogo ne, “Okko atin tukuleci arrak abakku ki i̱ge̱t ngintidici. Owoyyu, imma ngatu tukuleci aave go̱o̱le̱ cunno̱ng, kar mu̱hu̱ri̱te̱ni̱ iróng aave go̱o̱le̱ cunno̱ng, eci e̱e̱ti̱ ci owo mu̱hu̱ri̱te̱na̱ iróng a̱gga̱ gool ci okkoye enne.

Kaviyak wak Abunna Ta̱mu̱ta̱dde̱no̱ eher Joni 12:40

“Utuz Ta̱mu̱ta̱dde̱n ebere cigge̱k, kar bo̱do̱k kidit zi̱nze̱tti̱ cigge̱k, iróng nege ngen acine icima i̱i̱zo̱ zoz neci zi̱nze̱tti̱ cigge̱k, iróng bo̱do̱k obodak Ta̱mu̱ta̱dde̱n kar wo̱ye̱ atin anna kangaru nogo.”

2 Ko̱ri̱nto̱ 3:14

Abarik zin i̱di̱tte̱ nogo iina, ki bali ming a̱bu̱ng Musesi ngu̱m ke̱, eci iróng orong kicinnet olli Israilo nonno. Ngen zin nege abahe olom bali reeni ke̱. Amadane zin atin lo̱ti̱nno̱wa̱ ne̱ke̱ zi̱nze̱tti̱nne̱ cigge̱k do̱o̱k ming i̱vi̱ta̱ nege elemtta Ki̱ri̱sto̱.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

2 Peturu 1:9

Ma̱i̱je̱ ming iróng e̱e̱ti̱ imma anyak kaal ne̱ko̱ do̱o̱k, u̱tu̱gu̱ enne ki e̱e̱ti̱ ci ru̱be̱ni̱, erek nonno ming utunycai mu̱nye̱na̱ balik anyak enne ke̱.

1 Jon 1:6

Ming kazi naga ne o̱do̱ye̱ naga ki nonno, imma ngatu kabak baiz ci mu̱hu̱ri̱, kovolong naga, iróng kabak zo̱ze̱ ci een de̱de̱.

1 Jon 2:10

Imma e̱e̱ti̱ ci irez gotoni, abak enne vooritena. I̱llo̱i̱ zin gi̱i̱ ci gerze adir nonno.

1 Jon 2:9

Imma e̱e̱ti̱ ci azi ne, kaave enne vooritena ma̱i̱je̱ ngatu amarine gotoni, ngen enne ogon ki e̱e̱ti̱ wa aave mu̱hu̱ra̱ niko.

1 Jon 3:15

Ming amarine e̱e̱ti̱ imma gotoni, een enne e̱e̱t ci a̱ru̱k ol, a̱gga̱yyu̱ niga iróng e̱e̱ti̱ ci a̱ru̱k ol ko̱ amuda baiz wa aave udut.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?

O̱no̱zzo̱k 3:17

A̱nnu̱ niga ne, ‘Ke̱e̱ni̱ anna jaitot; kuruba anna jainzet, iróng ngen korongi gi̱i̱ imma.’ Iróng zin niga a̱gga̱yyu̱ e̱e̱ggi̱nnu̱ niga ma̱ta̱k, bo̱yyo̱k, kaalakreng, ru̱be̱no̱k kar a̱vvu̱t nga̱dhi̱ri̱r.