1 Jon 1:9 - Tennet

⁹ Ma̱i̱je̱ ming kuturtak naga mu̱nye̱n cigga̱c Ta̱mu̱ta̱dde̱n, abunna enne kar atin kalaleita kar bo̱do̱k ki̱ti̱vi̱la̱ mu̱nye̱n cigga̱c ne veelek.

1 Jon 1:9 ပူးပေါင်းရင်းမြစ်များ

Ma̱te̱yo̱ 3:6

Baling uturtta nege mu̱nye̱n cigge̱k, kar enne ka̱gga̱me̱k nogo ba̱ti̱ti̱mo̱ moro ci Jordani.

Marko 1:5

I̱vi̱tta̱k zin ol cik lo̱o̱c ci een Ju̱de̱ya̱ ki Jerusalem do̱o̱k nonno. A̱jji̱n Ta̱mu̱ta̱dde̱n kalalek nogo ba̱ci̱nno̱k wagge̱k, kar zin Joni ka̱gga̱me̱k nogo ba̱ti̱ti̱mo̱ moro ci Jordani.

Lu̱ka̱ 22:57

Ma̱i̱je̱ Peturu etezo ize ne, “Ngaa cu, iróng anna ka̱gga̱ nonno.”

Kaviyak wak Abunna Ta̱mu̱ta̱dde̱no̱ eher Joni 17:25

“Baba wa abunna, ming iróng ol cik lo̱o̱tu̱ a̱gga̱yi̱ i̱nne̱t nu̱nu̱n, ka̱gga̱yi̱ anna, a̱gga̱ zin demezyaha cigannik niko ming i̱tto̱na̱na̱ i̱nna̱.

Buk wa To̱ni̱a̱u̱ 19:18

Imma ol balik u̱tu̱we̱t zoz ci Ta̱mu̱ta̱dde̱no̱ i̱yo̱ko̱ ke̱, i̱vi̱ta̱ uturtta mu̱nye̱n cigge̱k kicinnet ebere cik ollu.

Roma 3:26

I̱ye̱la̱i̱ zin bo̱do̱k zoz necu i̱yo̱ko̱ abunna Ta̱mu̱ta̱dde̱n, eci enne aanyik e̱e̱t imma ci a̱tu̱ zoz ci Ye̱su̱ kubunna, zoz zin ci ka̱gga̱we̱ abunna Ta̱mu̱ta̱dde̱n ko̱ neci.

1 Ko̱ri̱nto̱ 1:9

Ogonekku̱ng atin Ta̱mu̱ta̱dde̱n zoz necu de̱de̱, ogon gon enne zoz ci u̱du̱wa̱ enne, nonno ci a̱a̱nyu̱ng gool ci owowonu ki Ngerinne Ye̱su̱ Ki̱ri̱sto̱ wa een Manyitinna.

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

Evesos 5:26

Ogon enne zoz necu abunna nege ovvo e̱e̱ggi̱n ol cik abunna doize ci zoz cinne, idiman zin enne nogo kizeto ol cik a̱li̱le̱ ngati unye nogo maame.

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 10:23

Abunna ka̱gga̱m tu̱we̱ne̱t ci karike naga zi̱nze̱tti̱ cik ka̱tu̱we̱ Ta̱mu̱ta̱dde̱n ko̱ ju̱rru̱m, eci Ta̱mu̱ta̱dde̱n ci ka̱tu̱ ko̱ ogon atin zoz ci u̱du̱wa̱ enne ke̱.

I̱bu̱ru̱ 11:11

Imma bo̱do̱k tu̱we̱nte̱ ci Aburahami ki ngaa wainne abile kar kize ma̱ti̱yo̱c een zara Sarah, aanyik zin Ta̱mu̱ta̱dde̱n nogo do̱le̱c. A̱tu̱ nege zoz bali u̱du̱wa̱ Manyi ke̱.

I̱bu̱ru̱ 6:10

A̱gga̱m Ta̱mu̱ta̱dde̱n ol go̱o̱le̱ ci abunna, iróng enne erehek li̱ngli̱ngo̱ni̱ ci a̱li̱ngli̱nge̱kku̱ niga nonno ki rezinet ci irezzu niga nonno go̱o̱le̱ ci eelannu ol ciginnek ki ba̱li̱ye̱. A̱gga̱ zin enne niko ming emenannu ngati eelannu nogo.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.

O̱no̱zzo̱k 15:3

kar zin ke̱be̱ni̱t lo̱ng ci Musesi du̱ca̱i̱t ci Ta̱mu̱ta̱dde̱no̱ ki lo̱ng ci Nyoono. Azi ne, “A̱ddi̱ki̱re̱ kar ki̱zi̱ze̱c kaala cigunnek do̱o̱k oroot, Manyi Ta̱mu̱ta̱dde̱n wa anyak Komiz do̱o̱k, een bunnati ki zoz ci een de̱de̱ kaal cigunnek ogoni i̱nna̱, Alaan ci lo̱o̱cco̱k do̱o̱k.