1 Jon 1:8 - Tennet

⁸ Ming kazi naga ne i̱llo̱i̱ agit mu̱nye̱n, ka̱lu̱t naga e̱le̱tti̱ cigga̱c, i̱llo̱i̱ zoz ci een de̱de̱ ngatinna.

1 Jon 1:8 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 8:44

E̱e̱ggi̱nnu̱ niga dooli cik lo̱rye̱nta̱k, be̱e̱ti̱nno̱ng, ogonnu kaal cik orong enne. Bali oowa, een enne e̱e̱t ci a̱ru̱k ol ka̱da̱i̱to̱, iróng enne abak zo̱ze̱ ci een de̱de̱, eci enne iróng anyak zoz ci een de̱de̱. Ming ovolong gon enne zoza, een neci kaale cinne, eci enne een volongnyoit, be̱e̱ti̱ volongo.

Roma 3:10

Azi Waraga ci Ta̱mu̱ta̱dde̱no̱ ne, “I̱llo̱i̱ rok e̱e̱t co̱de̱ ṯok ci abunna ngu̱me̱ ci Ta̱mu̱ta̱dde̱no̱;

Roma 3:23

Eci ol do̱o̱k anyak ba̱ci̱nno̱k cik mu̱nye̱nu̱, iróng zin naga ngen kazuca di̱ngdi̱ngo̱n ci Ta̱mu̱ta̱dde̱no̱.

1 Ko̱ri̱nto̱ 3:18

Ma a̱lu̱tu̱ e̱le̱tti̱ cuggo̱k. Ming i̱no̱n e̱e̱ti̱ imma ngatinno̱ng azi ne kegenyi kaale cik baiz cu, abunna zin abarik ming aanyik ele kize tarbal, kar enne kumuda genyiz.

Ga̱la̱ti̱a̱ 6:3

Ming i̱no̱n e̱e̱ti̱ ele azi ne ke̱e̱ni̱ e̱e̱t ci riili ngati keelane ol, a̱lu̱t e̱e̱ti̱ neci ele cinne. Iróng e̱e̱ti̱ neci een riil.

1 Ti̱mo̱te̱yo̱ 6:5

anyaha ol wak e̱e̱ggi̱n giilcak dango ki̱zzi̱ zoz ci een de̱de̱. I̱no̱n ol ne̱ke̱ azi ne, okko e̱e̱ti̱ een bo̱to̱ro̱c go̱o̱le̱ ci annuwe enne Ta̱mu̱ta̱dde̱n.

2 Ti̱mo̱te̱yo̱ 3:13

Ma̱i̱je̱ ol wak gerzek ki ol wak een volongnyok, gerza atin zoz cinne̱ng oroot, ovolongek ol kar bo̱do̱k ol kovolongttek nogo.

Je̱mi̱s 1:22

Ma aziknnu zoz ci Ta̱mu̱ta̱dde̱no̱ gaganiko, kar zin u̱lu̱te̱t e̱le̱tti̱ cuggo̱k. U̱tu̱gu̱z zoz ci a̱du̱wa̱ zoz neci.

Je̱mi̱s 1:26

Ming azi e̱e̱ti̱ imma ne, ke̱e̱ni̱ enne e̱e̱t ci Ta̱mu̱ta̱dde̱no̱, imma ngatu iróng azunne a̱ha̱t cinne, a̱lu̱t enne ele cinne, izeto kaala wak u̱tu̱gu̱ enne tu̱we̱nte̱ cinne ko̱ do̱o̱k kaalakreng, iróng tu̱we̱ne̱t cinne ngen a̱li̱ngli̱ng Ta̱mu̱ta̱dde̱na̱.

Je̱mi̱s 3:2

Kogon naga do̱o̱k mu̱nye̱n go̱o̱lo̱we̱ cik aavtte do̱ do̱. Ming ngen e̱e̱ti̱ imma kabac i̱i̱te̱n imma gi̱i̱ye̱ ci ozoz enne, een enne e̱e̱t ci caale paz, azunne ele cinne ju̱rru̱m.

2 Peturu 2:13

A̱ru̱k atin Ta̱mu̱ta̱dde̱n nga̱bo̱lo̱, edez nogo mu̱nye̱ne̱ cik u̱tu̱gu̱zzo̱ nege. Abarik nege i̱no̱n azi ne, kadak kwo̱o̱r kar ku̱tu̱gu̱z kaal cik gerzek een gi̱i̱ ci abunna ngatinne̱ng.

1 Jon 1:10

Ming kazi naga ne ngen naga ku̱tu̱gu̱zza̱ mu̱nye̱n udut, kanyike naga Ta̱mu̱ta̱dde̱n volong, okko zoz cinne iróng aave zi̱nze̱tti̱nne̱ cigga̱c.

1 Jon 1:6

Ming kazi naga ne o̱do̱ye̱ naga ki nonno, imma ngatu kabak baiz ci mu̱hu̱ri̱, kovolong naga, iróng kabak zo̱ze̱ ci een de̱de̱.

1 Jon 2:4

Ming azi e̱e̱ti̱ ne, “Ka̱gga̱ enne nonno,” ma̱i̱je̱ ngatu iróng a̱li̱ngli̱nge̱ lo̱ti̱nno̱k ciginnek, een enne volongnyoit, i̱llo̱i̱ zoz ci een de̱de̱ ngatinne.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?

2 Jon 1:2

eci zoz ci een de̱de̱ ko̱, aave ngatinna, kar atin ka̱vvu̱ ngatinna udut.

3 Jon 1:3

Katalne anna oroot baling i̱vi̱ta̱ gotonoggeti uggak rok annita kar kozozit tu̱we̱ne̱t cunno̱ng zo̱ze̱ wa een de̱de̱ ki bo̱do̱k gool ci aavtiyyu niga baize wa een de̱de̱ udut.