1 Jon 1:7 - Tennet

⁷ Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.

1 Jon 1:7 ပူးပေါင်းရင်းမြစ်များ

Ma̱te̱yo̱ 6:12

Laleit ba̱ci̱no̱we̱ ki i̱yo̱ko̱ ming kalalneka naga ol u̱gge̱ ko̱.

Kaviyak wak Abunna Ta̱mu̱ta̱dde̱no̱ eher Joni 1:29

Ma̱i̱je̱ nge̱rre̱ti̱n ci reng, edenya Joni Ye̱su̱ ming a̱kku̱nna̱k nonno, kar kize ne, “Icinnet, Nyoon ci Ta̱mu̱ta̱dde̱no̱ wa a̱vi̱la̱ mu̱nye̱n cik lo̱o̱tu̱!

Kaviyak wak Abunna Ta̱mu̱ta̱dde̱no̱ eher Joni 12:35

Izek zin Ye̱su̱ nogo ne, “Okko atin tukuleci arrak abakku ki i̱ge̱t ngintidici. Owoyyu, imma ngatu tukuleci aave go̱o̱le̱ cunno̱ng, kar mu̱hu̱ri̱te̱ni̱ iróng aave go̱o̱le̱ cunno̱ng, eci e̱e̱ti̱ ci owo mu̱hu̱ri̱te̱na̱ iróng a̱gga̱ gool ci okkoye enne.

Kaviyak wak Abunna Ta̱mu̱ta̱dde̱no̱ eher Joni 5:4

A̱kku̱ gon anjilo ci Ta̱mu̱ta̱dde̱no̱ i̱i̱te̱n imma kar ki̱ki̱ya̱ kotomowe maam kar e̱e̱ti̱ ci omori i̱i̱zo̱ maam oowa, kar zin kangaru nogo mo̱ri̱zzo̱k cik anyak nege do̱o̱k.

Roma 13:12

Ogon i̱i̱te̱ni̱ ci kabahe naga lo̱o̱ta̱ ngatu kiwagon ba̱a̱li̱ni̱ ci okko aliz looci ataman. Abunna kabiliz mu̱nye̱n cik ogon ol ba̱a̱l, kar ku̱tu̱gu̱z kaal cik abunna ogon ol waz.

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

Evesos 5:8

Abakku gon ba̱li̱ye̱ niga mu̱hu̱ra̱, imma i̱yo̱ko̱ izetu ol cik abakku vooritena, eci i̱yo̱ko̱ izetu olli Manyi. Abait ki ol wak abak vooritena.

1 Ti̱mo̱te̱yo̱ 6:16

Ta̱mu̱ta̱dde̱n do̱ niko ci iróng a̱da̱i̱ udut. Abak enne vooritene ci ataltali, i̱llo̱i̱ rok e̱e̱t ci anime kuk ojonun, ngen e̱e̱ti̱ imma kicin nonno udut, i̱llo̱i̱ bo̱do̱k atin ol cik acin nonno. Anyak enne komiz, ki̱di̱ngdi̱nga̱ni̱t nonno udut. Anyik ku̱tu̱gu̱ niko (Amin).

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 9:14

Izikto zin ju̱rru̱m, ming anyak da̱ bi̱ye̱ta̱ cik kaal cik kapahek naga Ta̱mu̱ta̱dde̱n ko̱ doiz, imma ngati Vongiz ci A̱li̱le̱ udut, anyak bi̱ye̱ta̱ cik Ye̱su̱ komiz kommog bi̱ye̱ cik kaalu, aanyik enne ele cinne Ta̱mu̱ta̱dde̱n ngati a̱da̱kne̱ ki̱zze̱c rok mu̱nye̱n ngatinne. A̱vi̱la̱ atin bi̱ye̱ta̱ cik Ki̱ri̱sto̱ kaale cik kabaccit lo̱o̱ta̱ ngatu, kar atin kala icima ka̱li̱ngli̱ng zoz cinne ki̱zze̱c rok mu̱nye̱n cik okkoyyet daiza.

Je̱mi̱s 1:17

A̱kku̱ muci ci abunna ta̱mu̱-kenga, ngati Baba bali eenyca kaal cik e̱e̱ggi̱n vooriten do̱o̱k ta̱mu̱-kenga. Iróng Ta̱mu̱ta̱dde̱n ukce kiwagon mu̱hu̱ri̱te̱ni̱ ming i̱ki̱ya̱ vooriteni.

1 Peturu 1:19

abarik a̱ti̱ri̱zu̱ng bi̱ye̱te̱ cik Ki̱ri̱sto̱, ogon enne ki nyoon ci iróng anyak gi̱i̱ ci gerze eliya.

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.

1 Jon 1:5

Een necu zoz ci kazikna naga ngatinne kar naga ku̱du̱kta̱ zoz neci: “Een Ta̱mu̱ta̱dde̱n vooriten, i̱llo̱i̱ mu̱hu̱ri̱te̱n ngatinne udut.”

1 Jon 5:6

A̱kku̱ Ye̱su̱ Ki̱ri̱sto̱ maame ki bi̱ye̱te̱. Iróng enne a̱kku̱ maame do̱, abarik a̱kku̱ maame ki bi̱ye̱te̱. Okko Vongizi ibbac zoz neci ming een de̱de̱, eci Vongizi i̱ye̱la̱ zoz ci een de̱de̱.

1 Jon 5:8

Vongiz ci A̱li̱le̱ ki maam ki bi̱ye̱ kar zin kaala cik e̱e̱ggi̱n i̱i̱yo̱ ko̱ anyak wowonet.

2 Jon 1:4

Katalne anna oroot ngati kuruba dooli cigunnek u̱gge̱ ming abak zo̱ze̱ ci een de̱de̱ ki bali u̱du̱wa̱ Baba zoz ci een de̱de̱ ki rezinet ke̱.

3 Jon 1:4

Een necu talninet ci a̱ddi̱ki̱re̱ ngatinanni oroot, ngati kazikne abak dooli cigannik zo̱ze̱ ci een de̱de̱.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 12:11

Ommogit nege lo̱rye̱ni̱t bi̱ye̱te̱ cik Nyoono ki zo̱ze̱ ci a̱du̱wa̱ nege; iróng nege irez e̱le̱tti̱ cigge̱k oroot abarik iróng ngen o̱ngo̱o̱le̱ daiz.

O̱no̱zzo̱k 7:14

Kabariza zin anna, “Ddi̱ki̱ryo̱i̱t, a̱gga̱ i̱nna̱.” Kar enne kize ne, “E̱e̱ggi̱n zin nege ol balik a̱vvu̱ piryanzete ci a̱ppwe̱ oroot; utunyyet nege ru̱u̱ma̱ni̱ cigge̱k kar kizeto voore bi̱ye̱te̱ cik Nyoono.