1 Jon 1:2 - Tennet

² I̱ye̱la̱i̱ bali rugeti neci, kicinnta bo̱do̱k naga nonno e̱le̱tti̱ne̱. Kozoza abarik gi̱i̱ ci ka̱gga̱yya̱, kuwahekkung zoz ci baiz ci aave udut ngati Baatinne, kar zin ki̱ye̱la̱i̱ ngatinna bu̱k.

1 Jon 1:2 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 1:18

Ngen e̱e̱ti̱ imma kicin Ta̱mu̱ta̱dde̱n udut, Ngerinne wa zinino o̱de̱ ṯok een Ta̱mu̱ta̱dde̱n bu̱k ci aanyyet ka̱gga̱c Ta̱mu̱ta̱dde̱n Baatinne.

Kaviyak wak Abunna Ta̱mu̱ta̱dde̱no̱ eher Joni 1:4

Een Zoz neci ruget ci e̱e̱t ci diiri, okko rugeti neci anyahak ol vooriten ci i̱ye̱le̱k nogo gool ci baizo.

Kaviyak wak Abunna Ta̱mu̱ta̱dde̱no̱ eher Joni 10:28

Kanyike anna nogo ruget wa aave udut, iróng bo̱do̱k nege ngen a̱da̱i̱. A̱zze̱ e̱e̱ti̱ imma ci aama nogo a̱tte̱ cinanni to.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 15:27

Ibbacit niga bu̱k zoz cinanni eci karumzene naga nginti bali meer ka̱kku̱ne̱ ke̱.”

Kaviyak wak Abunna Ta̱mu̱ta̱dde̱no̱ eher Joni 16:28

Ka̱kku̱ni̱ anna ngati Baba ka̱kku̱na̱k lo̱o̱c, abarik zin i̱yo̱ko̱ kutungeya lo̱o̱c ki̱mi̱re̱ kuwa ngati Baba.”

Kaviyak wak Abunna Ta̱mu̱ta̱dde̱no̱ eher Joni 17:3

A̱gga̱yi̱ atin nege i̱nne̱t rugete wa aave udut, ize Ta̱mu̱ta̱dde̱n wa een de̱de̱ kar zin bo̱do̱k ka̱gga̱yya̱ annit Ye̱su̱ Ki̱ri̱sto̱ wa bali i̱tto̱na̱i̱ ke̱ nenen necu.

Kaviyak wak Abunna Ta̱mu̱ta̱dde̱no̱ eher Joni 17:5

I̱yo̱ko̱ zin Baba, anyik zar cigannik ku̱bu̱lte̱ ngu̱me̱ cunne bu̱le̱nte̱ bali kanyak ki i̱nne̱ta̱ la̱du̱n baling ngen keteehenye looci ke̱.

Kaviyak wak Abunna Ta̱mu̱ta̱dde̱no̱ eher Joni 19:35

A̱du̱wa̱ e̱e̱ti̱ bali icin ke̱ zoz necu een de̱de̱, a̱du̱wa̱ enne niko abunna ka̱tu̱we̱ naga bu̱k.

Kaviyak wak Abunna Ta̱mu̱ta̱dde̱no̱ eher Joni 21:14

I̱ye̱le̱k Ye̱su̱ ele cinne nuyak waginnek lak i̱i̱yo̱, baling itinga enne daiza.

Kaviyak wak Abunna Ta̱mu̱ta̱dde̱no̱ eher Joni 3:13

Ngen e̱e̱ti̱ imma kuk ta̱mu̱-kenga kize Ngerrti E̱e̱to̱ do̱ niko bali a̱kku̱ ta̱mu̱-kenga.

Kaviyak wak Abunna Ta̱mu̱ta̱dde̱no̱ eher Joni 7:29

Ka̱gga̱ zin abarik anna nonno eci ka̱kku̱ni̱ ngatinne, nonno ci i̱tto̱na̱na̱n.”

Kaviyak wak Abunna Ta̱mu̱ta̱dde̱no̱ eher Joni 8:38

Ka̱du̱wa̱kku̱ng zoz ci kicina ngati Baba, ogonnu bo̱do̱k niga zoz ci iziktu ngati be̱e̱ti̱nno̱ng.

Buk wa To̱ni̱a̱u̱ 1:22

Akane ngati Jon ba̱ti̱ti̱mo̱ rok i̱i̱ bali odongine Ye̱su̱ okko ta̱dde̱na̱ ngati een agit ke̱. Een atin e̱e̱ti̱ co̱de̱ ki agit bbacait ci i̱i̱te̱n bali ingane Ye̱su̱ daiza ke̱.”

Buk wa To̱ni̱a̱u̱ 10:41

Iróng ol do̱o̱k acin nonno, abarik een bbacak wak atahala Ta̱mu̱ta̱dde̱n ba̱li̱ye̱ la̱du̱n ki agit ol balik kadaktowa kar bo̱do̱k kuudewa ki nonno baling itinga enne daiza ke̱.

Buk wa To̱ni̱a̱u̱ 2:32

Itingawe zin Ta̱mu̱ta̱dde̱n Ye̱su̱ daiza de̱de̱. I̱yo̱ko̱ zin naga do̱o̱k kizetta bbacak zo̱ze̱ necu.

Buk wa To̱ni̱a̱u̱ 3:15

U̱ru̱kttu̱ abarik e̱e̱t wa aanyik ol ruget ka̱da̱k, ma̱i̱je̱ Ta̱mu̱ta̱dde̱n itingawe nonno daiza, ke̱e̱ggi̱nna̱ zin bbacak bu̱k zo̱ze̱ necu.

Buk wa To̱ni̱a̱u̱ 5:32

Ke̱e̱ggi̱nna̱ zin bbacak kaale ne̱ko̱, kar zin bo̱do̱k Vongizi ci A̱li̱le̱ bali aanyik Ta̱mu̱ta̱dde̱n ol wak o̱ngo̱o̱le̱ nonno.”

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

Ga̱la̱ti̱a̱ 4:4

Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

2 Ti̱mo̱te̱yo̱ 1:10

Kar i̱yo̱ko̱, i̱ye̱le̱i̱t zin Ta̱mu̱ta̱dde̱n bunnat cinne ngati aanyyet Ti̱ri̱zo̱i̱t cinna Ye̱su̱ Ki̱ri̱sto̱, kar kommog daiz, kar kanyaha ruget wa aave udut, kamuda go̱o̱le̱ ci kazikne kaviyak cik abunna.

Ti̱to̱ 1:2

Aave tu̱we̱ne̱t ki gga̱we̱ne̱t zoz ngati zoz ci karike naga zi̱nze̱tti̱ ko̱, a̱kku̱ zo̱ze̱ ci baiz ci aave udut, nonno ci een Ta̱mu̱ta̱dde̱n, iróng enne ovolongi, u̱du̱wa̱ zoz neci ming ngen enne kidiman ta̱mu̱-keng ki lo̱o̱c,

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

1 Jon 1:1

Keherakkung naga i̱ge̱t zoz ci een ruget wa bali la̱du̱n aave kanante ci lo̱o̱tu̱ ke̱. Kizikta naga zoz neci, kicinnta naga nonno eberene cigga̱k kar bo̱do̱k ku̱u̱mta̱ nonno azzine.

1 Jon 2:25

Een necu zoz ci u̱du̱wa̱e̱t enne agita: ruget ci aave udut.

1 Jon 3:5

A̱gga̱yyu̱ niga a̱kku̱ Ki̱ri̱sto̱ kar ki̱ki̱ya̱ kaara mu̱nye̱n cigga̱c, iróng enne eliya anyak mu̱nye̱n udut.

1 Jon 3:8

Imma e̱e̱ti̱ ci ogon mu̱nye̱n ko̱, een enne e̱e̱t ci lo̱rye̱nto̱, eci lo̱rye̱nti̱ u̱tu̱gu̱ mu̱nye̱n arrak oowa kanante ci lo̱o̱tu̱. A̱kku̱ zin Ngerrti Ta̱mu̱ta̱dde̱no̱ kar ki̱ki̱ya̱ kidita li̱ngli̱ngo̱n ci lo̱rye̱nto̱.

1 Jon 4:14

Kicinnet zin naga e̱le̱tti̱ne̱ kar bo̱do̱k ku̱du̱kta̱k ol zoz ci i̱tto̱na̱ne̱ Ta̱mu̱ta̱dde̱n Ngerinne kar ki̱ki̱ya̱ kize Ti̱ri̱zo̱i̱t ci olli lo̱o̱tu̱.

1 Jon 4:2

Een necu gool ci a̱gga̱yyu̱ niga Vongiz ci Ta̱mu̱ta̱dde̱no̱: Azi Vongizi cinne ne, een Ye̱su̱ Ki̱ri̱sto̱ e̱e̱t ci diiri ci a̱kku̱ ngati Ta̱mu̱ta̱dde̱no̱.

1 Jon 5:11

Een necu zoz ci ibbac Ta̱mu̱ta̱dde̱n ko̱: Aanyet enne agit ruget ci aave udut, a̱kku̱ rugeti neci ngati Ngerinne.

1 Jon 5:13

Keherakkung anna i̱ge̱t ol wak a̱tu̱yyu̱ zar cik Ngerrti Ta̱mu̱ta̱dde̱no̱ ko̱, kar abunna ming a̱gga̱yyu̱ een rugeti ci aave udut ko̱ cunno̱ng.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.