Yohanis 7:35 - Tetun

³⁵ Rona nola nunia, Yahudi ulun sia nakusuk baa malu naꞌak, “Takseer, ema neꞌe atu laꞌo baa fatin nabee toꞌo ita la bele hetan? Arumak Nia baa nakfunin iha itakaan ema Yahudi mak laꞌo rai leet ka? Nia atu baa nanorin ema mak dale lia Yunani iha nebaa ka?

Yohanis 7:35 ပူးပေါင်းရင်းမြစ်များ

Mateus 12:21

Ema nosi klubun hotu-hotu iha raiklaran atu haloon baa Nia, tan sia natene Nia neꞌe see.’ ”

Lukas 2:32

Nia atu dadi hanesan kroman. Nia atu nodi kneter bodik Naꞌi Maromak eman Israꞌel sia. Nia moos atu natudu Naꞌi Maromak dalan loos baa ema seluk sia.”

Yohanis 12:20

Natoon baa nia, ema Yunani naꞌin hira nosi rai seluk moos mai tuir nadahur bele-bele loron boot Paska iha Yerusalem. Masik sia lahoos ema Yahudi, sia moos loꞌu-sudur baa Naꞌi Maromak.

Yohanis 7:1

Nunia hotu, Yesus sia laꞌo nasirin rai Galilea. Nia la noꞌuk baa rai Yudea, tan Yahudi ulun sia iha nebaa buka dalan atu noꞌo Nia.

Yohanis 8:22

Rona nola Yesus dale nunia, Yahudi ulun sia nusu baa malu naꞌak, “Nia dale saa mak neꞌe? Nia atu noꞌo aan duꞌuk ka? Tan saa Nia dale naꞌak, ‘Emi la bele baa fatin nia.’ ”

Kristus Klosan Lian 11:18

Rona Petrus naloos aan nunia, sia la nasalak tenik nia ona. Sia moos tonu-naboot Naꞌi Maromak naꞌak, “Makaꞌas basuk! Naꞌi Maromak loke dalan tiꞌan, nebee ema mak lahoos Yahudi moos bele soe lakon siakaan salan. Nia nakara nebee sia moos bele moris nima-nimak no Nia.”

Kristus Klosan Lian 11:20

Mais Yesus eman sia nosi rai Siprus no kota Kirene mak nalai toꞌo kota Antiokia iha rai Siria, sia balu katak Lia Diꞌak nosi Naꞌi Yesus baa ema Yunani iha nia.

Kristus Klosan Lian 14:1

Paulus no Barnabas toꞌo kota Ikonium, sia tama baa uma hamulak Yahudi. Sia hanorin ema iha nia, toꞌo ema waꞌin moos fiar baa Yesus. Sia, mak ema Yahudi no ema lahoos Yahudi.

Kristus Klosan Lian 17:4

Rona nola nunia, ema waꞌin moos fiar, hotu tuir Paulus sia. Sia, balu ema Yahudi, balu ema Yunani mak beer Naꞌi Maromak, no balu ferik boot naꞌin hira nosi kota nia.

Kristus Klosan Lian 18:4

Toꞌo ema Yahudi loron boot, Paulus tama baa siakaan uma hamulak. Nia namaus ema Yahudi no ema seluk sia, nebee fiar baa Yesus.

Kristus Klosan Lian 21:21

Mais noo ema mai nasaꞌe uluk lia baa sia naꞌak, mau nanorin la loos. Sia tula sala naꞌak, mau nanorin ema Yahudi nebee lalika tuir Ukun-badu Bei Musa ona. Sia moos nasalak naꞌak, mau hakahik sia nebee keta nalo adat hamane aan baa siakaan oan mane. No lalika tuir itakaan adat Yahudi seluk sia.

Kristus Klosan Lian 22:21

Masik haꞌu ksakar nunia moos, Yesus naruka tenik naꞌak, ‘Keta seni oi-oik! Laꞌo mela Yerusalem oras neꞌe ona! Tan Haꞌu kakara karuka o baa fatin dook atu manorin ema lahoos Yahudi sia.’ ”

Roma 1:16

Haꞌu la kmoe keke Yesus Manfatin Diꞌak. Tan Manfatin nia nodi Naꞌi Maromak beran sori nola ema hotu-hotu nosi sala. Ema Yahudi sia rona uluk Manfatin nia, foin ema klubun seluk sia.

Efesus 3:8

Nosi Naꞌi Maromak eman hotu-hotu, haꞌu neꞌe mak la folin basuk. Masik nunia moos, Nia sei boi haꞌu atu kalore Lia Diꞌak baa ema lahoos Yahudi sia, nebee sia moos bele natene Kristus laran diꞌak mak makaꞌas kaliuk.

1 Timotius 2:7

Tan baa nia, Nia boi nola haꞌu kdadi klosan atu kbaa katak ema mak lahoos Yahudi sia iha fatin hotu-hotu, kodi kanorin sia nebee sia fiar baa Naꞌi Yesus no moris tuir dalan mak loos. Saa mak haꞌu katak neꞌe, tebes no loos.

2 Timotius 1:11

Tan Manfatin Diꞌak nia, Naꞌi Maromak foti haꞌu kdadi baa Yesus Kristus klosan atu katak no kanorin ema.

Yakobus 1:1

Tabe nosi haꞌu, Yakobus. Haꞌu neꞌe, Naꞌi Maromak no Naꞌi Yesus Kristus siakaan ain-liman. Haꞌu kakerek neꞌe bodik emi, ema Yahudi mak tuir Naꞌi Yesus tiꞌan, mak nein iha fatin hotu-hotu iha ema rain.

1 Petrus 1:1

Hakerek neꞌe nosi haꞌu, Petrus, mak Yesus Kristus klosan. Haꞌu kakerek neꞌe bodik emi mamaluk sia mak Naꞌi Maromak boi tiꞌan. Emi moris keke lema ema rain, iha rai Pontus, rai Galatia, rai Kapadokia, rai Asia no rai Bitinia. Mamaluk sia! Hori uluk fohon, Ama Maromak boi emi atu dadi baa Niakaan ema. Niakaan Kmalar Lulik namoos nola emikaan salan, nebee emi bele halo tuir ukun hotu-hotu mak Yesus Kristus natuun baa emi. Kalo emi halaꞌok Niakaan ukun nia sia, nuꞌu Naꞌi Maromak nisik Yesus Kristus raan baa emi, atu dadi tadak naꞌak, emi dadi moos tiꞌan bodik Nia. Haꞌu kaloon nebee Naꞌi Maromak natudu laran diꞌak baa emi, nebee emi moris hetak manek no hetak dame.