Yohanis 6:9 - Tetun

⁹ “Ama! Lawarik ida iha neꞌe nodi tubi baluk lima, no naꞌan tasi lolon rua. Mais tubi no naꞌan tasi nia, sei la toꞌo dauk atu hodi hahaan ema lear neꞌe!”

Yohanis 6:9 ပူးပေါင်းရင်းမြစ်များ

Mateus 14:17

Sia nataa naꞌak, “Aikee, Ama! Ami la hoo sa-saa atu hodi hahaan ema lear neꞌe. Ami atu halo nunabee? Ami hoo loos tubi baluk lima no naꞌan tasi lolon rua!”

Mateus 16:9

Emi sei la duun hatene Haꞌukaan beran ka? Oras Haꞌu ktohi faꞌe tubi baluk lima kodi kahaan ema naꞌin rihun lima nia, koꞌe hira mak emi hodi libur hola tubi resin nia sia?

Markus 6:38

Mais Yesus nataa naꞌak, “Emi baa buka lai, keta noo ema mak nodi bakae.” Sia moos baa buka, hotu mai nikar katak baa Yesus naꞌak, “Ami hetan loos tubi baluk lima no naꞌan tasi lolon rua.”

Markus 8:19

Tubi baluk lima mak Haꞌu ktohi faꞌe kodi kahaan ema rihun lima nia, emi haluꞌa tiꞌan ka? Baa oras nia, emi libur hola tubi resin sia, nakonu koꞌe hira?” Sia nataa naꞌak, “Koꞌe sanulu resin rua Ama!”

Lukas 9:13

Mais Yesus nataa naꞌak, “Nuneꞌe! Emi mak musti hahaan sia!” Mais sia sakar naꞌak, “Adeei, Ama! Oin nuꞌu saa bele nunia? Ema neꞌe sia rihun lima resin! Nia foin mane dei, sei la sura feto no lawarik dauk! Itakaan tubi moos, baluk lima dei. Naꞌan tasi moos, lolon rua dei. Neꞌe la toꞌo! Kalo Ama nakara ami hahaan sia, nunabee ami bele sosa haan waꞌin bodik sia?!” Mais Yesus naruka sia naꞌak, “Haruka ema neꞌe sia tuur naklibur, sura klibur ema naꞌin lima nulu.”

Yohanis 11:21

Nasoru tiꞌan, Marta katak baa Yesus naꞌak, “Adeei, Ama Boot! Kalo Ama iha neꞌe, nanis haꞌukaan alin la mate.

Yohanis 11:32

Toꞌo fatin nia baa, Maria naree Yesus, hotu nia nakniꞌa iha Yesus ain nodi katak naꞌak, “Adeei, Ama Boot! Kalo Ama iha neꞌe, nanis haꞌukaan alin la mate.”

Yohanis 21:10

Hotu Yesus katak baa sia naꞌak, “Hodi mai naꞌan tasi lolon hira mak emi foin hetan nia, nebee tunu atu hodi haa.”

Yohanis 21:13

Hotu, Yesus nola tubi no naꞌan tasi, foo baa sia.

Yohanis 21:9

Toꞌo baa, sia naree haꞌi lutan noꞌi laka iha nia. Iha haꞌi leten noo naꞌan tasi. Iha nia moos noo tubi.

Yohanis 6:11

Yesus nola tubi nia sia, hotu namulak nodi sera dodan baa Naꞌi Maromak. Hotu Nia faꞌe baa maktuir sia, nebee faꞌe baa ema lear nia. Nunia moos naꞌan tasi nia. Faꞌe hotu, ema hotu-hotu naa toꞌo bosu.

Yohanis 6:7

Hotu Filipus nataa naꞌak, “Aikee Ama! Masik badaen kansera loron atus rua moos, sei la toꞌo dauk hodi sosa tubi bodik ema neꞌe sia hotu-hotu! Masik ema ida netan loos rohan ida moos, sei la toꞌo dauk!”

2 Korintus 8:9

Emi hatene tiꞌan, itakaan Naꞌin Yesus Kristus natudu laran diꞌak baa emi. Uluk, Nia nuꞌu ema maksoin. Mais Nia boi namukit aan, nebee nasoi emi.

Lia Raiklaran Falu Fila 6:6

Hotu, haꞌu krona hanesan lia maliak ida mai nosi buat horis kasalak matan haat nia klaran. Lia maliak nia katak naꞌak, “Rai salaen boot ida atu mosu iha raiklaran. Toꞌo ema kansera loron ida, hodi sosa loos foos sasukat tolu dei. Kalo foos diꞌak, hetan loos sasukat ida dei. Mais, oras rai salaen toꞌo, ema la bele nahaat ai saitun no ai anggor iha toꞌos.”