Yohanis 5:25 - Tetun

²⁵ Haꞌukaan dalen neꞌe, tebes no loos: la kleur ona, ema mak mate tiꞌan sia atu rona Haꞌukaan lian, tan Haꞌu neꞌe, Naꞌi Maromak Oan. Tuir loos, oras nia toꞌo mai tiꞌan. Ema mak rona Haꞌukaan lian, sia netan moris nima-nimak.

Yohanis 5:25 ပူးပေါင်းရင်းမြစ်များ

Lukas 15:24

Tan haꞌukaan oan neꞌe, nuꞌu mate tiꞌan, mais oras neꞌe moris nikar. Nia lakon tiꞌan, mais oras neꞌe, ketan kikar tiꞌan.’ Aman dale notu nunia, sia nahuu nadahur bele-bele.

Lukas 15:32

Oras neꞌe, ita musti hadahur, tan okaan alin mesak neꞌe. Uluk, nuꞌu nia mate tiꞌan, mais oras neꞌe nia moris nikar tiꞌan. Nia lakon tiꞌan, mais oras neꞌe ita hetan hikar tiꞌan.’ ”

Lukas 9:60

Mais Yesus dale baa nia naꞌak, “Nuneꞌe! Mabusik ema mak la fiar Maromak, babilan siakaan ema maten. Mais emi mak fiar baa Maromak, musti baa katak lia nosi Nia babilan hutun-renun.”

Yohanis 13:1

Loron boot Paska sei la nahuu dauk, Yesus natene kedan Niakaan oras toꞌo tiꞌan atu laꞌo nela raiklaran neꞌe, fila nikar baa Aman iha laleꞌan. Mais Nia nadomi basuk Niakaan ema sia iha raiklaran, toꞌo latan to-tomak Niakaan moris bodik sia.

Yohanis 17:1

Yesus dale notu nunia, Nia tanaat baa laleꞌan, hotu namulak naꞌak: “Ama. Haꞌukaan oras toꞌo tiꞌan, nebee Ama foti-nahaas Haꞌu. Haꞌu neꞌe, Ama Oan. Ama latan beran tiꞌan baa Haꞌu atu kbabilan ema hotu-hotu iha raiklaran neꞌe. Hodi nunia, Haꞌu kbele foo moris loos toꞌo nima-nimak baa ema hotu-hotu mak Ama latan tiꞌan, dadi baa Haꞌukaan ema. Oras neꞌe, Haꞌu kusu nebee Ama foti-nahaas Haꞌu, nebee Haꞌu moos bele katudu Ama Niakaan kabaas.

Yohanis 4:21

Yesus nataa naꞌak, “Bii, fiar Haꞌu. Loꞌu-sudur baa Naꞌi Maromak iha foho neꞌe ka, iha Yerusalem ka, nosi ikus lia nia la noo folin.

Yohanis 4:23

Toꞌo baa niakaan oras, ema mak loꞌu-sudur baa itakaan Ama tuir hanorin loos, sia atu loꞌu-sudur baa Nia nodi beran nosi Niakaan Kmalar Lulik. (Tuir loos, oras nia toꞌo tiꞌan.) Ema mak loꞌu-sudur oin nunia, mak Ama iha laleꞌan nakara.

Yohanis 5:21

Haꞌukaan Ama bele nalo ema mak mate tiꞌan moris nikar. Nunia moos, Haꞌu kbele foo moris nima-nimak baa se-see dei, tuir Haꞌukaan hakara.

Yohanis 5:28

Keta blaar, tan la kleur ona, ema hotu-hotu mak mate tiꞌan atu rona Haꞌukaan lian.

Yohanis 6:60

Baa oras nia, ema waꞌin tuir Yesus tiꞌan. Mais oras sia rona Niakaan hanorin nia, balu dale naꞌak, “Hanorin nia nalo ami blaar, tan todan basuk! La noo mak atu simu!”

Yohanis 8:43

Mais tan emi la hoꞌuk simu Haꞌukaan hanorin, nanis emi la kohi hola Haꞌukaan dalen nia.

Yohanis 8:47

Nuneꞌe. Ema mak nanono baa Maromak Manfatin, nia mak Naꞌi Maromak oan. Mais, tan emi la hanono baa Haꞌu, neꞌe naꞌak, emi lahoos Niakaan oan.”

Yohanis 9:27

Nia nataa naꞌak, “Hoi! Ohin nia haꞌu kdale tiꞌan, mais emi la hoꞌuk rona. Tan saa emi haruka haꞌu kdale kikar tenik? Arumak, ama sia moos nakara dadi baa Niakaan maktuir ka?”

Roma 6:4

Baa oras Kristus mate, ema nakoi Nia. Oras ita simu sarani, hanesan ita moos mate, hotu ema nakoi ita. Lia nia natetek naꞌak, ita la talin malu tenik ho itakaan moris tuan ona. Mais hanoin, tan Kristus la nein iha mate fatin. Ama Maromak nodi Niakaan beran boot nalo Nia moris nikar nosi mate, no foo moris foun baa Nia. Nunia moos, Ama Maromak nodi Niakaan beran foo moris foun no lisan foun baa ita.

Efesus 2:1

Uluk, Naꞌi Maromak nafoli emi hanesan ema mak mate tiꞌan, tan emi hakur Niakaan ukun hodi halo sala oi-oik.

Efesus 5:14

Nunia moos, lia aat mak ema subar. Kalo kona kroman, nanis ema bele natene naꞌak, hahalok nia, hahalok aat. Noo kananuk ida naꞌak, “Hei! Emi mak toba, hadeer ona! Emi mak mate, moris hikar ona! Tan Kristus beer atu naroma emi.”

Kolose 2:13

Uluk, nuꞌu emi mate tiꞌan, tan emi halo sala no emi sei la dadi dauk baa Naꞌi Maromak eman. Masik nunia moos, Nia kasu mohu emikaan salan hotu-hotu, nodi foo moris foun baa emi, hanesan Nia moos foo moris foun baa Kristus baa oras nalo Nia moris nikar.

Lia Raiklaran Falu Fila 3:1

Hotu, Ema Raiklaran Isin nia dale natutan tenik baa haꞌu naꞌak, “Yohanis, dala ida neꞌe o musti makerek tenik hakerek ida. Hakerek nia lian nuneꞌe: ‘Bodik ema sarani sia iha kota Sardis: Hakerek neꞌe nosi Haꞌu, mak Yesus. Haꞌu ukun kodi Maromak Kmalar Lulik mak hanesan kmalar hitu. Haꞌu moos kaer fitun matan hitu kodi Haꞌukaan liman. Hanono Haꞌu kdale neꞌe. Karee tiꞌan emikaan hahalok iha Sardis nebaa. Ema dale naꞌak, emi moris tuir Haꞌukaan beer. Mais tuir loos, emikaan hahalok la fatan no ema mak moris foun.