Yohanis 21:18 - Tetun

¹⁸ O kohi tiꞌan Haꞌukaan dalen neꞌe ka, sei? Rona, tan Haꞌukaan dalen neꞌe tebes no loos. Uluk, baa oras o sei nurak, loron-loron o tau tais modi meti bolas duꞌuk, hotu laꞌo baa nabee dei, tuir okaan hakara. Mais, nosi ikus, kalo o katuas tiꞌan, o atu lolo liman baa ema. Hotu, sia kesi o, dada nodi o baa fatin ida mak o la moꞌuk baa.”

Yohanis 21:18 ပူးပေါင်းရင်းမြစ်များ

Lukas 12:37

Kalo uma naꞌin naree sia daka nunia, sia nanis sotir, tan uma naꞌin atu natudu laran diꞌak baa sia. Rona, tan Haꞌukaan dalen neꞌe, tebes no loos! Uma naꞌin nia atu nalo aan nuꞌu ata, hotu naliku sia nodi haan midar.

Yohanis 13:36

Nunia hotu, Simon Petrus nusu baa Yesus naꞌak, “Ama Boot atu baa nabee?” Yesus nataa naꞌak, “Haꞌu atu kbaa fatin ida mak oras neꞌe, o sei la bele baa dauk. Mais nosi ikus, o moos bele baa.”

Yohanis 21:17

Hotu, Yesus nusu tenik naꞌak, “Simon, Yohanis oan. Nunabee? O neꞌe, Haꞌukaan belun ka?” Rona nola nunia, Petrus neon susar kedas, tan Yesus nusu isin tolu tiꞌan naꞌak, “O madomi Haꞌu ka lale?” Hotu, nia nataa naꞌak, “Ama Boot natene lia hotu-hotu. Dadi, Ama Boot natene duꞌuk haꞌak, haꞌu neꞌe, Ama belun.” Hotu, Yesus naruka tenik naꞌak, “Kalo nunia, maliku modi mahaan Haꞌukaan bibi malae sia.

Yohanis 21:19

(Hodi nunia, Yesus katak kedan nosi dalan oin nunabee Petrus atu mate. Tan nosi ikus, Petrus niakaan dalan mamaten, atu nodi natudu Naꞌi Maromak Niakaan kabaas.) Nunia hotu, Yesus katak baa Petrus naꞌak, “Mai tuir Haꞌu, dadi baa Haꞌukaan ema ona!”

Kristus Klosan Lian 21:11

Oras nia nasoru ami, nia nola Paulus bolas, hotu kesi ain-liman duꞌuk nodi katak naꞌak, “Naꞌi Maromak Kmalar Lulik naꞌak, ‘Bolas neꞌe naꞌin, atu netan susar. Ema Yahudi sia atu kesi bobar nia nuneꞌe iha Yerusalem. Hotu sia atu latan nia baa ema lahoos Yahudi liman.’ ”

2 Korintus 5:4

Baa oras ita sei hein iha isin lolon mak bele dodok neꞌe, ita hakroꞌan, tan horan susar todan. Masik nunia moos, ita la hoꞌuk mate hela itakaan isin lolon. Lale! Ita hoꞌuk habusik hela isin lolon tuan, seluk kedan hodi moris foun iha laleꞌan.