Yohanis 20:28 - Tetun

²⁸ Rona nola nunia, Tomas nataa naꞌak, “Aikee, Ama! Haꞌu kfiar tebes tiꞌan! Ama neꞌe, Haꞌukaan Ulun. Ama moos Haꞌukaan Maromak!”

Yohanis 20:28 ပူးပေါင်းရင်းမြစ်များ

Mateus 14:33

Naree nola nunia, Niakaan maktuir sia foti tonu-naboot Nia naꞌak, “Aikee! Ama neꞌe, tebe-tebes Naꞌi Maromak Oan!”

Lukas 24:52

Titu-naree nunia, sia hotu-hotu nakniꞌa nodi loꞌu-sudur baa Nia. Nunia hotu, sia fila baa Yerusalem nodi neon boot lo-loos.

Yohanis 1:1

Uluk fohon, Naꞌi Maromak Manfatin iha kedan tiꞌan. Manfatin nia, manesak no Ema ida. Nia namutuk no Naꞌi Maromak. Nia duꞌuk moos Naꞌi Maromak.

Yohanis 20:16

Maria dale nunia, Yesus moos bolu nia nodi temi naꞌak, “Maria.” Rona nola nunia, Maria fila baa Yesus, hotu katak nodi lia Aram naꞌak, “Raboni!” (Lia isin naꞌak, “Haꞌukaan manorik!”)

Yohanis 20:27

Hotu Nia katak naꞌak, “Tomas! Lolo liman mai, koko kanek iha Haꞌukaan liman neꞌe, no kanek iha Haꞌukaan sorin neꞌe. Keta makerat, mais fiar ona maꞌak, Haꞌu kmoris kikar tiꞌan!”

Yohanis 20:29

Hotu, Yesus katak naꞌak, “Tomas! O fiar tan o maree Haꞌu modi matan duꞌuk. Mais sotir liu tenik bodik ema mak fiar, masik sia la naree Haꞌu nodi matan duꞌuk.”

Yohanis 20:31

Lia mak kakerek iha neꞌe, kakerek nebee emi bele fiar haꞌak, Yesus nia, Kristus mak Naꞌi Maromak nameno kedan tiꞌan atu solok mai. Yesus moos, Naꞌi Maromak Oan. Kalo emi fiar baa Nia, emi hetan moris toꞌo nima-nimak, tan emi dadi Niakaan ema tiꞌan.

Yohanis 5:23

Haꞌukaan Ama nakara, nebee ema hotu-hotu nakneter Haꞌu, nudaar sia nakneter Nia. Ema mak la nakneter Haꞌu, mak Ama Oan neꞌe, ema nia moos la nakneter Ama mak solok Haꞌu kmai.

1 Timotius 3:16

Naꞌi Maromak loke tiꞌan lia funin boot nosi itakaan fiar. Itakaan fiar tatuur nia, nuneꞌe: Kristus namaan aan mai iha raiklaran neꞌe, nola ema raiklaran ilas hanesan ita. Maromak Kmalar dadi saksiin naꞌak, Yesus neꞌe, Ema Moon. Maromak Niakaan makbukar laleꞌan sia naree Nia tiꞌan. Niakaan Lia keke lema tiꞌan, toꞌo baa ema iha fatin hotu-hotu. Iha rai hotu-hotu ema fiar Nia tiꞌan. Naꞌi Maromak foti saꞌe Nia baa laleꞌan, hotu Nia nabesi aan iha fatin kneter. Itakaan fiar tatuur mak nia.