Yohanis 19:14 - Tetun

¹⁴ Loron nia, Loron Hadiꞌa Aan baa Dahur Paska. Takseer loro natetu, gubernur katak baa ema Yahudi sia naꞌak, “Mana ona! Nia neꞌe, emikaan naꞌin!”

Yohanis 19:14 ပူးပေါင်းရင်းမြစ်များ

Mateus 27:45

Nunia hotu, nakukun luri taka nola rai nia nosi loro natetu toꞌo tuku tolu loro malirin.

Mateus 27:62

Awan, kona baa ema Yahudi siakaan loron hamulak, naꞌilulik ulun sia no ema Farisi sia baa nasoru gubernur.

Markus 15:42

Baa oras nia, noo ema boot ida naran Yusuf nosi leo Arimatea. Nia tuur iha moon-metan Yahudi. Nia ema laran diꞌak mak noꞌi nei-nein Naꞌi Maromak kaer ukun. Natene nola Yesus mate tiꞌan, nia buka dalan atu natuun Yesus maten nosi ai karuus. Yesus mate nia, kona baa loron lima. Awan, kona baa ema Yahudi siakaan loron hamulak. Tan lia nia, oras loro atu monu baa loron lima nia, Yusuf nakbiit neon baa nusu kedan Yesus maten nosi gubernur Pilatus.

Lukas 23:44

Baa oras nia, loro natetu tiꞌan. Mais loro matan la laka. Nakukun luri taka nola fatin nia, toꞌo tuku tolu loro malirin. Iha Uma Hamulak Huun noo tais odamatan belar, mak naꞌilulik sia nodi heli Naꞌi Maromak Keꞌan Lulik Kaliuk. Teki-tekis, tais odamatan nia naksira faꞌe baa rua.

Lukas 23:54

Yesus mate nia, kona baa loron lima. Baa oras sia nakoi Yesus, loro malirin tiꞌan. Kalo loro monu ona, ema Yahudi siakaan loron hamulak nahuu ona.

Yohanis 19:42

Tan loron lulik kreꞌis mai ona, sia lai-lais nodi Yesus maten baa rai iha nia.

Yohanis 19:5

Baa oras Yesus sai, Nia sei tau sabeo tarak nia, no faru klobor nia. Hotu, gubernur katak baa ema waꞌin nia naꞌak, “Mana mai! Nia mak neꞌe.”