Yohanis 17:15 - Tetun

¹⁵ Haꞌu la kusu Ama foti sai Haꞌukaan ema neꞌe sia nosi raiklaran. Mais Haꞌu kusu Ama daka sia, nebee nadook aan nosi aꞌaat huun.

Yohanis 17:15 ပူးပေါင်းရင်းမြစ်များ

Lia Uluk Fohon 48:16

Maromak sori haꞌu tiꞌan nosi maufinu oi-oik. Tan lia nia, haꞌu moos kaloon, nebee Nia natuun matak-malirin baa oan neꞌe sia no siakaan husar-binan. Hanoin. Kalo sia namulak baa Maromak, sia keta naluꞌa temi bei Abraham naran, no bei Isak naran no haꞌukaan naran! Hodi nunia, siakaan husar-binan hetak waꞌin tuꞌan, dadi klubun boot iha raiklaran neꞌe!”

Mateus 5:37

Kalo o makara mamate menon, katak dei maꞌak, ‘Tebes’. Kalo la makara, katak dei maꞌak ‘Lale’. Kalo maꞌak liu tan tenik, lia nia nahabut baa diabu.”

Mateus 6:13

Daka ami nebee ami keta halo aat. Sori ami mosi diabu niakaan aꞌaat. [Tan Ita Boot beran kaliuk, makaꞌas kaliuk. Ita Boot mak kaer ukun hori nima-nimak toꞌo nima-nimak. Nunia tebes. Amen.]’

Lukas 11:4

Nebee, Ama naluꞌa lakon amikaan salan sia, hanesan ami moos haluꞌa lakon ema salan baa ami. Nebee, Ama daka ami, keta monu baa aat.”

Lukas 22:32

Mais Haꞌu kamulak bodik o, Petrus, nebee o fiar Haꞌu bei-beik. Kalo o fila mikar mai Haꞌu tiꞌan, o musti makbiit mamaluk sia neon.”

Galatia 1:4

Kristus latan isin lolon toꞌo mate nebee kasu mohu itakaan salan no nasai ita nosi aꞌaat raiklaran. Lia nia sia hotu-hotu tuir Ama Maromak hakaran.

2 Tesalonika 3:3

Tan Naꞌi Maromak kaer Niakaan mamenon, ami fiar haꞌak, Nia atu nakbiit emi no lituk emi nosi aꞌaat.

2 Timotius 4:8

Oras neꞌe, haꞌu ksei kein simu fafaꞌek mak itakaan Naꞌin rai nela bodik ema mak moris loos. Nia atu tetu ema hotu-hotu moris nodi moon. Toꞌo niakaan oras, nanis Nia latan fafaꞌek nia baa haꞌu. Mais lahoos baa haꞌu kmesan dei. Nia moos latan baa ema hotu-hotu mak nadomi Nia, no nein Niakaan mamain.

1 Yohanis 5:18

Ema mak talin malu no Naꞌi Maromak moris la nalo sala ona, tan Naꞌi Maromak Oan daka sia. Diabu ulun mak aꞌaat huun moos la bele natoba nola sia.

1 Yohanis 5:19

Ita hatene, ita neꞌe talin malu ho Naꞌi Maromak. Mais ita moos hatene, diabu ulun mak aꞌaat huun noo beran atu babilan ema hotu-hotu iha raiklaran.