Yohanis 16:20 - Tetun

²⁰ Diꞌak, kalo emi hakara hatene nunia. Mais rona mai, tan Haꞌukaan dalen neꞌe, tebes no loos: emi atu neon susar toꞌo tanis. Mais ema seluk iha raiklaran neꞌe atu neon diꞌak. Masik emikaan neon susar nunia moos, atu diꞌak nikar.

Yohanis 16:20 ပူးပေါင်းရင်းမြစ်များ

Mateus 21:38

Mais baa oras ema serwisu sia naree nola oan nia, sia moos dale baa malu naꞌak, ‘Mana lai! Katuas solok oan duꞌuk. Nia mak atu simu katuas sasoin hotu-hotu. Diꞌak liu ita hoꞌo nia ona, nebee hola toꞌos neꞌe baa ita.’

Mateus 5:4

Ema mak laran susar sia, sia sotir, tan Naꞌi Maromak duꞌuk namaus sia.

Markus 14:72

Oras Petrus katak nunia, manu moos kokoreek isin rua. Rona nola nunia, Petrus nanoin nola Yesus lia fuan ohin nia naꞌak, “Manu sei la kokoreek isin rua dauk, o meli Haꞌu isin tolu tiꞌan maꞌak, o la matene Haꞌu.” Nanoin nola nunia, Petrus moos tanis no aan.

Markus 16:10

Naree notu Yesus, Maria moos baa kedan katak baa ema hotu-hotu mak uluk tuir Yesus. Sia sei naklibur nodi neon susar no tanis, tan Yesus Niakaan mate.

Lukas 22:45

Namulak notu, Yesus nariik baa matan Niakaan maktuir sia. Mais Nia netan sia toba dukur, tan sia kole no neon susar.

Lukas 22:62

Nanoin nunia, Petrus sai nosi lalawar nia nodi tanis nadeꞌun aan.

Lukas 23:27

Baa oras nia, ema lear mai nobun Yesus. Naree Yesus nunia, feto sia tanis nadeꞌun aan.

Lukas 24:17

Hotu Yesus nusu baa sia naꞌak, “Emi hoꞌi dale saa?” Rona nola nunia, sia oin tuun kedas, hotu sia nariik.

Lukas 24:21

Uluk fohon ami hotu-hotu haloon, nebee Nia mak Kristus. Tan kleur tiꞌan ami hein Kristus mai atu nabusik amikaan ema nosi ukunrai Roma mak tonan ami. Mais loron lima foin dau-dauk neꞌe, sia noꞌo Nia tiꞌan.

Lukas 6:21

Ema salaen sia! Emi hetan sotir, tan Naꞌi Maromak atu naliku emi toꞌo bosu. Ema mak tanis no neon susar sia! Emi hetan sotir, tan emi atu hanasa no neon diꞌak.

Yohanis 16:33

Haꞌu katak tiꞌan lia neꞌe sia baa emi, nebee emikaan neon diꞌak no neon manek, tan emi talin aan ho Haꞌu. Ema iha raiklaran neꞌe atu tonan no nasusar emi. Mais hakbiit emikaan neon, tan Haꞌu katoba kola tiꞌan beran raiklaran neꞌe hotu-hotu!”

Yohanis 16:6

Haꞌukaan dalen neꞌe, nasusar emi tebes.

Yohanis 20:20

Hotu, Yesus natudu kanek fitar iha liman no sorin baa sia. Naree siakaan Ulun nunia, maktuir sia neon boot lo-loos.

Kristus Klosan Lian 5:41

Kristus klosan sia moos sai nela moon-metan nia. Masik sia netan naran aat tan tuir Yesus moos, sia neon diꞌak, tan Naꞌi Maromak nafoli sia bele netan susar nunia.

Roma 5:11

Lahoos nia dei! Ita moos bele neon boot tan oras neꞌe ita talin malu hikar ho Naꞌi Maromak tiꞌan. Lia nia bele dadi, tan itakaan Naꞌin Yesus Kristus mate selu nola ita.

2 Korintus 6:10

Masik ami horan todan moos, ami neon boot nohuun. Masik ami la hoo osan moos, ami hasoi ema waꞌin neon. Nuꞌu ami neꞌe la hoo sa-saa, mais tuir loos, ami hoo hotu sa-saa.

Galatia 5:22

Mais, kalo ita moris tuir Kmalar Lulik beer, itakaan hahalok nuneꞌe: ita hadomi ema, ita neon boot, ita hakara dame, ita heti neon, ita laran diꞌak, ita tulun ema, ita kaer mamenon,

1 Tesalonika 1:6

Tan baa nia, emi boi tuir dalan nia, hodi tuir amikaan knaninuk no Naꞌi Yesus knaninuk. Masik ema nasusar emi tan lia nia sia, emi la kakoen, tan Kmalar Lulik haboot emikaan neon.

Yakobus 1:2

Haꞌukaan mamaluk sia! Haꞌu kakara katak lia nuneꞌe: kalo hetan susar oi-oik, keta neon kiꞌik. Simu hodi neon boot, tan noo folin.

Yudas 1:24

Tonu-haboot Naꞌi Maromak! Tan Nia mak noo beran atu lituk ita, nebee ita la hakloti. Nia mak noo beran atu nalaꞌo ita, nebee ita hariik iha Niakaan oin, la hoo sala ona, la sasobo ona. Ita neon boot lo-loos hariik iha Niakaan oin, hodi haree Niakaan ahar maksinak.

Lia Raiklaran Falu Fila 11:10

tan sia beer basuk nobun maten rua nia. Tan uluk, ema rua nia nasusar ema hotu-hotu iha raiklaran. Dadi, ema nadahur bele-bele maten nia sia, nodi foo parsen baa malu.

Lia Raiklaran Falu Fila 18:7

Sia naboot aan. Sia nahaas aan. Sia beer loos moris kabaas dei. Sia nakara loos midar dei. Tan lia nia, sia musti moris susar. Sia musti neon susar. Uluk, sia dale loko aan nuꞌu feto dalan aat naꞌak, ‘Haꞌu neꞌe, Ina Naꞌi! Haꞌu la kdadi feto faluk kois! Haꞌu la ktanis karoꞌan aan kois. Haꞌu la ktau hene metan kois.’