Yohanis 15:6 - Tetun

⁶ Ema mak la talin aan baa Haꞌu, nia hanesan ai sorun mak la nafua. Ai sorun oin nunia, nanis toꞌos naꞌin tesi kotu, nabusik dadi maran, hotu foti soe baa haꞌi.

Yohanis 15:6 ပူးပေါင်းရင်းမြစ်များ

Mateus 13:41

Haꞌu neꞌe, Ema Raiklaran Isin, mak atu solok makbukar laleꞌan sia mai. Sia atu baa libur nola ema hotu-hotu mak la tuir Naꞌi Maromak ukun. Sia moos libur nola ema hotu-hotu mak sokur ema seluk, nebee keta tuir Naꞌi Maromak ukun.

Mateus 27:5

Hotu Yudas soe lerek osan nia iha Uma Hamulak Huun laran. Hotu nia sai, baa nisa aan toꞌo mate.

Mateus 3:10

Sintidu! Noo ema mak kaer nola baliun tiꞌan. Nia nadiꞌa aan atu nuꞌan ai huun hotu-hotu mak la nasai fuan diꞌak. Nuꞌan notu, soe baa haꞌi.

Mateus 7:19

Ai huun mak nafua fuan aat, nanis ema mai nuꞌan nola, soe baa haꞌi.

Yohanis 15:2

Ai huun neꞌe, sorun waꞌin. Sorun mak la nafua, toꞌos naꞌin taa kotu hotu soe. Sorun mak nafua, toꞌos naꞌin namoos nodi tesi nabadak, nebee hetak nafua.

Ibrani 10:27

Kalo ita taliꞌur nunia, ita hein hodi hataꞌuk, keta arumak Naꞌi Maromak namaan aan mai atu natuun kastikar baa ita. Haꞌi naraka mak laka makaꞌas, tetuk tiꞌan atu nadodok mohu ema hotu-hotu mak sakar Nia.

2 Petrus 2:20

Kalo ema nakara sasin hosi lia aat mak nalo ita sasobo iha raiklaran, sia musti kreꞌis ho itakaan Naꞌin no itakaan Maksorin Yesus Kristus. Mais kalo ema nakiduk nosi Kristus, hotu tatalik nikar baa lia aat, neꞌe naꞌak, sia dadi ata baa lia aat. Hotu, sia moris susar todan tenik!

1 Yohanis 2:19

Maksakar nia sia mai nosi itakaan klaran. Mais sia lahoos itakaan ema. Kalo sia tebe-tebes itakaan ema, sia la laꞌo nela ita. Mais tan sia laꞌo nela ita, malorek tiꞌan, sia lahoos itakaan ema.

Lia Raiklaran Falu Fila 21:8

Mais, ema seluk sia atu kona soe baa tasi haꞌi fatuk lobot mak laka la nakotu. Sia mak, ema taꞌuk teen, ema mak seꞌi kotuk baa Yesus, ema lisan aat, ema mahalo lia kfoꞌer, ema mahoꞌo ema, ema mak loꞌu-sudur baa aiꞌoi lulik, ema mak nakneko ema, no ema tolek teen. Sia hotu-hotu atu kona kastikar soe baa tasi haꞌi nia. Kastikar nia naꞌak ‘Mate Dala Rua.’ ”