Yohanis 14:6 - Tetun

⁶ Yesus katak naꞌak, “Haꞌu neꞌe, dalan baa Naꞌi Maromak. Haꞌu neꞌe, mak kaer hanorin loos. Haꞌu neꞌe, mak foo moris loos baa ema. La noo dalan seluk mak nodi ema baa Ama, Haꞌu kmesan dei.

Yohanis 14:6 ပူးပေါင်းရင်းမြစ်များ

Mateus 11:27

Namulak notu nunia, Yesus katak baa ema iha nia sia naꞌak, “Rona diꞌa-diꞌak! Haꞌukaan Ama iha laleꞌan latan beran hotu-hotu baa Haꞌu. Haꞌukaan Ama mesan dei mak natene diꞌa-diꞌak Haꞌu. Haꞌu neꞌe, Niakaan Oan. Haꞌu mesan dei katene diꞌa-diꞌak Nia. Mais Haꞌu kboi ema atu katak nalore baa sia nosi Haꞌukaan Ama, nebee sia moos bele natene diꞌa-diꞌak Nia.

Yohanis 1:14

Naꞌi Maromak Manfatin dadi baa ema raiklaran. Nia tuur heik iha itakaan klaran. Ita hobun Niakaan kabaas, tan Nia, Naꞌi Maromak Oan mesak mak kabaas manesak no Aman. Nia natudu laran diꞌak baa ita, tan lisan nunia tebes. Nia nanis tebes no loos.

Yohanis 1:17

Uluk aan, itakaan bei uluk sia simu Ukun-badu nosi Bei Musa. Mais oras neꞌe, ita simu matak-malirin no hanorin loos nosi Yesus Kristus.

Yohanis 1:4

Nia, mak Moris Huun. Nia moos, Kroman maksinak naroma ema neon.

Yohanis 10:28

Haꞌu kfoo moris nima-nimak baa sia. Neꞌe naꞌak, sia la naksasa kedas nosi Naꞌi Maromak. La noo ema ida kois mak bele nadau nola sia nosi Haꞌu.

Yohanis 10:7

Hotu Yesus dale tenik naꞌak, “Rona, tan Haꞌukaan dalen neꞌe, tebes no loos. Haꞌu neꞌe, nanokar iha bibi malae lalutuk.

Yohanis 10:9

Tebes. Haꞌu neꞌe, mak nanokar. Ema mak tama tuir Haꞌu, netan moris. Sia dadi hanesan bibi malae mak tama-sai atu buka haa-hemun.

Yohanis 14:19

La kleur falik, ema seluk iha raiklaran neꞌe la naree Haꞌu ona. Mais emi haree Haꞌu. Emi atu moris, tan Haꞌu kmoris kikar.

Yohanis 15:1

Hotu, Yesus dale tenik naꞌak, “Haꞌu neꞌe, mak ai anggor huun malolok. Haꞌukaan Ama, mak toꞌos naꞌin.

Yohanis 18:37

Hotu gubernur nusu nikar naꞌak, “Dadi, O neꞌe, naꞌin tebes ka lale?” Yesus nataa naꞌak, “Ama duꞌuk mak naꞌak Haꞌu neꞌe Naꞌin. Tuir loos, Haꞌu kmoris mai atu dadi Naꞌin. Haꞌu kmai iha raiklaran neꞌe atu kanorin hanorin loos. Ema hotu-hotu mak kaer metin hanorin loos nia, sia mak dadi Haꞌukaan renun.”

Yohanis 5:21

Haꞌukaan Ama bele nalo ema mak mate tiꞌan moris nikar. Nunia moos, Haꞌu kbele foo moris nima-nimak baa se-see dei, tuir Haꞌukaan hakara.

Yohanis 6:33

Tubi neꞌe, tuun mai nosi Naꞌi Maromak iha laleꞌan atu foo moris nima-nimak baa ema raiklaran.”

Yohanis 6:51

Tebes. Haꞌu neꞌe, Tubi mak nodi moris mak tuun mai nosi laleꞌan. Ema hotu-hotu mak naa Tubi nia, netan moris nima-nimak. Tan Haꞌu atu klatan Haꞌukaan isin lolon toꞌo mate, nebee ema raiklaran bele netan moris.”

Yohanis 6:57

Haꞌukaan Ama iha laleꞌan mak solok Haꞌu mai. Nia, mak moris huun. Haꞌu ketan moris loos kosi Nia. Etuk, ema mak naa Haꞌukaan isin, nia moos netan moris loos nosi Haꞌu.

Yohanis 6:68

Mais Simon Petrus nataa naꞌak, “Ama Boot! Ami atu baa see tenik? La noo ema seluk tenik mak bele katak baa ami hosi dalan nunabee ami bele hetan moris nima-nimak. Ita Boot mesan!

Yohanis 8:32

Hodi nunia, emi hatene hola hanorin loos. Hanorin loos nia moos sori nola emi nosi ata.”

Yohanis 8:51

Haꞌukaan dalen neꞌe, tebes no loos: ema mak nalo tuir Haꞌukaan hanorin, nia la mate, mais netan moris nima-nimak.”

Kristus Klosan Lian 3:15

Hodi nunia, emi hoꞌo Yesus, mak itakaan Moris Huun. Nia mate tiꞌan, mais Naꞌi Maromak nalo Nia moris nikar. Ami haree lia nia hodi matan duꞌuk.

Kristus Klosan Lian 4:12

Iha raiklaran tomak, la noo dalan seluk mak bele sori ita nosi sala. Dalan mesak dei! Neꞌe, mak Yesus. Kalo lahoos Nia, la noo seluk mak bele sori ita.”

Kristus Klosan Lian 9:2

atu nusu hakerek latan beran. Nia beer nodi hakerek nia foo baa uma hamulak ulun sia iha kota Damsik. Hodi nunia, kalo nia nasoru ema mak tuir Yesus dalan moris iha Damsik, nia bele kohi sia, hotu kesi nodi baa Yerusalem, nebee sia netan kastikar iha nia. Feto ka, mane ka, nia kohi luku.

Roma 15:16

baa oras foti haꞌu dadi baa Yesus Kristus ain-liman. Hotu, Nia naruka haꞌu kbaa keke Manfatin Diꞌak baa ema mak lahoos Yahudi sia. Kalaꞌok haꞌukaan serwisu neꞌe baa sia, hanesan naꞌilulik nalaꞌok niakaan serwisu atu foo sera baa Naꞌi Maromak. Hodi nunia, Kmalar Lulik nalo sia dadi moos, toꞌo Naꞌi Maromak simu sia.

Roma 5:2

Nia nalo nunia, nebee ita bele simu Naꞌi Maromak laran diꞌak, surak ita fiar baa Nia. Hodi nunia, itakaan fiar hetak biit. Ita moos neon boot, tan ita hatene haꞌak, ita bele horan Naꞌi Maromak Niakaan kabaas.

Roma 5:21

Uluk, aꞌaat mak iha ema neon laran ukun sia, toꞌo sia nalo sala mak nodi sia baa mate. Mais oras neꞌe, Naꞌi Maromak mak ukun ita, nodi natudu laran diꞌak baa ita. Nia naloos ita no foo moris nima-nimak baa ita, tan ita fiar baa itakaan Naꞌin Yesus Kristus.

1 Korintus 15:45

Ema raiklaran dala uluk mak manesak no ita, neꞌe mak Adam. Hakerek Moon naꞌak, “nia dadi ema mak moris nodi natene naneo no noran.” Mais noo ema ida ilas nuꞌu Adam mak beran boot kaliuk. Neꞌe mak Kristus. Niakaan Kmalar bele foo moris loos baa ema raiklaran.

Efesus 2:18

Neꞌe naꞌak, Kristus loke dalan tiꞌan nebee ami klubun Yahudi ho emi klubun seluk sia bele moris kreꞌis ho Ama Maromak, tan Kmalar Lulik natudu dalan mesak ida nia bodik ita.

Kolose 2:17

Lia oin nunia sia la noo folin. Lalatak dei! Lia malolok, mak Kristus.

Kolose 2:9

Masik Kristus dadi ema raiklaran hanesan ita, mais Naꞌi Maromak Niakaan makaꞌas hotu-hotu iha Kristus.

Kolose 3:4

Kristus moris iha emikaan neon laran, nodi nalo emi moris loos. Baa oras Nia namaan aan mai nikar, emi moos atu mosu mai hamutuk ho Nia. Lia neꞌe sia, makaꞌas tebes!

Ibrani 7:25

Nia bele sori ema hotu-hotu mak nakara mai baa Naꞌi Maromak nodi Niakaan naran. Tan Nia moris nohuun, Nia dadi itakaan Ema iha Naꞌi Maromak oin mak tulun ita nohuun.

Ibrani 9:8

Naꞌi Maromak nodi Niakaan Kmalar Lulik atu nalore baa ita naꞌak, kalo tais odamatan nia sei neli dalan tama baa Keꞌan Lulik Kaliuk nia, neꞌe naꞌak, ukun tuan sei nafati. Ema raiklaran la bele tama baa nariik iha Naꞌi Maromak oin.

1 Petrus 1:21

Tan Kristus Niakaan hahalok nia, emi bele diꞌa-diꞌak ho Naꞌi Maromak. Nia mak nalo Kristus moris nikar, nodi foti-nahaas Kristus, nebee emi bele fiar hodi haloon baa Nia.

1 Petrus 2:4

Emi musti talin aan ho Kristus, tan Nia nuꞌu fatuk ida mak foo moris. Badaen sia foti soe fatuk nia, tan sia naneo, fatuk nia folin lalek. Mais Naꞌi Maromak nafoli kaliuk fatuk nia, nodi boi nola dadi baa fatuk tatuur mak folin kaliuk.

1 Petrus 3:18

Kristus mate dala ida dei, atu kasu nola ema raiklaran salan. Nia mak moris loos, mate bodik ema mak moris kaleꞌuk aan. Nia mate, nebee emi bele diꞌak hikar no Naꞌi Maromak. Nia, ema raiklaran mak bele mate nuꞌu ita. Ema noꞌo Nia, mais Maromak Kmalar nalo Nia moris nikar.

1 Yohanis 1:8

Kalo ita dale haꞌak, “Ita la hoo sala,” neꞌe naꞌak, ita tolek aan no la hatene hanorin loos.

1 Yohanis 2:23

Kalo ema ida dudu sees Ama Maromak Oan, ema nia la talin malu no Ama Maromak. Mais kalo ema ida simu Ama Maromak Oan, ema nia talin malu no Ama Maromak.

1 Yohanis 5:20

Ita hatene, Naꞌi Maromak Oan mai atu nakroma itakaan neon, nebee ita bele hatene Maromak mak loos. Oras neꞌe ita bele kreꞌis ho Nia, tan ita kreꞌis ho Oan, Yesus Kristus. Yesus Kristus moos Maromak mak loos. Nia mak foo moris nima-nimak baa ita.

1 Yohanis 5:6

Yesus tebe-tebes Kristus, Naꞌi Maromak Oan mak Nia solok mai iha raiklaran neꞌe. Baa oras Yesus atu nalaꞌo Niakaan serwisu, Yohanis sarani Nia nodi wee. Nosi ikus, Nia mate nodi naduar raan. Hodi nunia, ita hatene malorek haꞌak Yesus neꞌe, tebe-tebes Kristus. Lahoos ita hatene tan wee dei, mais ita moos hatene tan raan nia. Naꞌi Maromak Kmalar moos natebes nunia. No Naꞌi Maromak Kmalar nia, hanorin loos huun.

2 Yohanis 1:9

Ema mak sees nosi Kristus hanorin, nia la talin malu no Naꞌi Maromak. Mais ema mak kaer metin hanorin nia, ema nia talin malu no Naꞌi Maromak no Oan Yesus Kristus.

Lia Raiklaran Falu Fila 1:5

Haꞌu moos kusu moris manek no dame kosi Yesus Kristus. Nia katak malorek lia hotu-hotu mak Naꞌi Maromak katak tiꞌan baa Nia. Uluk, Nia mate, mais Naꞌi Maromak nalo Nia moris nikar, nebee dadi ema dala uluk mak moris nikar nosi mate. Nosi ikus, Nia moos atu dadi Naꞌin baa naꞌin hotu-hotu iha raiklaran. Yesus raan nakduar toꞌo mate, tan Nia nadomi ita. Nodi mate, Nia loke dalan atu sori ita nosi itakaan salan.

Lia Raiklaran Falu Fila 19:11

Hotu, haꞌu kfoti oin, haꞌu ktitu-karee laleꞌan nakloke. Sarebak, karee kuda mutik matan ida nariik iha nia. Noo ema ida saꞌe kuda nia. Ema nia naran, “Ema Mak Kaer Metin Mamenon” no “Ema Mak Tebes no Loos”. Ema nia, oras nakotu lia, nia nakotu nalo loos. Oras baa natuda, nia baa nodi neon moon.

Lia Raiklaran Falu Fila 22:1

Nunia hotu, makbukar laleꞌan nia natudu baa haꞌu, mota ida mak ween nalo ema moris nohuun. Wee nia, moon nuꞌu lalenok. Mota nia suli sai nosi Naꞌi Maromak no Bibi Malae habesi aan fatin.

Lia Raiklaran Falu Fila 22:17

Maromak Kmalar Lulik tene naꞌak, “Mai neꞌe ona!” Sasudin feto nia moos bolu naꞌak, “Laꞌo mai ona!” Hotu-hotu mak rona moos tuir naꞌak, “Mai ona!” “Ema mak nanroo, mai nemu ona. Ema mak buka nemu wee mak nalo ema moris nima-nimak, mai nola ona! Ema bele nola wee nia hodi neok. Ema bele nemu wee nia hodi la selu.”

Lia Raiklaran Falu Fila 3:14

Hotu, Ema Raiklaran Isin nia moos dale natutan tenik naꞌak, “Yohanis, oras neꞌe, o musti makerek mola hakerek tatakan. Hakerek nia lian nuneꞌe: ‘Bodik ema sarani sia iha kota Laodikia: Hakerek neꞌe nosi Haꞌu, Yesus, mak ema temi naꞌak, ‘Loos Huun’. Haꞌu kdale lo-loos Maromak Manfatin. Lia hotu-hotu mak Naꞌi Maromak naseꞌi, huun nosi Haꞌu.

Lia Raiklaran Falu Fila 3:7

Hotu, Ema Raiklaran Isin nia dale natutan tenik naꞌak, “Yohanis, dala ida neꞌe o musti makerek mola tenik hakerek ida seluk. Hakerek nia lian nuneꞌe: ‘Bodik ema sarani sia iha kota Filadelfia: Hakerek neꞌe, nosi Haꞌu, mak Yesus. Haꞌu, mak moon no loos. Haꞌu moos mak kaer Naꞌi Daud sabin. Kalo Haꞌu kloke odamatan, la noo ema ida mak bele taka. Kalo Haꞌu ktaka, la noo ema ida mak bele loke.