Yohanis 14:23 - Tetun

²³ Yesus nataa naꞌak, “Nuneꞌe. Haꞌu katadu aan baa ema mak nadomi Haꞌu no nalo tuir Haꞌukaan hanorin. Haꞌukaan Ama moos nadomi ema nia. Hotu, Ami atu mai moris neon ida ho nia.

Yohanis 14:23 ပူးပေါင်းရင်းမြစ်များ

Lia Uluk Fohon 1:26

Hotu, Maromak katak tenik naꞌak, “Diꞌak liu, Ita haseꞌi ema tuir Itakaan ilas, nebee sia babilan naꞌan tasi iha tasi laran, manu iha leten, osa no lotuk hakiak no osa no lotuk seluk sia iha rai maran.”

Lia Uluk Fohon 11:7

Diꞌak liu, Ita tuun baa, tokar siakaan lian, nebee sia la bele natene malu lian.”

Yohanis 10:30

Haꞌu neꞌe ko Haꞌukaan Ama, Ami mesak ida.”

Yohanis 14:15

Hotu, Yesus dale tenik naꞌak, “Kalo emi hadomi Haꞌu, emi halo tuir Haꞌukaan ukun sia.

Yohanis 14:21

Ema mak simu Haꞌukaan ukun sia, hotu nalo tuir, nia nadomi Haꞌu. Haꞌukaan Ama moos nadomi nia. Haꞌu moos kadomi nia, no atu katadu aan baa nia.”

Yohanis 14:24

Mais ema mak la nalo tuir Haꞌukaan hanorin, nia la nadomi Haꞌu. Hanorin mak emi rona neꞌe, la mai nosi Haꞌu duꞌuk, mais nosi Haꞌukaan Ama mak solok Haꞌu.

Yohanis 15:10

Kalo emi tuir Haꞌukaan ukun hodi moris talin aan baa Haꞌu, Haꞌu moos katudu Haꞌukaan dadomin baa emi. Lia nia nudaar Haꞌu ktuir Haꞌukaan Ama ukun, hotu Nia natudu dadomin baa Haꞌu.

Yohanis 16:27

Haꞌukaan Ama nadomi emi, tan emi hadomi Haꞌu. Emi moos fiar haꞌak, Nia mak solok Haꞌu.

Yohanis 6:56

Ema mak naa Haꞌukaan isin, no nemu Haꞌukaan raan, nia moris talin aan no Haꞌu. Haꞌu moos talin aan ko nia.

Yohanis 8:51

Haꞌukaan dalen neꞌe, tebes no loos: ema mak nalo tuir Haꞌukaan hanorin, nia la mate, mais netan moris nima-nimak.”

Yohanis 8:52

Rona nola nunia, Yahudi ulun sia katak naꞌak, “Oras neꞌe, ami hatene nanis diabu tekar O, toꞌo O dale lia bulak. Bei Abraham mate. Maromak makoꞌan uluk sia moos mate. Tan saa O maꞌak, ‘ema mak nalo tuir okaan hanorin, la mate?’ Arumak O bula tiꞌan?

2 Korintus 6:16

Nunabee? Arumak emi haneo haꞌak, emi bele tama uluk baa Naꞌi Maromak Niakaan uma hamulak hodi loꞌu-sudur baa Nia, foin sai atu loꞌu-sudur baa aiꞌoi lulik ka? Hahalok nia la fatan! Tan Naꞌi Maromak, Maromak mak moris. Nia, itakaan Naꞌin. Ita, nuꞌu Niakaan uma hamulak, tan Nia nein iha itakaan neon laran. Hakerek Moon naꞌak, “Haꞌukaan uma iha Haꞌukaan ema sia klaran. Haꞌu atu ktama-sai iha siakaan klaran. Haꞌu kdadi baa siakaan Maromak. Sia moos dadi baa Haꞌukaan ema.”

Efesus 3:17

toꞌo Yesus Kristus moris nafati iha emikaan neon, tan emi fiar baa Nia nohuun. Nebee, emi moris talin malu ho Niakaan dadomin, toꞌo dadomin nia nahabut iha emikaan neon.

1 Yohanis 2:24

Kaer metin hanorin mak emi rona hori uluk nia, nebee emi talin malu nohuun ho Ama Maromak no Oan.

1 Yohanis 2:5

Mais kalo ita halo tuir Naꞌi Maromak ukun, neꞌe naꞌak, itakaan dadomin baa Nia tetuk tiꞌan. Hodi nunia, ita bele hatene, ita neꞌe Naꞌi Maromak eman.

1 Yohanis 4:4

Lia nuneꞌe, oa sia! Emi neꞌe, Naꞌi Maromak eman no Niakaan Kmalar moris iha emikaan neon. Tan Niakaan beran makaꞌas liu raiklaran beran hotu-hotu, emi bele hatoba hola ema mak sakar Nia.

1 Yohanis 5:3

Kalo ita hadomi Naꞌi Maromak, ita halo tuir Niakaan ukun. Mais Niakaan ukun la todan.

2 Yohanis 1:6

Ita bele hatudu itakaan dadomin, kalo ita halo tuir Naꞌi Maromak ukun sia. Hori uluk, Nia naruka nunia tiꞌan. Ukun neꞌe lahoos ukun foun, mais ukun tuan mak emi rona nanis.

Lia Raiklaran Falu Fila 21:22

Mais haꞌu karee, iha kota nia la noo Uma Hamulak, tan ema loꞌu kedan tiꞌan baa Naꞌi Maromak mak beran kaliuk no Bibi Malae Oan.

Lia Raiklaran Falu Fila 21:3

Haꞌu moos rona kola lia maliak makaꞌas ida mai nosi habesi aan fatin iha nia naꞌak, “Mana diꞌa-diꞌak! Nahuu baa oras neꞌe, Naꞌi Maromak hutun-renun bele tama-sai Niakaan Tofatik. Nahuu baa loron neꞌe, Naꞌi Maromak eman sia moris namutuk no Nia. Nia dadi baa siakaan Maromak. Sia moos dadi baa Niakaan hutun-renun. Nia atu moris no sia nohuun. Nia atu nein no sia nohuun.

Lia Raiklaran Falu Fila 22:3

Mais hotu-hotu mak Naꞌi Maromak dudu nodi kastikar, la noo iha kota nia. Mak noo iha nia, neꞌe mak Naꞌi Maromak no Bibi Malae Oan mak tuur iha habesi aan fatin no siakaan ema mak loꞌu-sudur baa Sia.