Yohanis 14:11 - Tetun

¹¹ Fiar baa Haꞌu dei, oras Haꞌu kaꞌak, Haꞌu ktalin aan ko Haꞌukaan Ama, Nia moos talin aan no Haꞌu. Masik emi la hakara simu Haꞌukaan lia fuan neꞌe, fiar baa dei, tan emi haree tiꞌan hotu-hotu mak Haꞌu kaseꞌi.

Yohanis 14:11 ပူးပေါင်းရင်းမြစ်များ

Yohanis 10:25

Yesus nataa naꞌak, “Haꞌu katak tiꞌan, mais emi la hoꞌuk fiar. Tadak blaar mak Haꞌu kaseꞌi hotu-hotu, kaseꞌi kodi Haꞌukaan Ama beran. Lia nia nalore naꞌak, Haꞌu neꞌe see.

Yohanis 10:32

Mais Yesus katak baa sia naꞌak, “Haꞌu katudu tiꞌan lia kabaas waꞌin nosi Haꞌukaan Ama. Emi hodi lia makonak ida nabee atu tuda hoꞌo Haꞌu?”

Yohanis 10:38

Mais kalo Haꞌu kalaꞌo tebes, emi nokbiit fiar, tan haree tiꞌan tadak blaar mak kaseꞌi. Hodi nunia, emi hatene haꞌak, Haꞌu talin aan ko Haꞌukaan Ama. Nia moos talin aan no Haꞌu.”

Yohanis 14:10

Haꞌu katak tiꞌan kaꞌak, Haꞌu ktalin aan ko Haꞌukaan Ama, Nia moos talin aan no Haꞌu. O fiar lia nia ka, lale? Saa mak Haꞌu kdale neꞌe, la nahabut baa Haꞌu duꞌuk, mais nahabut baa Haꞌukaan Ama, tan Nia nodi Haꞌu atu nalaꞌok Niakaan serwisu.

Yohanis 14:20

Hodi nunia, emi bele hatene haꞌak, Haꞌu ktalin aan ko Haꞌukaan Ama; emi talin aan ho Haꞌu; Haꞌu moos talin aan ko emi.

Yohanis 5:36

Noo ida mak makaꞌas liu Yohanis mak bele natebes lia loos nosi Haꞌu. Nia mak Haꞌukaan Ama iha laleꞌan. Nia latan tiꞌan baa Haꞌu serwisu mak Haꞌu kmusti kalaꞌo toꞌo mohu. Serwisu neꞌe natudu lia kakaer naꞌak, Haꞌukaan Ama mak solok Haꞌu.

Kristus Klosan Lian 2:22

Mamaluk Israꞌel sia! Taꞌan tilun rona diꞌa-diꞌak haꞌukaan dalen neꞌe. Yesus ema Nasaret nia, Nia mak Naꞌi Maromak boi kedan hori uluk atu solok mai sori ita. Tebes! Ami naꞌin duꞌuk haree Nia nalo lia kasalak basuk no nalo tadak blaar nodi Maromak beran. Emi moos haree, tan Nia moos nalo tadak blaar iha emikaan oin.

Ibrani 2:4

Naꞌi Maromak moos natebes ema nia sia mak tuir Yesus, nodi latan beran baa sia, nebee sia nalo tadak blaar oi-oik. Nia moos natuun Niakaan Kmalar Lulik baa sia, nebee sia nalo lia waꞌin seluk, tuir Niakaan hakara. Tan Naꞌi Maromak Niakaan hahalok nia sia, ita hatene haꞌak, Niakaan dalan moris nia, loos tebes.