Yohanis 12:28 - Tetun

²⁸ Tan baa nia, Haꞌu kusu nuneꞌe dei: ‘Ama. Haꞌu kalo tuir Ama hakaran dei, nebee ema hotu-hotu foti-nahaas Ama naran.’ ” Natoon baa oras nia moos, lia maliak ida nosi laleꞌan naꞌak, “Haꞌu kfoti-kahaas tiꞌan Haꞌukaan naran. Oras neꞌe, Haꞌu atu kfoti-kahaas tenik.”

Yohanis 12:28 ပူးပေါင်းရင်းမြစ်များ

Mateus 11:25

Dale notu nunia, Yesus namulak baa Naꞌi Maromak naꞌak, “Ama! Ita Boot mak Ulun Boot iha laleꞌan no raiklaran. Haꞌu ksera dodan tan Ama subar lia nia sia nosi ema mak nafolin aan matenek no ema mak loko aan sia. Mais Ama loke lia nia sia bodik ema kiꞌik no ema mak naraik aan sia.

Mateus 11:26

Tebes Ama! Tan lia nia nalo Ama neon diꞌak!”

Mateus 17:5

Baa oras Petrus sei dale nunia, teki-tekis kaloꞌan tuun mai nakalus nola sia. Sia moos blaar tan rona lia maliak ida sai nosi kaloꞌan nia naꞌak, “Rona lai! Yesus neꞌe, Haꞌukaan Oan dadobe. Nia nalo Haꞌu neon diꞌak tebes. Rona diꞌa-diꞌak baa Nia!”

Mateus 26:42

Hotu Nia baa namulak tenik naꞌak, “Ama! Kalo Haꞌu kmusti katiu kola susar neꞌe, nebee tuir Ama hakaran dei.”

Mateus 3:17

Hotu Naꞌi Maromak lian maliak sai nosi laleꞌan naꞌak, “Neꞌe mak Haꞌukaan Oan dadobe. Nia nalo Haꞌu neon diꞌak tebes.”

Markus 1:11

Hotu, ema rona Naꞌi Maromak lian nosi laleꞌan naꞌak: “Oa! O neꞌe, Haꞌukaan Oan mak kakara no kadomi. O malo Haꞌu neon diꞌak.”

Markus 9:7

Teki-tekis, ababun tuun taka nola sia hotu. Sia rona lia maliak ida mai nosi ababun laran naꞌak, “Rona mai! Neꞌe, Haꞌukaan Oan mak Haꞌu kadomi! Rona diꞌa-diꞌak baa Nia!”

Lukas 3:22

Hotu Maromak Kmalar Lulik namaan aan tuun baa Yesus. Kmalar Lulik nia ilas nuꞌu lakateu sina. Baa oras nia moos, noo lia maliak ida nosi laleꞌan naꞌak: “O neꞌe, Haꞌukaan Oan mak Haꞌu kakara no kadomi. O malo Haꞌu neon diꞌak.”

Lukas 9:35

Sia moos rona noo lia maliak nosi kaloꞌan naꞌak, “Neꞌe, Haꞌukaan Oan mak Haꞌu kboi kedan! Rona diꞌa-diꞌak baa Nia!”

Yohanis 11:4

Rona lia nia, Yesus dale naꞌak, “Moras neꞌe la nodi nia baa mate. Naꞌi Maromak atu nodi lia neꞌe natudu Niakaan kabaas, nebee ema foti-nahaas Haꞌu, mak Niakaan Oan neꞌe.”

Yohanis 18:11

Naree nunia, Yesus nakahik naꞌak, “Petrus! Maknua mikar okaan surik. Keta saseni, tan Haꞌukaan Ama katak tiꞌan naꞌak, Haꞌu kmusti ketan susar oin nuneꞌe.”

Yohanis 9:3

Yesus nataa naꞌak, “Ema delek neꞌe la nalo sala, foin matan delek. Niakaan inan-aman moos la nalo sala. Nia moris nodi nunia, nebee ema hotu-hotu bele naree Naꞌi Maromak nalo lia kabaas baa nia.

Efesus 2:7

Naꞌi Maromak nalo nunia, nebee Nia bele natudu nima-nimak dadomin no Niakaan laran diꞌak mak makaꞌas basuk bodik ita mak fiar baa Yesus Kristus.

Efesus 3:10

Nia moos beer nodi Niakaan ema mak dadi klubun mesak ida nia, atu natudu Niakaan matenek kaliuk baa makaer ukun no makaer beran hotu-hotu iha kroman no iha kukun.

Efesus 3:21

Tan lia nia, ita mak Yesus Kristus eman musti foti-hahaas Naꞌi Maromak naran hori nima-nimak toꞌo nima-nimak. Tebes!

2 Petrus 1:17

Baa loron nia, ami hamutuk ho Yesus iha Naꞌi Maromak Niakaan foho lulik leten. Hotu Ama Maromak duꞌuk katak nosi Yesus Niakaan makaꞌas baa ami. Iha foho lulik leten nia, ami rona lia maliak ida mak kabaas kaliuk. Lia maliak nia sai nosi laleꞌan nodi naꞌak, “Ema neꞌe, Haꞌukaan Oan mak Haꞌu kadomi. Nia nalo Haꞌu neon diꞌak.”