Yohanis 1:45 - Tetun

⁴⁵ Rona nola nunia, Filipus baa buka nola ema ida naran Natanel. Nia katak naꞌak, “Mau! Ami hasoru tiꞌan Ema mak ita hoꞌi hei-hein nia. Nia naran Yesus, nosi leo Nasaret. Aman, naran Yusuf. Ema nia mak hori uluk Bei Musa no Maromak makoꞌan seluk sia nakerek nela kedan iha Hakerek Moon.”

Yohanis 1:45 ပူးပေါင်းရင်းမြစ်များ

Lia Uluk Fohon 22:18

Nosi okaan husar-binan, ema klubun hotu-hotu iha raiklaran netan matak-malirin, tan o tuir Haꞌukaan ukun.’ ”

Lia Uluk Fohon 3:15

O mo feto neꞌe, funu malu nima-nimak. Emikaan husar-binan moos nunia. Okaan husar-binan atu nadodok ema ain nuban. Mais feto neꞌe niakaan husar-binan ida atu nadodok okaan ulun.”

Lia Uluk Fohon 49:10

Loron ikus, o atu kaer ukun! Okaan husar-binan moos atu kaer ukun tuir malu, toꞌo noo husar-binan ida mak beran kaliuk mak tuur kaer ukun nia! Hotu, ema klubun hotu-hotu atu loꞌu-sudur no rona baa Nia!

Mateus 10:3

Noo tenik Filipus no Bartolomeus. Hotu Tomas no Mateus (ema maksisi bea). Hotu Yakobus (Alfeus oan) no Tadeus.

Mateus 13:55

Tuir loos, Nia neꞌe, badaen ai ida oan loos dei. Ita hatene Niakaan inan Maria, no niakaan alin sia, mak Yakobus, Yusuf, Yudas no Simon.

Mateus 2:23

iha leo ida naran Nasaret. Lia nia natoꞌo saa mak Naꞌi Maromak katak kedan baa makoꞌan hori uluk naꞌak, “Sia atu temi Nia, Ema Nasaret.”

Mateus 21:11

Ema lear nia nataa naꞌak, “Ema neꞌe, mak Maromak makoꞌan, naran Yesus. Nia, ema Nasaret nosi rai Galilea.”

Markus 6:3

Tuir loos, Nia neꞌe badaen ai dei. Ita hatene Niakaan inan mak Maria no Niakaan alin sia mak Yakobus, Yoses, Yudas no Simon. Nia moos no alin feto. Ita hatene malu, tan ita leo ida!” Masik nunia moos, sia sei hirus Yesus toꞌo la noꞌuk rona tenik baa Nia.

Lukas 18:37

Ema katak baa delek nia naꞌak, “Yesus, ema Nasaret, laꞌo tuir neꞌe.”

Lukas 2:4

Baa oras nia, noo mane ida naran Yusuf. Nia nein iha leo Nasaret iha rai Galilea. Nia sasudin tiꞌan no feto nurak ida, naran Maria. Maria nia noꞌi koꞌus. Tan Yusuf nia, Naꞌi Daud husar-binan, nia musti fila baa natama naran iha Naꞌi Daud niakaan kota Betlehem iha rai Yudea. Tan lia nia, sia rua baa kota Betlehem.

Lukas 2:48

Naree nola nunia, Yesus inan no aman moos blaar. Hotu inan katak naꞌak, “Yesus! Tan saa O masusar ami nuneꞌe? Ami rua O aman benar karin tiꞌan buka O!”

Lukas 24:27

Hotu Yesus nanorin sia lia hotu-hotu mak Maromak makoꞌan sia nakerek nela kedan nosi Kristus. Nahuu nosi Bei Musa toꞌo makoꞌan seluk sia siakaan hakerek.

Lukas 24:44

Hotu Yesus dale naꞌak, “Nunabee? Emi sei hanoin oras Haꞌu kamutuk ko emi ka? Hori hirak nia, Haꞌu katak tiꞌan kaꞌak, lia hotu-hotu mak Maromak makoꞌan sia nakerek nosi Haꞌu, musti dadi. Hori uluk Bei Musa no makoꞌan seluk sia nakerek nela kedan lia nosi Haꞌu iha Hakerek Moon. Iha Kananuk sia moos, noo hakerek nosi Haꞌu.”

Lukas 3:23

Baa oras Yesus nahuu katak lia nosi Naꞌi Maromak, Niakaan otas takseer tinan tolu nulu. Ema natene Yesus nia, Yusuf oan. Yusuf bein uluk sia mak neꞌe: Yusuf aman, Eli.

Lukas 4:22

Rona nola nunia, ema nia sia mose Yesus naꞌak, “Adeei! Saa mak Nia dale ohin nia, kabaas liu! Mais Nia neꞌe, Yusuf oan! Tan saa bele nuneꞌe?”

Yohanis 12:21

Sia mai nasoru Yesus Niakaan maktuir ida naran Filipus, nosi leo Betsaida iha rai Galilea. Sia nusu baa Filipus naꞌak, “Mau! Ami bele hasoru Yesus ka?”

Yohanis 14:8

Rona nola nunia, Filipus nusu naꞌak, “Ama Boot! Tulun matudu Ama Boot Aman baa ami lai! Haree loos dei moos, toꞌo tiꞌan.”

Yohanis 18:5

Sia nataa naꞌak, “Ami buka ema ida, naran Yesus nosi leo Nasaret.” Hotu, Yesus katak naꞌak, “Nia, mak Haꞌu.” Baa oras nia, Yudas mak faꞌan Yesus moos nariik namutuk no sia.

Yohanis 18:7

Hotu Yesus nusu tenik naꞌak, “Emi mai buka see?” Sia nataa naꞌak, “Yesus, ema Nasaret nia.”

Yohanis 19:19

Hotu, sondadu sia nakerek baa ai kabelak ida, hotu nedi ai kabelak nia baa Yesus ulun fafuhun leten, tuir gubernur niakaan haruka. Iha ai kabelak nia, sia nakerek naꞌak, “Neꞌe, Yesus, nosi Nasaret. Nia mak, Naꞌi Yahudi.”

Yohanis 21:2

Baa oras nia, Yesus Niakaan maktuir naꞌin hitu namutuk. Sia nia mak: Simon Petrus, Tomas, mak sia temi ‘Oa Karuak’, Natanel, nosi leo Kana iha rai Galilea, Sebadeus oan naꞌin rua, mak Yohanis no Yakobus, no maktuir naꞌin rua tenik.

Yohanis 6:42

Hotu sia nakusuk malu tenik naꞌak, “Nunabee tiꞌan? Ema neꞌe, Yesus, Yusuf oan. Ita hatene malorek inan-aman. Oin nunabee Nia naꞌak, ‘Haꞌu ktuun mai kosi laleꞌan’? Netan nosi nabee?”

Yohanis 6:5

Ema waꞌin moos mai naklibur iha nia. Naree nunia, Yesus nusu baa maktuir naꞌin ida naran Filipus naꞌak, “Ita bele sosa haan iha nabee atu hodi hahaan ema neꞌe sia?”

Yohanis 6:7

Hotu Filipus nataa naꞌak, “Aikee Ama! Masik badaen kansera loron atus rua moos, sei la toꞌo dauk hodi sosa tubi bodik ema neꞌe sia hotu-hotu! Masik ema ida netan loos rohan ida moos, sei la toꞌo dauk!”

Kristus Klosan Lian 10:38

Emi moos hatene haꞌak, Naꞌi Maromak natuun Niakaan Kmalar Lulik baa Yesus ema Nasaret nia. Hotu Yesus nodi Naꞌi Maromak beran laꞌo sura leo, nalo lia diꞌak bodik ema. Nia moos tulun ema mak diabu ulun nasusar. Nia bele nalo nunia, tan Naꞌi Maromak namutuk no Nia.

Kristus Klosan Lian 2:22

Mamaluk Israꞌel sia! Taꞌan tilun rona diꞌa-diꞌak haꞌukaan dalen neꞌe. Yesus ema Nasaret nia, Nia mak Naꞌi Maromak boi kedan hori uluk atu solok mai sori ita. Tebes! Ami naꞌin duꞌuk haree Nia nalo lia kasalak basuk no nalo tadak blaar nodi Maromak beran. Emi moos haree, tan Nia moos nalo tadak blaar iha emikaan oin.

Kristus Klosan Lian 22:8

Haꞌu krona tebes lia maliak nia, mais la karee ema. Hotu haꞌu kusu kaꞌak, ‘Ita Boot mak dale nia, see ida?’ Hotu lia maliak nia nataa naꞌak, ‘Haꞌu neꞌe Yesus, ema Nasaret mak o masusar nia!’

Kristus Klosan Lian 26:9

Uluk, haꞌu kaseꞌi lia oi-oik kodi sakar ema mak tuir Yesus ema Nasaret nia.

Kristus Klosan Lian 3:6

Mais Petrus dale naꞌak, “Mau! Haꞌu la koo osan. Mais saa mak haꞌu koo, atu kfoo baa mau. Rona! Kodi Yesus Kristus ema Nasaret nia beran, karuka o mariik, laꞌo ona!”