Yohanis 1:43 - Tetun

^43-44 Iha fatin nia moos, noo ema ida seluk naran Filipus. Niakaan leo huun naran Betsaida. Petrus no Andreas moos huun nosi leo nia. Baa awan, Yesus nakotu atu baa rai Galilea. Toꞌo baa, Yesus nasoru Filipus, hotu tene naꞌak, “Mai tuir Haꞌu, dadi baa Haꞌukaan ema!”

Yohanis 1:43 ပူးပေါင်းရင်းမြစ်များ

Mateus 10:3

Noo tenik Filipus no Bartolomeus. Hotu Tomas no Mateus (ema maksisi bea). Hotu Yakobus (Alfeus oan) no Tadeus.

Mateus 4:12

Baa oras nia, Naꞌi Herodes natama Yohanis Mak Sarani Ema baa bui. Rona nola lia nia, Yesus fila baa Galilea.

Mateus 8:22

Mais Yesus nataa naꞌak, “Nuneꞌe! Mabusik ema mak la fiar Naꞌi Maromak babilan siakaan ema maten. Kalo makara tuir Haꞌu, tuir kedas ona!”

Mateus 9:9

Hotu Yesus laꞌo baa fatin seluk. Iha nia, noo ema ida naran Mateus. Niakaan serwisu, sisi bea. Oras Yesus naree nia iha niakaan serwisu fatin, Yesus bolu nia naꞌak, “Mai tuir Haꞌu!” Rona nola nunia; Mateus moos nariik, tuir kedas Yesus.

Lukas 19:10

Naꞌi Maromak solok Haꞌu kdadi Ema Raiklaran Isin iha raiklaran neꞌe. Haꞌu kmai atu buka ema mak sees nosi Naꞌi Maromak dalan, nebee Haꞌu ksori sia.”

Yohanis 1:28

Lia neꞌe sia hotu-hotu dadi iha leo Betania, iha mota Yordan balu baa. Yohanis no niakaan maktuir sia sarani ema iha fatin nia.

Yohanis 1:29

Baa awan, Yohanis naree Yesus mai baa sia. Hotu Yohanis dale naꞌak, “Mana lai! Bibi malae oan mak Naꞌi Maromak nadiꞌa kedan, Nia mai tiꞌan. Nia mak atu dadi sera, kasu ema raiklaran salan.

Yohanis 1:35

Baa awan, Yohanis noꞌi nariik no niakaan maktuir naꞌin rua.

Yohanis 1:37

Rona nola nunia, Yohanis niakaan ema maktuir naꞌin rua nia, laꞌo nela nia, baa tuir Yesus.

Yohanis 12:21

Sia mai nasoru Yesus Niakaan maktuir ida naran Filipus, nosi leo Betsaida iha rai Galilea. Sia nusu baa Filipus naꞌak, “Mau! Ami bele hasoru Yesus ka?”

Yohanis 14:8

Rona nola nunia, Filipus nusu naꞌak, “Ama Boot! Tulun matudu Ama Boot Aman baa ami lai! Haree loos dei moos, toꞌo tiꞌan.”

Yohanis 2:11

Lia nia dadi iha leo Kana, iha rai Galilea. Oras nia, Yesus naseꞌi tadak blaar uluk fohon mak ema bele naree. Nia natudu Niakaan kabaas nunia, toꞌo Niakaan maktuir sia fiar baa Nia.

Yohanis 6:5

Ema waꞌin moos mai naklibur iha nia. Naree nunia, Yesus nusu baa maktuir naꞌin ida naran Filipus naꞌak, “Ita bele sosa haan iha nabee atu hodi hahaan ema neꞌe sia?”

Yohanis 6:7

Hotu Filipus nataa naꞌak, “Aikee Ama! Masik badaen kansera loron atus rua moos, sei la toꞌo dauk hodi sosa tubi bodik ema neꞌe sia hotu-hotu! Masik ema ida netan loos rohan ida moos, sei la toꞌo dauk!”

Filipi 3:12

Mamaluk sia! Haꞌu kakara basuk tuir Kristus dalan moris no Niakaan hakaran hotu-hotu. Mais kalo haꞌu kdale moon, haꞌu ksei la tuir malolok dauk. Masik nunia moos, haꞌu karui aan bei-beik tan Yesus Kristus boi haꞌu tiꞌan atu tuir Nia. Haꞌu ktuir Nia hanesan ema mak nalai biit toꞌo marak rohan. Haꞌu kalai katutuk lo-loos baa oin, la mana kotuk kodi kanoin lia uluk sia, tan haꞌu kaluꞌa lakon lia uluk nia sia tiꞌan.

1 Yohanis 4:19

Ita hadomi malu, tan Naꞌi Maromak nadomi uluk ita.