Yohanis 1:4 - Tetun

⁴ Nia, mak Moris Huun. Nia moos, Kroman maksinak naroma ema neon.

Yohanis 1:4 ပူးပေါင်းရင်းမြစ်များ

Mateus 4:16

Sia moris iha makukun laran, mais oras neꞌe, sia naree Kroman tiꞌan. Oras neꞌe, Kroman naksinak tiꞌan bodik ema hotu-hotu mak sei la natene dauk Naꞌi Maromak.”

Lukas 2:32

Nia atu dadi hanesan kroman. Nia atu nodi kneter bodik Naꞌi Maromak eman Israꞌel sia. Nia moos atu natudu Naꞌi Maromak dalan loos baa ema seluk sia.”

Yohanis 11:25

Mais Yesus katak naꞌak, “Haꞌu koo beran atu kalo ema moris nikar, tan Haꞌu neꞌe, moris huun. Ema mak fiar baa Haꞌu, masik sia mate tiꞌan moos, sia netan moris toꞌo nima-nimak.

Yohanis 12:35

Yesus nataa naꞌak, “La kleur tiꞌan, Haꞌukaan kroman la naroma baa emi ona. Tan baa nia, oras Haꞌu ksei ko emi, emi musti moris loos, nebee lia aat keta taka nola kroman iha emikaan neon laran. Tan ema mak laꞌo iha makukun laran, la natene dalan atu baa nabee.

Yohanis 12:46

Haꞌu kmai iha raiklaran neꞌe atu dadi kroman, nebee ema mak fiar baa Haꞌu la moris iha makukun.

Yohanis 14:6

Yesus katak naꞌak, “Haꞌu neꞌe, dalan baa Naꞌi Maromak. Haꞌu neꞌe, mak kaer hanorin loos. Haꞌu neꞌe, mak foo moris loos baa ema. La noo dalan seluk mak nodi ema baa Ama, Haꞌu kmesan dei.

Yohanis 3:19

Lia nuneꞌe: Naꞌi Maromak solok kroman mai tiꞌan atu naksinak iha raiklaran neꞌe. Mais ema la noꞌuk moris iha kroman nia. Sia nakara fila baa moris iha makukun, tan sia beer nalo aat. Etuk, Naꞌi Maromak atu kastikar sia.

Yohanis 5:21

Haꞌukaan Ama bele nalo ema mak mate tiꞌan moris nikar. Nunia moos, Haꞌu kbele foo moris nima-nimak baa se-see dei, tuir Haꞌukaan hakara.

Yohanis 5:26

Haꞌukaan Ama kaer beran atu foo moris baa ema. Nia latan beran nia baa Haꞌu, tan Haꞌu neꞌe, Niakaan Oan.

Yohanis 8:12

Hotu Yesus dale nikar tenik no ema lear naꞌak, “Haꞌu neꞌe, kroman bodik ema raiklaran. Ema mak tuir Haꞌu la moris iha makukun ona, mais nein iha kroman mak natudu dalan baa moris.”

Yohanis 9:5

Oras Haꞌu ksei iha raiklaran, Haꞌu hanesan kroman mak naksinak bodik ema hotu-hotu.”

Kristus Klosan Lian 26:23

Sia nanorin nosi lia Kristus, ema mak Naꞌi Maromak nameno tiꞌan atu solok mai. Nanorin naꞌak, Ema nia musti natiu susar toꞌo mate. Mais Nia dadi baa ema dala uluk, mak Naꞌi Maromak nalo ema moris nikar. Nia mak atu foo kroman baa ema Yahudi no ema klubun seluk sia iha raiklaran.”

1 Korintus 15:45

Ema raiklaran dala uluk mak manesak no ita, neꞌe mak Adam. Hakerek Moon naꞌak, “nia dadi ema mak moris nodi natene naneo no noran.” Mais noo ema ida ilas nuꞌu Adam mak beran boot kaliuk. Neꞌe mak Kristus. Niakaan Kmalar bele foo moris loos baa ema raiklaran.

Efesus 5:14

Nunia moos, lia aat mak ema subar. Kalo kona kroman, nanis ema bele natene naꞌak, hahalok nia, hahalok aat. Noo kananuk ida naꞌak, “Hei! Emi mak toba, hadeer ona! Emi mak mate, moris hikar ona! Tan Kristus beer atu naroma emi.”

Kolose 3:4

Kristus moris iha emikaan neon laran, nodi nalo emi moris loos. Baa oras Nia namaan aan mai nikar, emi moos atu mosu mai hamutuk ho Nia. Lia neꞌe sia, makaꞌas tebes!

1 Yohanis 1:1

Haꞌu kakerek neꞌe kosi Maromak Manfatin mak Foo Moris. Baa oras laleꞌan no raiklaran sei la iha dauk, Manfatin neꞌe iha kedan tiꞌan. Uluk, Nia nein no Niakaan Ama iha laleꞌan, mais oras neꞌe haꞌu ko haꞌukaan mamaluk sia haree Nia hodi matan duꞌuk tiꞌan. Ami rona Nia hodi tilun duꞌuk tiꞌan. Ami moos kaer Nia hodi liman duꞌuk tiꞌan. Ami bele nunia,

1 Yohanis 1:2

tan Nia natadu aan iha amikaan klaran. Tan baa nia, ami la hataꞌuk katak lia nosi Nia, hodi halore dalan nebee ema raiklaran bele netan moris toꞌo nima-nimak. Tan Nia neꞌe, Manfatin mak Foo Moris.

1 Yohanis 5:11

ema bele hetan moris loos toꞌo nima-nimak, surak fiar baa Oan.

Lia Raiklaran Falu Fila 22:1

Nunia hotu, makbukar laleꞌan nia natudu baa haꞌu, mota ida mak ween nalo ema moris nohuun. Wee nia, moon nuꞌu lalenok. Mota nia suli sai nosi Naꞌi Maromak no Bibi Malae habesi aan fatin.

Lia Raiklaran Falu Fila 22:16

Haꞌu neꞌe, Yesus. Haꞌu, mak solok makbukar laleꞌan nia atu nalore lia neꞌe sia hotu-hotu, nebee o baa katak Haꞌukaan Manfatin baa ema sarani klubun hitu nia. Haꞌu neꞌe, Naꞌi Daud husar-binan. Haꞌu neꞌe, Naꞌi makaer ukun. Haꞌukaan kroman lakan, boot kaliuk hanesan Fitun Lorosaꞌe. Haꞌukaan sinak, biit kaliuk hanesan Fitun Naꞌin.”