Yohanis 1:14 - Tetun

¹⁴ Naꞌi Maromak Manfatin dadi baa ema raiklaran. Nia tuur heik iha itakaan klaran. Ita hobun Niakaan kabaas, tan Nia, Naꞌi Maromak Oan mesak mak kabaas manesak no Aman. Nia natudu laran diꞌak baa ita, tan lisan nunia tebes. Nia nanis tebes no loos.

Yohanis 1:14 ပူးပေါင်းရင်းမြစ်များ

Lukas 2:11

Lia diꞌak nia nuneꞌe: Baa loron neꞌe, feto ida nahoris Kristus iha Betlehem, Naꞌi Daud niakaan kota! Kristus nia, mak Naꞌi Maromak nameno tiꞌan hori uluk. Naꞌi Maromak solok Nia mai atu sori ema nosi sala! Nia neꞌe, mak ema atu temi naꞌak ‘Ulun’!

Lukas 2:7

Iha Betlehem nia, noo uma bodik ema hein heik, mais sia la netan fatik iha nia. Tan baa nia, sia tama baa natar ida laran. Iha nia Maria nahoris oa ulun, oa mane ida. Maria nafuꞌut Nia nodi tais, hotu natoba baa bibi no karau haan fatik.

Lukas 9:32

Baa oras nia, Petrus no mamaluk naꞌin rua nakati la bele netu aan, toꞌo toba. Baa oras naktekir, sia titu-naree Yesus nariik no ema naꞌin rua. Sia moos titu-naree Yesus sinak nakroma.

Yohanis 1:1

Uluk fohon, Naꞌi Maromak Manfatin iha kedan tiꞌan. Manfatin nia, manesak no Ema ida. Nia namutuk no Naꞌi Maromak. Nia duꞌuk moos Naꞌi Maromak.

Yohanis 11:40

Mais Yesus foo natene baa nia naꞌak, “O sei manoin ka lale, ohin Haꞌu kdale nia? Haꞌu katak tiꞌan kaꞌak, kalo o fiar tebe-tebes baa Haꞌu, o atu maree Naꞌi Maromak Niakaan makaꞌas.”

Yohanis 14:6

Yesus katak naꞌak, “Haꞌu neꞌe, dalan baa Naꞌi Maromak. Haꞌu neꞌe, mak kaer hanorin loos. Haꞌu neꞌe, mak foo moris loos baa ema. La noo dalan seluk mak nodi ema baa Ama, Haꞌu kmesan dei.

Yohanis 14:9

Yesus katak baa nia naꞌak, “Filipus. Haꞌu kamutuk ko emi kleur tiꞌan. Tan saa emi sei la hatene tebe-tebes Haꞌu? Ema mak naree Haꞌu tiꞌan, nia moos naree Haꞌukaan Ama tiꞌan. Tan saa o sei musu tenik Haꞌu katudu Haꞌukaan Ama baa o?

Yohanis 17:22

Haꞌu katudu tiꞌan Ama Niakaan kabaas baa sia, nebee sia bele talin malu dadi mesak, hanesan Ita.

Yohanis 17:24

Ama. Haꞌu kusu nebee ema hotu-hotu mak Ama latan tiꞌan baa Haꞌu, bele namutuk nafati no Haꞌu. Hodi nunia, sia bele naree Haꞌukaan kabaas mak Ama foo tiꞌan baa Haꞌu. Tan oras raiklaran sei la iha dauk, Ama nadomi Haꞌu tiꞌan.

Yohanis 18:37

Hotu gubernur nusu nikar naꞌak, “Dadi, O neꞌe, naꞌin tebes ka lale?” Yesus nataa naꞌak, “Ama duꞌuk mak naꞌak Haꞌu neꞌe Naꞌin. Tuir loos, Haꞌu kmoris mai atu dadi Naꞌin. Haꞌu kmai iha raiklaran neꞌe atu kanorin hanorin loos. Ema hotu-hotu mak kaer metin hanorin loos nia, sia mak dadi Haꞌukaan renun.”

Yohanis 2:11

Lia nia dadi iha leo Kana, iha rai Galilea. Oras nia, Yesus naseꞌi tadak blaar uluk fohon mak ema bele naree. Nia natudu Niakaan kabaas nunia, toꞌo Niakaan maktuir sia fiar baa Nia.

Yohanis 3:16

Naꞌi Maromak nadomi ema raiklaran, toꞌo Nia solok Oan Mane mesak mai raiklaran neꞌe. Hodi nunia, ema hotu-hotu mak fiar baa Oan, la kona kastikar mak sasa faꞌe sia nosi Naꞌi Maromak ona, mais sia netan moris nima-nimak no Nia.

Yohanis 3:18

Naꞌi Maromak la taa ukun baa ema mak fiar baa Oan. Mais Nia taa ukun baa ema mak la fiar, tan sia la fiar baa Oan Mane mesak neꞌe.

Yohanis 6:51

Tebes. Haꞌu neꞌe, Tubi mak nodi moris mak tuun mai nosi laleꞌan. Ema hotu-hotu mak naa Tubi nia, netan moris nima-nimak. Tan Haꞌu atu klatan Haꞌukaan isin lolon toꞌo mate, nebee ema raiklaran bele netan moris.”

Yohanis 8:32

Hodi nunia, emi hatene hola hanorin loos. Hanorin loos nia moos sori nola emi nosi ata.”

Roma 8:3

Masik ita tuir hotu Naꞌi Maromak Ukun-badu moos, ita la bele sai hosi aꞌaat beran, tan ita ema raiklaran mak neon la biit. Mais Naꞌi Maromak loke dalan nodi solok Oan duꞌuk dadi ema raiklaran nuꞌu ita. Ema raiklaran seluk sia nalo sala oi-oik, mais Yesus duꞌuk la dala ida nalo sala. Hotu, Nia dadi baa sera atu kasu mohu sala nosi ema maksalan sia.

Roma 9:5

Sia moris nosi itakaan bei uluk, mak Bei Abraham, Bei Isak, no Bei Yakob. (Sia nola naran ꞌIsraꞌelꞌ nosi Bei Yakob naran foun.) Kristus moris nosi siakaan husar-binan. Kristus moos Maromak mak ukun hotu-hotu. Ita tonu-haboot Nia toꞌo nima-nimak. Loos!

1 Korintus 15:47

Ilas dala uluk, ilas ema mak haseꞌi hosi rai isin atu moris iha raiklaran. Mais ilas dala rua, ilas Kristus mak moris iha laleꞌan.

2 Korintus 12:9

Mais Nia nataa naꞌak, “Lale. Haꞌu atu tulun o kodi katudu laran diꞌak baa o. Lia nia, toꞌo tiꞌan. O moran o duꞌuk la biit, foin Haꞌukaan beran hetak nakbiit o.” Tan Naꞌi Maromak katak nunia, haꞌu kdale waꞌin baa oras haꞌu duꞌuk la kbiit, nebee Kristus beran nakbiit haꞌu.

Galatia 4:4

Mais oras mak Naꞌi Maromak nakotu toꞌo mai tiꞌan, Nia solok Niakaan Oan mai atu dadi ema raiklaran, nebee ema raiklaran moos bele dadi baa Naꞌi Maromak oan. Baa oras Naꞌi Maromak Oan Yesus Kristus moris iha raiklaran, Nia moris tuir Ukun-badu Musa, nebee Nia bele nasori ema hotu-hotu mak tatalik no Ukun-badu nia.

Efesus 3:8

Nosi Naꞌi Maromak eman hotu-hotu, haꞌu neꞌe mak la folin basuk. Masik nunia moos, Nia sei boi haꞌu atu kalore Lia Diꞌak baa ema lahoos Yahudi sia, nebee sia moos bele natene Kristus laran diꞌak mak makaꞌas kaliuk.

Kolose 1:19

Naꞌi Maromak Niakaan makaꞌas hotu-hotu moos, iha Yesus Kristus. Tan lia nia, Naꞌi Maromak neon diꞌak.

Kolose 2:3

Kalo emi talin malu toꞌo neon ida ho Kristus, Nia foo matenek hotu-hotu mak emi buka. Nia nanorin emi nodi Niakaan matenek, nebee emi bele halo lia diꞌak sia. Matenek nia, hanesan sasoin mak folin todan.

Kolose 2:9

Masik Kristus dadi ema raiklaran hanesan ita, mais Naꞌi Maromak Niakaan makaꞌas hotu-hotu iha Kristus.

1 Timotius 3:16

Naꞌi Maromak loke tiꞌan lia funin boot nosi itakaan fiar. Itakaan fiar tatuur nia, nuneꞌe: Kristus namaan aan mai iha raiklaran neꞌe, nola ema raiklaran ilas hanesan ita. Maromak Kmalar dadi saksiin naꞌak, Yesus neꞌe, Ema Moon. Maromak Niakaan makbukar laleꞌan sia naree Nia tiꞌan. Niakaan Lia keke lema tiꞌan, toꞌo baa ema iha fatin hotu-hotu. Iha rai hotu-hotu ema fiar Nia tiꞌan. Naꞌi Maromak foti saꞌe Nia baa laleꞌan, hotu Nia nabesi aan iha fatin kneter. Itakaan fiar tatuur mak nia.

Ibrani 1:3

Niakaan Oan neꞌe natudu Maromak Niakaan kabaas, hanesan loro matan sinak mak tubu nosi lalenok. Niakaan ilas, oin ida no Maromak. Hodi Niakaan Manfatin makaꞌas, Nia nalaꞌo hotu-hotu iha laleꞌan no raiklaran. Nia moos loke dalan atu kasu mohu ema raiklaran salan, nebee sia dadi moos. Hotu Nia namaan aan saꞌe baa laleꞌan, tuur nabesi aan iha Maromak sorin kwana iha fatik mak kneter kaliuk.

Ibrani 1:5

Dala ida Naꞌi Maromak dale baa Oan naꞌak, “Ohin loron neꞌe, Haꞌu kfoti O dadi makaer ukun.” Naꞌi Maromak moos dale naꞌak, “Haꞌu neꞌe, Niakaan Ama. Nia moos, Haꞌukaan Oan.” Naꞌi Maromak dale kedan nunia nosi lia Niakaan Oan, mais Nia la dala ida dale nunia nosi lia Niakaan makbukar laleꞌan sia.

Ibrani 10:5

Baa oras Kristus mai iha raiklaran neꞌe, Nia katak baa Naꞌi Maromak nuneꞌe: “Naꞌi Maromak la nakara sera tunun no sera seluk sia mak ema natetu baa Nia. Sia nodi sera tunun waꞌin atu nalo baa sera. Hotu sia tunu naꞌan sera nodi nusu pardua. Masik nunia moos, Naꞌi Maromak neon la nakara. Tan lia nia, Nia naruka Haꞌu kmai iha raiklaran neꞌe, atu dadi baa ema raiklaran nuꞌu sia.”

Ibrani 2:11

Kalo ema tuir Yesus dalan moris, Naꞌi Maromak nanis simu diꞌa-diꞌak sia, nebee sia dadi baa Niakaan oan sia. Tan Naꞌi Maromak moos Yesus Aman, Yesus la moe temi sia naꞌak, “Emi neꞌe, Haꞌukaan maun-biin-alin duꞌuk.”

Ibrani 5:5

Nunia moos Kristus. Nia la foti aan duꞌuk dadi naꞌilulik boot. Naꞌi Maromak mak foti Nia. Uluk, Naꞌi Maromak dale naꞌak, “O neꞌe, Haꞌukaan Oan. Ohin loron neꞌe, Haꞌu kfoti O atu kaer ukun.”

1 Yohanis 4:14

Haꞌu ko haꞌukaan maluk sia haree duꞌuk tiꞌan Naꞌi Maromak Oan. Hotu ami katak baa ema hotu-hotu haꞌak, Ama Maromak solok tiꞌan Oan atu sori ema raiklaran nosi sala.

1 Yohanis 4:9

Naꞌi Maromak natudu dadomin baa ita nuneꞌe: Nia solok Niakaan Oa Mane mesak mai raiklaran neꞌe, atu loke dalan bodik ita, nebee ita bele moris ho Nia toꞌo nima-nimak.

2 Yohanis 1:7

Haꞌu kakerek neꞌe, tan ema manorik kaleꞌuk waꞌin laꞌo lema raiklaran neꞌe. Sia nanorin naꞌak, Yesus lahoos Kristus mak dadi ema raiklaran. Hodi nunia, sia tolek no sakar Kristus.

Lia Raiklaran Falu Fila 19:13

Niakaan tais, loban baa raa tiꞌan. Ema temi Nia naꞌak, “Maromak Manfatin”.

Lia Raiklaran Falu Fila 21:3

Haꞌu moos rona kola lia maliak makaꞌas ida mai nosi habesi aan fatin iha nia naꞌak, “Mana diꞌa-diꞌak! Nahuu baa oras neꞌe, Naꞌi Maromak hutun-renun bele tama-sai Niakaan Tofatik. Nahuu baa loron neꞌe, Naꞌi Maromak eman sia moris namutuk no Nia. Nia dadi baa siakaan Maromak. Sia moos dadi baa Niakaan hutun-renun. Nia atu moris no sia nohuun. Nia atu nein no sia nohuun.