Yakobus 5:1 - Tetun

^1-6 Emi, ema maksoin sia! Hanoin diꞌa-diꞌak! Emi hatoos kansera baa ema mak serwisu susi ruin bodik emi. Oras neꞌe siakaan kosar ween folin, nahii nasee emikaan tolek nia. Naꞌi Maromak Mak Boot Kaliuk moos rona tiꞌan. Emi moris iha raiklaran neꞌe, hafurak aan hodi tuir emikaan beer dei, toꞌo emi nuꞌu karau bokur mak ema atu noꞌo ona. Tan emi taa ukun tiꞌan hodi hoꞌo ema diꞌak mak la bele sakar emi. Emi, ema maksoin sia! Hadiꞌa aan tanis ona, tan susar oi-oik atu kona emi. Emikaan naha sia, atu dodok mohu ona. Emikaan tais kabaas sia, fuhuk atu naa ona. Emikaan mean no mutin sia, atu la noo folin ona. Sia naa fila emi, nuꞌu haꞌi naa ai maran. Raiklaran atu falu fila ona, mais emi sei halau aan libur naha mamuk sia. Tan saa emi beik nunia? Naha mamuk nia sia dadi lia kakaer naꞌak, emi la hatene saa mak noo folin iha Naꞌi Maromak oin!

Yakobus 5:1 ပူးပေါင်းရင်းမြစ်များ

Yakobus 2:6

Mais kalo emi fihir oin nunia, emi hahaat ema mukit sia, masik sia la nalo aat baa emi. Emi haluꞌa tiꞌan see mak tonan emi? Lahoos ema mukit, mais maksoin mak naseꞌi lia, hotu dada nakdiuk emi baa moon-metan. Sia mak netan midar, emi hetan mamuk.

Yakobus 4:13

Keta hameno karin haꞌak, “Ohin loron, lale awan, ami baa kota nebaa atu hein tinan ida iha nia. Ami atu baa buka moris iha nebaa!”

Yakobus 4:9

Kleur tiꞌan emi moris hafurak aan hodi hanasa hahaek. Oras neꞌe hanawa ona! Diꞌak liu halo neon aat hodi tanis, tan emi neon ruak no emi halo sala tiꞌan.