Yakobus 3:9 - Tetun

^9-10 Hodi ibun mesak ida, ita tonu ema no ita hahaat ema. Lia nia la fatan! Ita hodi ibun tonu Ama Maromak. Hotu ita hodi ibun nia hahaat ema mak Maromak naseꞌi tuir Niakaan ilas. Tan saa halo nunia?

Yakobus 3:9 ပူးပေါင်းရင်းမြစ်များ

Lia Uluk Fohon 5:1

Oras Maromak naseꞌi ema, naseꞌi siakaan ilas hanesan Nia duꞌuk. Naseꞌi feto no mane, hotu temi sia naꞌak “ema” nodi natuun matak-malirin baa sia. Ema uluk fohon basuk, naran Adam. Adam husar-binan mak neꞌe:

Mateus 26:74

Mais Petrus sakar nodi nabasuk lian tenik naꞌak, “Hoi! Haꞌu ktuku fatuk la katene ema nia!” Baa oras nia moos, manu kokoreek.

Mateus 5:44

Mais Haꞌu katak nuneꞌe: Musti madomi ema mak hirus o, modi makroꞌan nebee Naꞌi Maromak natuun matak-malirin baa ema mak nasusar o.

Kristus Klosan Lian 2:26

Tan baa nia, haꞌu neon boot. Haꞌu moos tonu-kaboot Maromak. Haꞌu kein Nia kodi neon metin,

Roma 3:14

Siakaan ibun nadois ema naran dei, toꞌo ema seluk laran moras, tan lia fuan mak sai nosi siakaan laran dois nia.

1 Korintus 11:7

Haneo kokon nuneꞌe: mane lalika taka ulun, tan Naꞌi Maromak naseꞌi mane tuir Niakaan ilas. Hodi nunia, mane dadi Naꞌi Maromak liman rasan mak nalore Naꞌi Maromak Niakaan makaꞌas. Mais feto dadi baa liman rasan mak nalore mane niakaan makaꞌas.

Efesus 1:3

Tonu-haboot Naꞌi Maromak, itakaan Naꞌin Yesus Kristus, Aman. Nia natuun matak-malirin oi-oik nosi laleꞌan bodik ita, tan ita talin malu ho Kristus.

Yakobus 1:27

Ema mak tebe-tebes moris moon, nia moris loos no moon iha Ama Maromak oin. Nia tulun ina faluk no lawarik kiak sia. Nia la nanono baa ema raiklaran sasuꞌat.

1 Petrus 1:3

Tonu-haboot Naꞌi Maromak, mak itakaan Naꞌin Yesus Kristus Aman. Tan Nia dodan ita tebes, Nia nalo Yesus Kristus moris nikar, atu foo moris foun baa ita. Ita bele haloon baa Nia, tan ita hatene, Nia bele naliku ita nohuun.