Yakobus 2:19 - Tetun

¹⁹ Emi fiar hanorin mak naꞌak, “Naꞌi Maromak, ida dei. Seluk la iha.” Tebes! Hanorin nia loos! Mais diabu sia moos fiar hanorin nia, toꞌo sia kiki no nataꞌuk. Mais siakaan fiar la no isin, tan sia la nalo diꞌak kois. Dadi keta haneo haꞌak, fiar hodi kakutak dei toꞌo tiꞌan.

Yakobus 2:19 ပူးပေါင်းရင်းမြစ်များ

Mateus 8:29

sia nahii naꞌak, “Hoi! Naꞌi Maromak Oan! Tan saa O mai koen ami? Oras atu kastikar ami, sei la toꞌo dauk!”

Markus 1:24

“Hoi! Yesus, ema Nasaret! O mai malo saa!? O moo lia saa mo ami!? O mai keen karin ami baa saa! Ami hatene O neꞌe, ema moon nia mak Naꞌi Maromak nameno atu solok mai.”

Markus 12:29

Yesus moos nataa naꞌak, “Ukun mak boot kaliuk mak neꞌe: ‘Ema hotu-hotu iha rai Israꞌel, rona diꞌa-diꞌak! Naꞌi Maromak mak itakaan Naꞌin, no itakaan Maromak! La noo seluk tenik. Nia mesan dei.

Markus 5:7

Naree nola nunia, Yesus naruka naꞌak, “Hoi! Diabu aat! Sai mela ema neꞌe ona!” Hotu, ema nia nahii makaꞌas naꞌak, “Hoi! Ita Boot atu halo saa baa haꞌu?! Haꞌu katene Ita Boot neꞌe Yesus, mak Naꞌi Maromak Boot Kaliuk Oan. Haꞌu kaloon nebee Ita Boot keta hasusar haꞌu.”

Lukas 4:34

“Hoi Yesus, ema Nasaret! O moo lia saa mo ami! O mai atu madodok ami ka? Ami hatene O. O neꞌe, Ema Moon mak uluk Naꞌi Maromak nameno atu solok mai.”

Yohanis 17:3

Ema bele netan moris nima-nimak, kalo sia simu naꞌak, Ama mesan mak Maromak malolok. Sia moos musti simu naꞌak, Haꞌu mak Yesus Kristus, mak Ama solok tiꞌan mai raiklaran neꞌe.

Kristus Klosan Lian 16:17

Loron nia, oras ami laꞌo, feto nia tuir ami bei-beik. Nia nahii naꞌak, “Ema neꞌe sia, klosan nosi Maromak Mak Beran Kaliuk. Sia mai natudu dalan nebee ema bele netan moris no sai nosi sala!”

Kristus Klosan Lian 19:15

Loron ida, oras sia nalo nunia, diabu aat ida nataa fila naꞌak, “Haꞌu krona Yesus. Haꞌu moos krona Paulus. Mais emi neꞌe, see?”

Kristus Klosan Lian 24:25

Nia moos nalore dalan nebee ema bele moris loos no dalan nebee ema bele daka aan keta monu baa sala. Nia moos nalore nosi lia Naꞌi Maromak tetu ema hotu-hotu moris dalan oras rai falu fila. Rona nola nunia, gubernur Feliks moos nataꞌuk tebes. Hotu nia dale baa Paulus naꞌak, “Paulus! Toꞌo ona. Leet seluk, foin haꞌu kbolu kikar o.”

Roma 3:30

Naꞌi Maromak, mesak dei. Nia naloos ema raiklaran hotu-hotu. Masik sia ema Yahudi ka, lahoos Yahudi ka, Nia naloos sia hotu-hotu, surak sia fiar baa Yesus Kristus.

1 Korintus 8:4

Lia naꞌan mak ema sera baa aiꞌoi lulik nuneꞌe. Ita hotu-hotu hatene aiꞌoi lulik mak ema loꞌu-sudur baa, lahoos Maromak. Noo hakerek naꞌak, “Maromak, mesak ida dei.” No “aiꞌoi lulik mak ema loꞌu-sudur baa, la noo folin kois.”

1 Korintus 8:6

Mais bodik ita, Maromak mesak dei. Nia, itakaan Ama. Lia hotu-hotu nahabut baa Nia. Ita halo hotu-hotu bodik Nia. Itakaan Naꞌin moos, mesak dei. Neꞌe mak, Yesus Kristus. Naꞌi Maromak nodi Nia atu naseꞌi hotu-hotu. Ita moris, tan Nia mak foo moris baa ita.

Galatia 3:20

Mais baa oras Naꞌi Maromak namate menon no Abraham, Nia la nodi ailalete, Nia naꞌin mak nameno duꞌuk. Hodi nunia, ita hatene haꞌak, Naꞌi Maromak mamenon baa Abraham, folin kaliuk nosi Ukun-badu nia sia.

1 Timotius 2:5

Naꞌi Maromak, ida dei. Ailalete moos, ida dei. Ailalete nia, mak Yesus Kristus. Yesus Kristus mak nalo Naꞌi Maromak laran malirin baa ita ema raiklaran. Yesus, ema raiklaran nodi aan.

Yakobus 2:8

Diꞌak liu, tuir ukun-badu kabaas iha Hakerek Moon mak naꞌak, “Hadomi ema seluk, nudaar hadomi isin lolon duꞌuk.”

Yudas 1:4

Mais haꞌu krona noo ema naꞌin hira mak tama no-nook iha emikaan klaran tiꞌan. Sia la moris tuir Naꞌi Maromak hanorin loos, mais moris tuir siakaan nawan aat dei. Sia katak naꞌak, tan Naꞌi Maromak laran diꞌak, sia la netan kastikar. Mais lia nia, lia kaleꞌuk! Sia dale seluk, sia nalo seluk! Sia nakara nebee ita lalika rona tenik baa itakaan Naꞌin no itakaan Ulun Yesus Kristus. Mais hanoin, tan Hakerek Moon naꞌak, Naꞌi Maromak nakotu kedan hori uluk lia nosi siakaan kastikar.

Yudas 1:6

Knaninuk seluk nosi lia Naꞌi Maromak Niakaan makbukar laleꞌan. Naꞌi Maromak latan beran baa sia, mais noo kladik. Sia balu noran la toꞌo, hotu nakur liu siakaan beran nia. Tan baa nia, Naꞌi Maromak kesi sia no neti natoos sia iha fatin makukun, nebee sia nein iha nia toꞌo oras Naꞌi Maromak tetu ema hotu-hotu moris.

Lia Raiklaran Falu Fila 20:10

Hotu, kohi nola samea inan mak beꞌur nola ema lear nia, fiꞌit soe baa tasi haꞌi lobot mak laka la nakotu. Nia atu kona sena iha nebaa namutuk no buat krakat aat nia no niakaan makoꞌan tolek teen nia. Loron-kalan sia netan susar iha nia toꞌo nima-nimak.