Roma 9:22 - Tetun

²² Nunia moos, Naꞌi Maromak. Nia noo beran atu nalo tuir Niakaan hakara duꞌuk. Nia bele boi atu natudu Niakaan hahibun no Niakaan beran baa ema mak nalo aat, tan ema nia sia fatan kona kastikar toꞌo welon. Mais Nia moos bele boi atu netu neon no ema mak nalo aat.

Roma 9:22 ပူးပေါင်းရင်းမြစ်များ

Lia Uluk Fohon 15:16

Haꞌu moos kahulin nebee okaan husar-binan dala lima sia, fila nikar mai rai neꞌe. Oras neꞌe, ema Amori sia mak sei nein iha rai neꞌe. Sia moris aat, mais sei la duun resik. Nosi ikus, kalo okaan husar-binan sia fila mai nikar tiꞌan, Haꞌu kodi sia kalaꞌok kastikar, kodi kabeꞌo dodok ema Amori sia, tan baa oras nia, siakaan hahalok aat naksoit liu kladik tiꞌan.”

Roma 1:18

Naꞌi Maromak katak tiꞌan nuneꞌe: kalo ema seꞌi kotuk baa Nia, no ema nalo aat oi-oik, Nia la simu hahalok nunia. Ema oin nunia natene tiꞌan saa mak loos, mais sia sei nalo aat luku dei. Sia moos seten ema seluk toꞌo la natene tenik lia loos. Etuk, Naꞌi Maromak atu natuun kastikar baa sia nosi laleꞌan.

Roma 9:17

Iha Hakerek Moon, Naꞌi Maromak dale baa Naꞌin Mesir naꞌak, “Haꞌu kfoti o dadi baa naꞌin, tan haꞌu kakara kodi o atu matudu Haꞌukaan beran baa ema lear. Hodi nunia, ema iha raiklaran tomak foti-naboot Haꞌukaan naran.”

Roma 9:20

Kalo o manoin nunia, haꞌu kataa o kaꞌak, “O maneo o neꞌe see?! O bele dale sakar Naꞌi Maromak ka?” Keta nunia, tan Hakerek Moon naꞌak, “Kalo ema ida naseꞌi buat ida, buat nia bele nusu fila baa ema mak naseꞌi nia naꞌak, ‘Tan saa o malo haꞌu nuneꞌe?’ ”

Roma 9:21

Haꞌu kola knaninuk kosi ema mak nalo sasanan rai. Nodi rai fuꞌak ida, nia bele boi atu nalo hanek molen toꞌo ema mose. Nia moos bele boi atu nalo baa sasanan teꞌin mak la no folin. Nia nalo tuir niakaan hakara dei.

1 Tesalonika 2:16

Sia nalo sohan oi-oik, nebee ita lalika hodi Manfatin Diꞌak baa ema seluk, tan sia la noꞌuk Naꞌi Maromak sori ema seluk. Nodi nunia, sia butuk siakaan salan hetak aas. Etuk, nosi ikus Naꞌi Maromak nahibu toꞌo taa ukun baa sia.

1 Tesalonika 5:9

Naꞌi Maromak la boi nola ita atu kona kastikar, mais atu hetan moris, tan ita fiar baa itakaan Naꞌin Yesus Kristus.

2 Timotius 2:20

Iha ema maksoin uman, noo bahoꞌak oi-oik. Noo bahoꞌak kabaas nosi mean no mutin, no bahoꞌak mak tau loron-loron nosi ai no rai mean. Oras noo dahur boot, uma naꞌin neon boot tau bahoꞌak kabaas nia sia. Mais nia moe aan tau bahoꞌak loron-loron nia sia iha ema lear oin. Nunia moos ita. Kalo ita hadook aan hosi aꞌaat, ita nuꞌu bahoꞌak kabaas nia sia. Uma naꞌin nakara nodi ita, tan ita hoo folin atu halo serwisu diꞌak bodik nia.

1 Petrus 2:8

Hakerek no naꞌak, “Noo fatuk ida mak nalo ema sidi ain. Noo fatuk ida mak nalo ema nakloti tan.” Ema nakloti, tan sia la noꞌuk nalo tuir Maromak Manfatin. Hodi nunia, sia netan sotir aat.

1 Petrus 3:20

Matebian nia sia, ema uluk aan mak moris iha raiklaran baa Noh oras. Sia la noꞌuk nanono baa Maromak. Baa oras nia, Noh nalo roo boot ida. Hotu Naꞌi Maromak nei-nein atu naree ema nia sia atu nanono baa Nia ka, lale. Mais sia la noꞌuk. Tan baa nia, ema naꞌin walu dei mak sasin nosi motasaꞌe boot nia.

2 Petrus 2:3

Sia rotus teen. Sia naseꞌi oi-oik nebee sia bele beꞌur nola emikaan osan. Mais keta haluꞌa, tan Naꞌi Maromak dadi baa Makotu Lia. Nia la toba kois. Hori uluk, Nia nadiꞌa aan tiꞌan atu kastikar sia. Sia nanis dodok.

2 Petrus 2:9

Knaninuk nia sia natudu naꞌak, kalo ema nanono baa Naꞌi Maromak, Naꞌi Maromak nakara sori nola sia nosi sokur oi-oik. Mais Nia moos nakara taa ukun todan baa ema mak moris kaleꞌuk. Nia atu nalo bei-beik nunia toꞌo oras Nia nabesi aan leno ema hotu-hotu moris.

Yudas 1:4

Mais haꞌu krona noo ema naꞌin hira mak tama no-nook iha emikaan klaran tiꞌan. Sia la moris tuir Naꞌi Maromak hanorin loos, mais moris tuir siakaan nawan aat dei. Sia katak naꞌak, tan Naꞌi Maromak laran diꞌak, sia la netan kastikar. Mais lia nia, lia kaleꞌuk! Sia dale seluk, sia nalo seluk! Sia nakara nebee ita lalika rona tenik baa itakaan Naꞌin no itakaan Ulun Yesus Kristus. Mais hanoin, tan Hakerek Moon naꞌak, Naꞌi Maromak nakotu kedan hori uluk lia nosi siakaan kastikar.