Roma 8:25 - Tetun

²⁵ Mais kalo ita sei neo-neon baa lia ida mak sei la dadi dauk, ita musti haterus aan hodi hein bei-beik.

Roma 8:25 ပူးပေါင်းရင်းမြစ်များ

Lia Uluk Fohon 49:18

Aaa, MAROMAK! Haꞌu kamulak kodi kaloon, nebee Ita foo moris baa ami hotu-hotu!

Lukas 21:19

Mais kalo emi haterus aan bei-beik, Naꞌi Maromak nanis sori emi.”

Lukas 8:15

Mais fini mak monu baa rai isin, nuꞌu ema neon loos. Nia rona Maromak Manfatin, hotu rai diꞌa-diꞌak baa neon. Hodi nunia, nia fiar nohuun nodi nalo lia diꞌak waꞌin.”

Roma 12:12

Neon diꞌak loron-kalan, hodi hanoin hotu-hotu mak Naꞌi Maromak atu nalo bodik emi. Haterus aan baa oras susar. Hamulak loron-kalan, keta horan kole.

Roma 2:7

Ema mak nalo diꞌak bei-beik, Naꞌi Maromak foo moris nima-nimak. Sia simu kneter, naran diꞌak, no moris toꞌo nima-nimak.

Roma 8:23

Lahoos raiklaran no sasoin mesan dei mak neo-neon, mais ita hotu. Naꞌi Maromak foo uluk Kmalar Lulik baa ita. Mais ita sei neo-neon nebee Naꞌi Maromak moos foti ita dadi baa Niakaan oan, nodi sori itakaan isin lolon nosi aꞌaat hotu-hotu.

Kolose 1:11

Ami moos hamulak hodi hakroꞌan nebee Naꞌi Maromak natuun Niakaan beran makaꞌas, nebee emi bele hatiu lia hotu-hotu hodi heti neon. Nebee emikaan neon diꞌak bei-beik, toꞌo emi sera dodan baa Ama Maromak, tan Nia loke dalan atu sori emi nosi beran aat mak moris iha kukun laran. Nia latan Oan Yesus Kristus nebee selu nola emi, no kasu mohu emikaan salan. Hotu, Nia foti Oan dadobe nia, dadi baa emikaan Naꞌin, nebee emi bele simu fafaꞌek hosi sasoin iha laleꞌan. Sasoin nia, Naꞌi Maromak atu foo baa ema mak natene Yesus Kristus no ema mak moris iha kroman laran.

1 Tesalonika 1:3

Ami moos hanoin serwisu mak emi halaꞌok, tan emi fiar baa Yesus no hadomi Nia. Emi haterus aan ho serwisu nia sia hodi haloon baa Nia. Ami sera lia nia sia hotu-hotu baa Naꞌi Maromak, itakaan Ama.

2 Tesalonika 3:5

Ami hakroꞌan, nebee Naꞌi Yesus babilan emi, nebee emi bele hetak hatene Naꞌi Maromak dadomin no hetak haterus susar, hanesan Kristus naterus susar.

Ibrani 10:36

Haterus aan baa dei! Kalo emi halaꞌok tuir Naꞌi Maromak hakaran hotu-hotu, emi simu hotu-hotu mak Nia nameno baa emi tiꞌan.

Ibrani 6:12

Surak, keta baruk teen! Haninu ema mak fiar kleur tiꞌan baa Naꞌi Maromak. Tan sia naloon nohuun baa Nia, toꞌo sia simu nola saa mak Nia nameno tiꞌan baa sia.

Lia Raiklaran Falu Fila 1:9

Tan ita fiar bele-bele haꞌak, Yesus, itakaan Naꞌin, etuk haꞌu kdadi emikaan maluk. Ema balu krakat tan ita tuir Yesus, mais Yesus nakbiit itakaan neon, toꞌo ita bele haterus aan bei-beik. Sia moos krakat haꞌu, tan haꞌu katak Naꞌi Maromak Manfatin baa ema, kodi kanorin lia Yesus. Tan lia nia, sia kohi nodi soe haꞌu tiꞌan baa rai neꞌe, mak naran Patmoos.

Lia Raiklaran Falu Fila 13:10

Kalo Naꞌi Maromak nakotu tiꞌan naꞌak, ema ida musti kona kohi, ema nia nanis kona kohi. Kalo Naꞌi Maromak nakotu tiꞌan naꞌak, ema ida kona hoꞌo hodi surik, ema nia nanis kona hoꞌo hodi surik.” Tan baa nia, Naꞌi Maromak eman sia musti naterus aan iha susar laran, hodi fiar bei-beik baa Nia.

Lia Raiklaran Falu Fila 14:12

Tan baa nia, Naꞌi Maromak eman sia musti nanono diꞌa-diꞌak Niakaan ukun, no fiar bei-beik baa Yesus. Keta nakiduk.